نعي أليم - فيصل سعد في ذمة الله !!! عكــود

آخر 5 مواضيع
إضغط علي شارك اصدقائك او شارك اصدقائك لمشاركة اصدقائك!

العودة   سودانيات .. تواصل ومحبة > منتـديات سودانيات > منتـــــــــدى الحـــــوار

إضافة رد
 
أدوات الموضوع انواع عرض الموضوع
قديم 18-01-2015, 08:35 AM   #[1]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي اسقى الشمس شاى الصباح

للغرباء البره الوطن
للوطن الجوه الغرباء



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 18-01-2015, 08:36 AM   #[2]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

ساساق الروح
ما بين دروب الليل
وفرقان الغياب
ومن تالاهن مرق منك
عليك ديداب
مضارى من عين الضلام
والشوف مقسم
بين عيونك والدليل
وانت المخسّم
بالدرادر والعذاب
وعطشك هناك
ساكن نواحى النيل
نشفان نميمك وين تقبل
ووين تروح
راجيك سيل
اتوكل على خوفك
وليك الويل
دس يقينك فى الزحام
وليك الويل
ارميهو فى بطن الوجع تيراب
حس الوجع غلبو الكلام
والطين موسّم
بالوجوه الخايفه
من قولة تعال
ضلك معسّم
مكتوف على وش النعال
رمش الهنا وكحل الوئام
مالى العيون النازفه
من شح الوصال
وكيف السبيل
والممكن المسكين بعيد
ما باقى ليك غير المحال
المرقة فى دربك سؤال
والرجعة زادك والجواب
ورحلك مستف بالغباين
بالمشاوير الطوال
موية شرابك
قطرة فى بحر السراب
من ياتو جيهة بجيك مناك ؟
وعين الشمس مصرورة
مضاريه بى شقل السحاب
وضو الجهات مسروق
جنات عذابك
باليمين ساكنه العروق
ونيران سعادتك بالشمال
لى ياتو جيهة تسوق غناك ؟
وحس البلود مخنوق
خت الوصية قريب حداك
فى ذمة الليل القديم
اسقى الشمس شاى الصباح
قبال يحين وقت المروق
قبال تداهمك
خيل مواجعك والجراح
قبال يفوت
باقى الغنا الفضل معاك
قبال تضلم
وينكسف وش البروق
امرق تعال
اختا الدروب الما بتحن
اضارا بى شوك الرياح
امرق تعال
قبال تجن
مسيومه روحك
وانتم مافى
مربوطة بى مغس الحبال
لملم جروحك
فى المنافى
صنقر تحت ضل المنى الممحوق
واخير تجى
امرق تعال
قبال تبور فى السوق
والمرقة فى درب سؤال
الرجعة زادك والجواب

امرق تعال



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 18-01-2015, 08:58 AM   #[3]
ناصر يوسف
:: كــاتب نشــط::
الصورة الرمزية ناصر يوسف
 
افتراضي

قبال تبور فى السوق
والمرقة فى درب سؤال




ياخي مالك علينا ابوذر ياخ

لقد بُرنا وبارت تجارتنا وبارت حياتنا ذاتها ياخ

لقد سامونا في سوق النخاسة

شكراً ابوذر



التوقيع:
ما بال أمتنا العبوس
قد ضل راعيها الجَلَوس .. الجُلوس
زي الأم ما ظلت تعوس
يدها تفتش عن ملاليم الفلوس
والمال يمشيها الهويني
بين جلباب المجوس من التيوس النجوس
ناصر يوسف غير متصل   رد مع اقتباس
قديم 18-01-2015, 09:24 AM   #[4]
عبد المنعم حضيري
:: كــاتب نشــط::
الصورة الرمزية عبد المنعم حضيري
 
افتراضي

اقتباس:
المشاركة الأصلية كتبت بواسطة أبوذر بابكر مشاهدة المشاركة

اسقى الشمس شاى الصباح
قبال يحين وقت المروق
قبال تداهمك
خيل مواجعك والجراح
قبال يفوت
باقى الغنا الفضل معاك
قبال تضلم
وينكسف وش البروق
امرق تعال
اختا الدروب الما بتحن
اضارا بى شوك الرياح
امرق تعال
قبال تجن
مسيومه روحك
وانتم مافى
مربوطة بى مغس الحبال
لملم جروحك
فى المنافى
صنقر تحت ضل المنى الممحوق
واخير تجى
امرق تعال
قبال تبور فى السوق
والمرقة فى درب سؤال
الرجعة زادك والجواب

امرق تعال

من هنا ....تذكرت قصيدة المبدع خالد شقوري التي يغنيها النصري يا الشايل شمسك في جواك ....وأعتقد أن الموضوع واحد

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
******
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
******
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
******
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
******
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
******
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
******
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
******
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
******
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
******
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف



تحياتي على هذا الجمال يا اباذر



عبد المنعم حضيري غير متصل   رد مع اقتباس
قديم 19-01-2015, 05:28 AM   #[5]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

اقتباس:
المشاركة الأصلية كتبت بواسطة ناصر يوسف مشاهدة المشاركة
قبال تبور فى السوق
والمرقة فى درب سؤال




ياخي مالك علينا ابوذر ياخ

لقد بُرنا وبارت تجارتنا وبارت حياتنا ذاتها ياخ

لقد سامونا في سوق النخاسة

شكراً ابوذر
سنرجع يوما الى حينا

أو كما غنت السيدة فيروز

قدس الخالق شدوها

حتما سنرجع يا ناصر

إن على الأقدام أو على آلة محمولة

كيف الحال



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 19-01-2015, 05:29 AM   #[6]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

اقتباس:
المشاركة الأصلية كتبت بواسطة عبد المنعم حضيري مشاهدة المشاركة
من هنا ....تذكرت قصيدة المبدع خالد شقوري التي يغنيها النصري يا الشايل شمسك في جواك ....وأعتقد أن الموضوع واحد

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
******
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
******
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
******
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
******
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
******
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
******
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
******
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
******
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
******
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف



تحياتي على هذا الجمال يا اباذر
حياك خالق الجمال يا حضيرى

نعم
ربما هى ذات ال "نوستالجيا" المريرة

مزيج من الأحزان والآمال والأحلام

وقليل من الفرح



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 19-01-2015, 07:38 AM   #[7]
محمد عبد الله حرسم
:: كــاتب نشــط::
 
افتراضي

يا اباذر جيت اقلدك واسلم عليك

وانادى معاك
(
قبال يحين وقت المروق
قبال تداهمك
خيل مواجعك والجراح
قبال يفوت
باقى الغنا الفضل معاك
قبال تضلم
وينكسف وش البروق
امرق تعال
)

قبال يجف الكلام
وقبال تقول السلام


اباذر يا مطر مشتاقين



محمد عبد الله حرسم غير متصل   رد مع اقتباس
قديم 19-01-2015, 08:30 AM   #[8]
Abdullahi Gaafar
:: كــاتب نشــط::
 
افتراضي

الصديق ابوذر


دي للغرباء الجوه الوطن


دوران نبضك حول اثافيك الثلاثة...وثالوث عشقك الابدي ....هروبا من النهر والحلم الي الشمس ...مساسقة الذاكرة حين تضنيك اوجاع الغربة ويصعد الحنين اقصي الروح....حتي تخشي سقوط صوتك من ذاكرة من تحبهم

غيابك طال
وطال الليل
وطالت غيبة الضحك البهدهد في البنيات الحلم
جيتك عشم قلب البنيات الابن ينسن ملامح ضحكتك
وقفن علي وجع الغنا ونادن نصايص الليل
علي الشمس الابت تطلع صباح العيد
ومر العيد كما باقي الفضل من حرقة الايام
ناديناك لامن بح صوتنا من الغنا الفتر خيول احلامنا
لا جاوبت لا شمسك رضت تطلع
ندهنا عليك
حلفناك بالباقي الفضل جواك من الشوق تعال
فد مرة كان يبرد صهيل الشوق ونتلقاك
زي اول قبال النيل ترانيم ضحكتك والطين
غنا الشفع مع القمرة
وليالي الوقفة ما بين الغياب والرجعة في الاعياد
ناديناك لا جاوبت لا رديت
وابيت تطلع كما الشمس الابت تطلع صباح العيد
فترنا من الوقاف والخوف
وما ملينا من شيلك حلم جوانا زي النيل
وما ملينا من وجع انتظار شوفتك
ولو فد مرة
شان تضحك ليالي الوقفة والعيدين
وتطلع فينا من تاني الاماني غناوي
والشمس النست تطلع صباح العيد
ونتلقاك يا شبه الصباح والنيل
مستف زي عوايدك
ديمة بالضحك البهدهد في البنيات الحلم والشوق
ونستناك زي يوم بكرة
لو تطلع شموس ذكرانا في جواك
سلام

عبد الله جعفر



التعديل الأخير تم بواسطة Abdullahi Gaafar ; 19-01-2015 الساعة 08:38 AM.
Abdullahi Gaafar غير متصل   رد مع اقتباس
قديم 19-01-2015, 12:38 PM   #[9]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

اقتباس:
المشاركة الأصلية كتبت بواسطة محمد عبد الله حرسم مشاهدة المشاركة
يا اباذر جيت اقلدك واسلم عليك

وانادى معاك
(
قبال يحين وقت المروق
قبال تداهمك
خيل مواجعك والجراح
قبال يفوت
باقى الغنا الفضل معاك
قبال تضلم
وينكسف وش البروق
امرق تعال
)

قبال يجف الكلام
وقبال تقول السلام


اباذر يا مطر مشتاقين
كيف الحال يا محمد

إن شاء الله طيب وشديد وسعيد

حتى لو داهمتنا كل جحافل الحزن
برضو لازم نرجع

نحن وغنانا



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 20-01-2015, 06:18 AM   #[10]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

اقتباس:
المشاركة الأصلية كتبت بواسطة Abdullahi Gaafar مشاهدة المشاركة
الصديق ابوذر


دي للغرباء الجوه الوطن


دوران نبضك حول اثافيك الثلاثة...وثالوث عشقك الابدي ....هروبا من النهر والحلم الي الشمس ...مساسقة الذاكرة حين تضنيك اوجاع الغربة ويصعد الحنين اقصي الروح....حتي تخشي سقوط صوتك من ذاكرة من تحبهم

غيابك طال
وطال الليل
وطالت غيبة الضحك البهدهد في البنيات الحلم
جيتك عشم قلب البنيات الابن ينسن ملامح ضحكتك
وقفن علي وجع الغنا ونادن نصايص الليل
علي الشمس الابت تطلع صباح العيد
ومر العيد كما باقي الفضل من حرقة الايام
ناديناك لامن بح صوتنا من الغنا الفتر خيول احلامنا
لا جاوبت لا شمسك رضت تطلع
ندهنا عليك
حلفناك بالباقي الفضل جواك من الشوق تعال
فد مرة كان يبرد صهيل الشوق ونتلقاك
زي اول قبال النيل ترانيم ضحكتك والطين
غنا الشفع مع القمرة
وليالي الوقفة ما بين الغياب والرجعة في الاعياد
ناديناك لا جاوبت لا رديت
وابيت تطلع كما الشمس الابت تطلع صباح العيد
فترنا من الوقاف والخوف
وما ملينا من شيلك حلم جوانا زي النيل
وما ملينا من وجع انتظار شوفتك
ولو فد مرة
شان تضحك ليالي الوقفة والعيدين
وتطلع فينا من تاني الاماني غناوي
والشمس النست تطلع صباح العيد
ونتلقاك يا شبه الصباح والنيل
مستف زي عوايدك
ديمة بالضحك البهدهد في البنيات الحلم والشوق
ونستناك زي يوم بكرة
لو تطلع شموس ذكرانا في جواك
سلام

عبد الله جعفر
عبد الله

يا أيها العزيز

فى قبضة تراجيديا الغياب يا صاحبى
وفى معية كوميديا الفرح المراوغ دوما
ذلك الذى لا يتحقق إلا لماما ونادرا

وفى غيهب جب التيه الممعن فى جدبه

سألنى الحلم ذات أمنية
سألنى وهو يجلس قريبا من منبع الأرق
قال

إلى أى مدى أنت ميت؟
أجبته وأنا صامت

إلى نهاية بداية الموت
قال وما هى البداية؟

قلت الغياب

ونمت بعدها صحوا صامتا

فوجه الغياب حاضر على الدوام أمام مرآة حضورنا
و لو أردت أن تجمل ذلك االوجه، فأنت محتاج إلى جميع الأغنيات التى تحملها الرياح، وإلى جميع الإبتسامات التى لم تخرج بعد من جيوب الأطفال

فحين يوغل فيك الحلم بعيدا، مثل حبر يتسلل إلى جسد القصيدة
تدرك حينها أنك عاجز عن اللحاق ببقايا زفير الأمنية وهى تهرب منك لا تلوى على أمل

تفارق اقدامك خطواتك وينكر الدرب سيرتك القديمة

فى بعض الحلم عودة واياب
وفى كل الأسى فراق وغياب

وهل الحياة إلا حلم طويل؟



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
قديم 21-01-2015, 12:20 AM   #[11]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

يا سلام، يا سلام عليك يا ابو ذر!!
دا بوست جميل ومجيّه بالغنا وسيرة الوجع!



التعديل الأخير تم بواسطة الرشيد اسماعيل محمود ; 21-01-2015 الساعة 12:26 AM.
الرشيد اسماعيل محمود غير متصل   رد مع اقتباس
قديم 21-01-2015, 12:25 AM   #[12]
الرشيد اسماعيل محمود
:: كــاتب نشــط::
الصورة الرمزية الرشيد اسماعيل محمود
 
افتراضي

اقتباس:
جيتك عشم قلب البنيات الابن ينسن ملامح ضحكتك
يا سلام يا استاذ عبد الله جعفر!!
دي لوحة ملوّنة، زاهية ولافتة للحنين!
أظن:
أيّ مفردة تانية غير (أبنْ) ما كان حيكون للبيت دا معني مُلفت للانتباه، كلمة (أبنْ) دي صيغة منتهي الاصرار والحنين!

تحياتي



الرشيد اسماعيل محمود غير متصل   رد مع اقتباس
قديم 21-01-2015, 10:11 AM   #[13]
أبوذر بابكر
:: كــاتب نشــط::
الصورة الرمزية أبوذر بابكر
 
افتراضي

اقتباس:
المشاركة الأصلية كتبت بواسطة الرشيد اسماعيل محمود مشاهدة المشاركة
يا سلام، يا سلام عليك يا ابو ذر!!
دا بوست جميل ومجيّه بالغنا وسيرة الوجع!
كده يا داب بقى جميل

بالإبتسامة الوضيئة دى

كيفك ياخ



التوقيع:
يا سرَها يا لونَها
كيف إحتمالُك للعبيرْ
جلستُ على رخامِ أغنيةٍ
تنسابُ ناصعةً من هديلِ لونِها
من مسامِ سرِها
فزملنى الحرير
أبوذر بابكر غير متصل   رد مع اقتباس
إضافة رد

تعليقات الفيسبوك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

التصميم

Mohammed Abuagla

الساعة الآن 07:06 AM.


زوار سودانيات من تاريخ 2011/7/11
free counters

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.