جو سوي أباس ... لعنة عباس تطاردني...

[طارق الحسن محمد]

المشاركة الأصلية كتبت بواسطة خالد الحاج

الحبيب طارق
تسلم يا زول يا جميل
طبعا نفسي أقول ليك أتمني دائما أن أسعد "سخسك" الغالي
لكن أنا بقيت "مقنطر للنقد " في بوست الباش
دحين أخير أخلي الفصاحة شوية اليومين ديل وألبس ثوب التلاميذ

بن عمى الجميل
انا من الناس البيكتبو قصص
قصيرة وبستمتع بكتاباته جدا
وهو الصديق عادل القصاص
واجمل نص فى رائى هو
ذات صفاء ذات نهار سادس
اخضر
ساحاول البحث عنها واذا وجدتها
سوف اقوم بانزلها فى المنتدى
وحتى ذلك الوقت
كن معلما وليس تلميذا

مودتى

[نهى أحمد]

سردك جميل يا أستاذ خالد
ذكرتني نكته ما عارفاها كان قديمه ولا جديده المهم ما بايخه
قالوا في بت جميله شديد، وكل شباب الحلًه مكسًرين فيها وبيتحدوا أي زول لو قدر يقيف يتكلم معاها من شدة جمالها. قام واحد من الشباب دقً سدرو وقال حيتكلم معاها، مشى على طول ودقً الباب
هو:- السلام عليكم
- وعليكم السلام والرحمه
- محمد أخوك في؟
-لالا
- خلاص لامن يجي نقول ليهو منو؟

[فيصل سعد]

المشاركة الأصلية كتبت بواسطة نهى أحمد

سردك جميل يا أستاذ خالد
ذكرتني نكته ما عارفاها كان قديمه ولا جديده المهم ما بايخه
قالوا في بت جميله شديد، وكل شباب الحلًه مكسًرين فيها وبيتحدوا أي زول لو قدر يقيف يتكلم معاها من شدة جمالها. قام واحد من الشباب دقً سدرو وقال حيتكلم معاها، مشى على طول ودقً الباب
هو:- السلام عليكم
- وعليكم السلام والرحمه
- محمد أخوك في؟
-لالا
- خلاص لامن يجي نقول ليهو منو؟

دي زي واحد اغرته واحدة في السوق دلال و غنج شديد فقعد يساكك و يساقق لغاية ما دخلت البيت ، دق الباب جاء مارق ابوها طويل عريض المنكبين شلولخ قال ليو "ايش تبي" فرد "مين عندكم دقالي بليب"

[خالد الحاج]

المشاركة الأصلية كتبت بواسطة نهى أحمد

سردك جميل يا أستاذ خالد
ذكرتني نكته ما عارفاها كان قديمه ولا جديده المهم ما بايخه
قالوا في بت جميله شديد، وكل شباب الحلًه مكسًرين فيها وبيتحدوا أي زول لو قدر يقيف يتكلم معاها من شدة جمالها. قام واحد من الشباب دقً سدرو وقال حيتكلم معاها، مشى على طول ودقً الباب
هو:- السلام عليكم
- وعليكم السلام والرحمه
- محمد أخوك في؟
-لالا
- خلاص لامن يجي نقول ليهو منو؟

إزيك يا نهي
عساك طيبة
طبعا زولنا حريف والله ما عندو عوجة
لكن الكلام لما يبقي بالعربي ساهل الله لا وراك يا بت العم الرجفي لما اللسان يبقي عجمي

[خالد الحاج]

كان قلت ليكم مرفوع بي طلب بتصدقوني

[عبد الجليل سليمان]

غاية المتعة يا خال .. في الحكي هو التداعي .. إستنهاض الذكريات .. ملاحقتها لك أنى يممت هجرتك .. ولعنة عباس (تحت الحياة) (فويق الممات) .. هي لعنتنا جميعا .. شكرا لـ خالد التلميذ الشقي .. وشكر له الرجل (الملعون)!!
وقال .. محمد مدني:
ويعبس عباس
ثم يولي شطر الذي لست أدري
لماذا مجرّدَ قولٍ يقود الى القارعة؟
لماذا تساءلت يا وارداً كدراً
والجواب لديك ؟
وصفُ الجواب لدى القامة الفارعة
أحبُّ الخلائق للناس ، عباس
رغم العبوس
لأن اليربي أبناءه بالحديد
سيأتون بالحيلة البارعة
وعباس ، يفتح للناس أبوابه
- دائماً – مثل شرطي المرور
كما يشتهي يفتح الشارعا
وعباسُ ... عباسُ
يا ايها الناسُ
عباسُ .... عباسُ
صرتم قطيعاً
لهـــذا رعــــــى

[أسامة الكاشف]

كان قلت ليكم مرفوع بي طلب بتصدقوني ..

مصدق يا خال من غير حلايف
يمكن نصيبنا نحن عشان نستمتع بالتداعي اللذيذ ده

[خالد الحاج]

المشاركة الأصلية كتبت بواسطة أسامة الكاشف

كان قلت ليكم مرفوع بي طلب بتصدقوني ..

مصدق يا خال من غير حلايف
يمكن نصيبنا نحن عشان نستمتع بالتداعي اللذيذ ده

رفع البوست يا أسامة له قصة..
التقيت صديقة بعد غياب..
قالت لي ليه بتكتب في السياسة ؟ ثم أضافت: السياسة يا خال زي الحية العندها رأسين...
ذكرتني ببعض نصوصي في شخصيات من حلتنا ثم سألتني كيف يرفع البوست القديم
وذكرت هذا البوست بعينه..

وها هو "يعيش" مجددا بمداخلات جليل وأسامة ؟؟
(يحي العظام ....) ..

يديك العافية

[خالد الحاج]

المرة دي يرفع البوست مزاج كده

[خالد الحاج]

المشاركة الأصلية كتبت بواسطة عبد الجليل سليمان

ويعبس عباس
ثم يولي شطر الذي لست أدري
لماذا مجرّدَ قولٍ يقود الى القارعة؟
لماذا تساءلت يا وارداً كدراً
والجواب لديك ؟
وصفُ الجواب لدى القامة الفارعة
أحبُّ الخلائق للناس ، عباس
رغم العبوس
لأن اليربي أبناءه بالحديد
سيأتون بالحيلة البارعة
وعباس ، يفتح للناس أبوابه
- دائماً – مثل شرطي المرور
كما يشتهي يفتح الشارعا
وعباسُ ... عباسُ
يا ايها الناسُ
عباسُ .... عباسُ
صرتم قطيعاً
لهـــذا رعــــــى

محمد مدني... هذا شقي آخر يا جليل..
يحمل إزميلا وينحت الكلمات نحتا.. ثم "ينفخ فيها من روحه" فتصير نصا حيا..

[mamkouna]

je t'aime
j'adore
كانت و ما زالت..كل ما أملك من كنوز فرنسية ...

لكني اليوم ... أضيف إليها..
je suis Abbas !!

[خالد الحاج]

المشاركة الأصلية كتبت بواسطة mamkouna

je t'aime
j'adore
كانت و ما زالت..كل ما أملك من كنوز فرنسية ...

لكني اليوم ... أضيف إليها..
je suis Abbas !!

شفتي كيف يا ممكونة ! يعني أهو استفدتي من ثقافة أخوك "عباس" اللغوية
هلا بعودتك ويا ريت نقرا ليك الجديد ...

[رأفت ميلاد]

المشاركة الأصلية كتبت بواسطة د.سيد عبدالقادر قنات

Dobro utro chovek

kako idi kod vas

kakva negov zena i deco

i mislim neki dan da doze kod vas

tamo za nekoliko dana sa zenom imoj deco

imati li mesto za sve ????

vidicemo

دكتور قنات

ده ملح سااااكت

ترجما يمكن نستفيد نحنا زاتنا من خبراتك

Dobro دى بعرفا بس باليوغسلافى

[عبدالباقي عبدالحفيظ الريح]

المشاركة الأصلية كتبت بواسطة خالد الحاج

في الثمانينات من القرن المنصرم
الفصل الأول ثانوي... كان من نفحات مايو "النادرة" أن أحضرت بالاتفاق مع وزارة الثقافة الفرنسية أساتذة يعلمون طلاب الثانويات اللغة الفرنسية..
كان الأستاذ "ماثيو" من نصيب مدرستنا النموذجية ...
اجتهد الرجل والحق يقال لتعليمنا إلا أننا علمناه العربية قبل أن ننطق بالفرنسية وهذه من معجزات جيلنا لم يسبقنا عليها إلا ابن ود الجبل في الحكاية الشعبية .
يدخل الأستاذ ماثيو الفصل صباحا وهو يبتسم قائلا :
bonjour
نرد جميعا :
bonjour monsieur
كان الطلاب في الفصل يتفاوتون في الاهتمام بدراسة هذه اللغة الجميلة
وربما لغرابة النطق وندرة من يتحدثونها في السودان فشلت التجربة
لكن أسباب فشل التجربة في مدرستنا لم يكن أحد هذين السببين..
كان عباس هو سبب فشل تعلمنا الفرنسية ...
عباس كان أكبرنا عمرا وكان يقارب في عمره معظم الأساتذة بالمدرسة
شديد التهذيب حتى ونحن نمارس شقاوتنا عليه لا ينفعل ويواجه كل ذلك بابتسامة ناضجة وواثقة ... جاء عباس ليتعلم ، غير ما هو الحال مع بقيتنا فنحن جميعا جئنا المدرسة كي نتلقى التعليم ولكنا كنا نفعل ذلك كواجب لا مهرب منه أما عباس فقد كنت أشعر أنه يستمتع بالعلم وبوجوده في المدرسة ...
اهتم عباس باللغة الفرنسية وشعر الأستاذ ماثيو بذلك فاهتم به هو الآخر
وكنا نشعر وكأنه يدرسه وحده ثم يلتفت إلينا كتمامة عدد..
كان يضحكني وقد كنت لا أخفي ذلك ببجاحة وشقاوة ..
يبدأ عباس بثقة في ترديد الجمل الفرنسية :
Bonjour Mon nom est Abas
صباح الخير اسمي عباس,
أو
Je suis Abbas
اسمي عباس.

صوته الضخم يتردد في الفصل وله صدي..
يلاحظ الأستاذ ماثيو ضحكي فيطلب مني الوقوف وترديد الجمل الفرنسية
أردد بخبث :
Je suis Abbas
اسمي عباس.

يغضب ذلك الأستاذ ماثيو فيقول غاضبا ...
vous nommé n'est pas des abas que
votre nom est khalid
ثم يطردني خارج الفصل بجملته الشهيرة :
sortir

لم أتعلم الفرنسية وأظنني لست الوحيد إلا أن عباس تعلمها وأجادها..
وتمر الأيام ....
العام 2007 رورموند شركة (Rockwool) حيث أعمل الآن ...
قامت الشركة بإفتتاح فرع لها في كل من فرنسا وبولندا..
جاءوا بعدد من الموظفين للتدريب عندنا في رئاسة الشركة ..
كنت من ضمن الذين وقع علي عاتقهم تدريب هؤلاء الموظفيين..
.....
........
أسمها روزلين ...
فرنسية خلاسية ...
حسن الفرنسيين نسلهم من خلال استعمارهم للشعوب..
جميلة بالجد !!! دون مكياج أو ظلال للعين .. تلبس الجينز وكأنه فصل علي مقاس جسدها ... تجلس دون تكلف وتاخد راحتها بالكامل...
وأتبعها أنا كظلها بعيني....
تسألني ..ما هو أسمك ؟
وجدتني دون أن أشعر أقول :
Je suis Abbas

لعنة الله عليك يا ماثيو ما كان يضيرك أن تحملت شقاوتي ...
كان نصيبي أحد البولنديين أصلع بكرش ضخم وفرنسي لا يعرف معني حمام
ولم يتكرم عليه الله بهواية النظافة .. يلبس بدلة "شيك" ولكن أكتافها تمتلئ بقشرة شعر رأسه ورائحته لا تطاق...
هل لأنهم يتحدثون الإنجليزية كانوا من نصيبي أم هي لعنة عباس؟
لا زلت أتبع روزلين وتهذ رأسها لي بالتحية :
M. Abas bonjour

هي لعنة عباس دون شك...

العزيز خالد لك التحيه والموده
دخلت هذا البوست تقريبا اول زول فى المنتدى ولعنة عباس تطاردنى
وقلت اللهم اجعله خير ويا ربى خالد مالو مع البوليس .؟
وطبعا عباس ده فى راوية اخرى ياهو البوليس ظاتو
المهم قريت وضحكت واتخارجت وجيت راجع تانى وبدات البوست من بدايته
وقلت الحمدلله جات سليمه ولامن وصلت جنابو حارس فضائنا ضحكت كثيرا جدا
وقلت حتى الطيب بشير فاتت عليهو حكاية عباس ...........
قايتو والله يا سعادتك قلبنا بقى رهيف فى المنافى دى وما عارفين الحل شنو
ياجنابو .
شكرا لك اخى خالد وانت تمدنا بالضحكات والابتسامه وهى زادنا فى المقاومه والصمود ........

[خالد الحاج]

المشاركة الأصلية كتبت بواسطة عبدالباقي عبدالحفيظ الريح

العزيز خالد لك التحيه والموده
دخلت هذا البوست تقريبا اول زول فى المنتدى ولعنة عباس تطاردنى
وقلت اللهم اجعله خير ويا ربى خالد مالو مع البوليس .؟
وطبعا عباس ده فى راوية اخرى ياهو البوليس ظاتو
المهم قريت وضحكت واتخارجت وجيت راجع تانى وبدات البوست من بدايته
وقلت الحمدلله جات سليمه ولامن وصلت جنابو حارس فضائنا ضحكت كثيرا جدا
وقلت حتى الطيب بشير فاتت عليهو حكاية عباس ...........
قايتو والله يا سعادتك قلبنا بقى رهيف فى المنافى دى وما عارفين الحل شنو
ياجنابو .
شكرا لك اخى خالد وانت تمدنا بالضحكات والابتسامه وهى زادنا فى المقاومه والصمود ........

عبد الباقي الريح يا صديق الوجع سلام
تعرف أنا ما انتبهت للنقطة دي والله رغم أنه حقيقي أنا متظلم من (عباس)
مشيت أمستردام لحضور فعالية الخفاض الفرعوني..
بعد الحفل كلفوني بتوصيل أسرة لعدم وجود موصلات عامة ولوجود عدد ثلاثة أطفال صغار (ما شاء الله ) ...
وتحركت يا عبد الباقي يقوم عباس يوقفني ..
: ده شنو إنت ما عارف ممنوع حمل أطفال في العربية من غير الكراسي المخصصة لهم؟
أيوة عارف .
: طيب ما دمت عارف بتشيلهم ليه المسألة دي فيها خطورة عليهم ؟
أيوة عارف . "طبعا عباس لا يعرف حكاية عدم قدرتنا علي قول لا في مثل هذه المواقف وان شرحت لهم لن يفهموا " .
: المرة دي سنكتفي بالغرامة المالية لكن احرص علي عدم تكرار ذلك .
وقشطني عباس بي 150 يرو غرامة مالية، وشنو ؟ خلوني واصلت المشوار بالأطفال رغم كل التحذيرات من خطورة عليهم ونقة فارغة ؟
شفت محن عباس

يديك العافية يا باقي