بسم الله الرحمن الرحيم
شنو يا ود الحاج؟
ما كنا كويسين!
ماكنا في الغنا السمح داك، وأستير، وموسيقى وطرب، وحاجات تانية حامياني!
رجعنا للعفاريت والأشباح!
كنا مع الموسيقى وبس!
قلنا حتى لو ظار مقبول، على الأقل فيه أسيادي، ولولاّ الحبشية، وشوية طرب ورقيص!
اها جابت بعاعيت وطقِّيع حجار، ونيران، وشنو كمان!
يا لطيف!
يا لطيف!
المشكلة أن هذا "البوست"، على رعبه، يمتاز ب:
1- المتعة وغزارة المعلومة
2- موثقة بمشاهدات وتجارب حقيقية
3- المصادر و"اللينك" متيسر لمن أراد المزيد
4- متنوع في مجاله من الفقراء إلى الأطباق الطائرة، وعلماء التنويم المغناطيسي والبارسايكلوجي
5- ويتراوح ما بين الجن الكلكي والإندراوة
6- ويبدو أن" البوست " ده علماني ديمقراطي، لا خلا مسلمين ولا يهود ولا هندو ولا الماعندهم دين ذاتو
لكن السؤال المحيرني، ناس الظار دة محلهم وين من الإعراب مع ناس (UFO) ديل؟
ومالك فاتح ليهم
ياخي ديل أنا متكيف منهم جداً!
ناس يتخلصوا من الكبت بتاعهم بطريقة راقصة ، وبغنا وألحان!
ياخي ديل ناس بهجة!
ياخي أنا ظاري فيهم!!
بس ما بيعجبوني لما يذبحوا الحيوانات ديك، كان ديوك، كان حمام!
يرقصوا، ويغنوا، ويتعالجوا، ويتفرتقوا!
أها رأيك شنو؟
ملحوظة:
بيت الأشباح بتاعين الجماعة إياهم مش هي ذاتها ال( Haunted House) يا خالد ويا حنينة، ولا ده تشابه في الأسماء؟؟؟
أفتنا يا شمهروش!
وشكراً على متعة الإطلاع!
|