أفضل أغنية سودانية فور إيفر

[الجيلى أحمد]

المشاركة الأصلية كتبت بواسطة اروي حامد عبد الله حامد

اها اغنية وجدي دي عاجباك انت برضو ولا لا شايفاك دخلتا بعد البوست ادي غرضه وفرضه

أنا جابنى الغرض ,
أغنية وردى دى عندى أكتر من عادية (والمسألة ذوقية بحتة)..


طبعآ ياقلب , كلما أشوف اسمك بتذكر الرواية بتاعت ماركيز (عشت لأروى)
أهدانى اياها السلفى الصالح فى زيارتى الآخيرة ,
فى صباح خرطومى , كنت قاعد فى كرسى تحت الليمونة جنب الأزيار , مستمتع بالصباح وبقزقز بالرواية , نادى على أبوى فمشيت للصالة وخليت الكتاب فى الكرسى , لما جيت راجع لقيت أمى وهى بتتهجا فى عنوان الكتاب ..
قرت العنوان (عشت لأروى) "أروى الاسم" قالت لى :
زول عديم شغلة , بحب ليهو واحدة اسمها أروى , وكاتب فيها كتاب قدر الضريبة , وانت مضيع صباحك كلو بتقرأ فيهو !؟ كان مشيت مليت لى أنبوبة العاز دى ماكان أحسن ..

والله من دربى ختيت الكتاب ومشيت مليت الأنبوبة
اقناع يااخى

[اروي حامد عبد الله حامد]

المشاركة الأصلية كتبت بواسطة الجيلى أحمد

طبعآ ياقلب , كلما أشوف اسمك بتذكر الرواية بتاعت ماركيز (عشت لأروى)

قرت العنوان (عشت لأروى) "أروى الاسم" قالت لى :
زول عديم شغلة , بحب ليهو واحدة اسمها أروى , وكاتب فيها كتاب قدر الضريبة ,

ياخ شفتا اسمي دا سمح كيف أروى كدا اسم أروي كدا فعل
(مافي استاذ عربي يجي يغالطني)

ياخ انا كتبو فيني رواية عالمية بس البقدر منو

مرر الكلام دا للحالم بابكر عباس

[احمد عبد الرافع]

سلامات ياشباب
الكلمات واللحن " إسكيرت ولا بلوزة"
مافي شك من عبقريات الأغاني السودانية ..
لكن أفضل أغنية دي بعتقد مافي
موش على نطاق الإجماع الواسع، حتى على مستوى الفرد ما بعتقد أنو في أجمل غنية
يعني مرات تكون معلقة معاك "أقابلك " مثلاً
تقوم تاني يوم الصباح عندك مزاج في "الزهور والورد" تفضل معاك وداير تسمعها لحدي ما تتفاجأ بنفسك عندك آكولة تسمع طمبور أو بوب مارلي مثلا !!!
شفتوا الإختلاف الكبير كيف..
لكن يا وجدي قطع شك الغنية ممكن براحه تحجز مكان في أجمل " مائة أغنية سودانية"