اقتباس:
المشاركة الأصلية كتبت بواسطة كيشو
صراحة الواحد يحس بالخجل والغضب من واقعنا لأن السودان دولة رائدة في التوثيق والعمل الإداري ورغم ذلك نعاني مع المستندات الشخصية (قسيمة الزواج وشهادة الميلاد والسجلات الطبية وكشوفات الناخبين والخ) خاصة في القرى وهذا هو الواقع الذي اعنيه بأنه يفرض علينا أخذ الافادات تحت اليمين
والطامة الكبرى أن أعدادا كبيرة من مواطني دول الجوار صاروا سودانيين
أحد الاخوة ذكر لي انه شخصيا صمم برنامجا للرقم الوطني قبل اكثر من ربع قرن وقدمه للمعنيين ولكنهم تجاهلوه
يا عمنا الشغل النضيف بخلي الجيوب نضيفة عشان كدا يصعب اعتماده
|
غايتو الونسة معاك سمحة وخلينا ندخل من حمد ونطلع فى خوجلى رغم قصة القسم (حل) أصلو ما واقعة لى. بس خت بالك ملاحظاتى البنكشا دى أصلو ما فيها أمل فى النظام ده هى مناقشة لتمليك الأشخاص ثغرات واقعم الناس بتمشى وتحلف كإجراء روتينى عادى .
هسة كلامك الفوق نكشت أشياء مهمة لكن أصلاً ما ممكن نسميها واقع. ده ممكن يكون تسيب أ إهمال أو عدم كفاءة وفى الغالب فساد. الواقع لامن زول يكون ما عندو ملودة يقعد يحش بى يدو لكن كان عندو واحدة يبقى بليد.
الوثاق الذكرتها وخاصة شهادة الميلاد لامن طلعت من السودان كانت الوثيقة الغير قابلة للتزوير إطلاقاً. هسة وسائل التكنلوجيا جعلت العمل أسهل مما الزول يتصور أو ما كانت عليه.
الرقم الوطنى ده ما شفتو لكن بطاقاتنا نحن وأعتقد دى حاجة زيها فيها (ألكترونك جيب) زى بتاع كرت البنك فيهو معلومات الزول كلها. إذا الناس وصلوا هنا بعداك مافى شيئ صعب (إحصاء توثيق وكل ما شابه)
إذا الناس وصلو هنا يبقى القسم ما محتاجنو كلو كلو
