خضر بشير- حين يمسك بتلابيب الروح .. !

[imported_أسعد]

الحقنا يا مايسترو وجيب من جوه الشنطة بالله.

لا تجوز الدعوة في الجهاد فرض عين
ود عثمان بجيك جاري زي جية هيثم مصطفى ^_^



شكرا ياخ علي البداية* المترفة دي
خضر بشير فنان عظيم لا مثيل لهو الا لويس ارمسترونغ
فهما الفنانين الوحيدين الذين احتفوا بالطبيعة وحث الناس بمتعة التامل فيها


* شوفت اللعبة الحلوة في مصطلح (البداية) ^_^

[عبدالمنعم الطيب حسن]

خضر بشير ،
واحد من اعظم المبدعين السودانيين ،
تسمعه وتراهو يغني ، تحس انه يغني لك وحدك ،
تعيش به ومعه ، وتحلق يا طارق ، تتسامى يارجل ،،
لانه يغني لنفسه ، فيسعد الجميع ،
يا له من فلتة ،

لروح خالك الجنان ،
ولك التحية ،

[imported_تماضر حمزة]

بالله شوفوا السماحة المشرورة هنا دي

الزول دا، عندو استغراق عجيب جدّاً، طبعاً، عيونو الاتنين بتكون في نفس اتجاه مدّة شلاليفو

بتعجبني كمان، ابتسامتو في استراحتو مابين نهاية وبداية، والتفاتتو الحانية على العازفين بنفس الابتسامة، بحب آداءه خالس..بحب حبّو وتقديسو للآداء دا ياخ!
بعد ياجميل، عندو رفعة راس كدا بتدي نفس احساس رفعة ايدين قائد الاوركسترا وكت ينهي مقطوعة ويشرع في البعدها، ياخ دا بغنّي بكل شئ فيه.

شكراً تارق.

[imported_عبدالله علي موسى]

يا سلام على خضر بشير ياخي، ساحر الأحان من تيسرت له مفاتيح الروح...

خضر بشير ده ظاهرة ابداعية نادراً ما تتجلى في التاريخ، الواضح إنو خضر كان إنسان طروب و مرهف جداً و هذا في اعتقادي أحد أسباب قدرة الرجل العاليه للتطريب، لا أدري ان كانت أرض السودان ستجود بفنانين لهم قدرة على التطريب مثل خضر بشير و عبدالعزيز داوود و حسن عطية.



https://www.youtube.com/watch?v=nMrNSe-iG7Q


http://www.youtube.com/watch?feature...&v=0WGQdNgoqss

[imported_طارق صديق كانديك]

المشاركة الأصلية كتبت بواسطة عبدالمنعم الطيب حسن

خضر بشير ،
واحد من اعظم المبدعين السودانيين ،
تسمعه وتراهو يغني ، تحس انه يغني لك وحدك ،
تعيش به ومعه ، وتحلق يا طارق ، تتسامى يارجل ،،
لانه يغني لنفسه ، فيسعد الجميع ،
يا له من فلتة ،

لروح خالك الجنان ،
ولك التحية ،

ياعبدالمنعم أسعد الله نهارك بالمحبة

هو ذاك هو كل ماقلته عنه وزيادة، فحضور هذا الرجل يهز الدواخل ويؤزها أزاً.

شكرا لدعائك

لك مودتي

[imported_ماريل]

كدأبك دائما سيدى تعرف مواطن الابداع تسوقك اليه روح يأسرها الجمال
فتنثره لنا بلغتك الفخيمة فلا اعد ادرى هل اندهاشى نتيجة الفكرة او اللغة
انت من القلائل الذين أقرائهم فأجد الجمال يترى بين عبقرية الفكرة وعبقرية
اللغة وايضا صدق احساسك بما تكتب ....

ثم وانا اقرأ او أسمع(خدر بشير)لا بد ان يقفز صديقنا (مبر)الى ذاكرتى
فهو من محبى ومريدى هذا الفنان الموهبة ادعوه لمشاركتك نسج هذا الخيط
الانيق...

انت انسان جميل يا طارق ربنا يمتعك بالصحة والعافية ويديم عليك نعمة
القلب الرهيف وتمتعنا دايما بما يخطه حرفك....

[imported_طارق صديق كانديك]

المشاركة الأصلية كتبت بواسطة وجدي الأسعد الأسعد

لا تجوز الدعوة في الجهاد فرض عين
ود عثمان بجيك جاري زي جية هيثم مصطفى ^_^



شكرا ياخ علي البداية* المترفة دي
خضر بشير فنان عظيم لا مثيل لهو الا لويس ارمسترونغ
فهما الفنانين الوحيدين الذين احتفوا بالطبيعة وحث الناس بمتعة التامل فيها


* شوفت اللعبة الحلوة في مصطلح (البداية) ^_^

شوفتها

وانا ببحت ايدي وقعت في بوستك ده:

http://sudanyat.org/vb/showthread.php?t=19014

يظل خضر بشير قيثارة تنادي الباحثين عن صفاء الروح.

ود عثمان بنتظروا .. بس هيثم مصطفى الفيهو اتعرفت

[imported_طارق صديق كانديك]

وياسلام عليك انت يا أخي عبدالله على موسى ومرحب بيك في سودانيات،

ذاك جيل من الرائعين نظل نشرب منهم شرباً صافياً لا كدر فيه.

وإيه يامولاي إيه

إيه يامولاي إيه
--

فأرددي الكأس إليّ
كسرها غالي عليّ
انها أروت ظمياً
وافياً مادام حيا

والله فوق زوزو .. يا حلات زوزو.

هنا يصعد به التطريب أيّ مصعدٍ فلا نرتقي إلا وخالجنا الفرح.


تسلم ياخي وممنونك

http://www.youtube.com/watch?v=IX_rHUOUmLg

[imported_طارق صديق كانديك]

ياودسعد مساك الله بالخير

لا يمكن ألا تكون في قافلة الجمال بأي حال، فقد تشرّبت نفسك من الجمال الكثير.

تسلم ياخي على المدحة بالتسجيل القديم السيفو سنين

وشراب القوم حيّ ياقوم

وصلّ الله على سيدنا محمد وآله وصحبه الكرام وسلم تسليما كبيراً

[imported_طارق صديق كانديك]

صديقي الجميل ود البلد ليك وحشة والله، غيباتك كتيرة لكنك في الخاطر صبابة.

أمنياتي ومحبتي

[imported_طارق صديق كانديك]

ياعمدة مساء الأشواق ياخي

حين تشرع في الوصف يمنع أحرفنا الزحام، فخضر بشير -ومن ذكرتهم- يملأون الخاطر بالفرح.

شكرا ياعمدة على اطرائك، وما تنسانا من الأماني العذبة البي جوه ديك

[ناصر يوسف]

عاين لي هنا ده يا فخيم

وكتين تهبش ليك شيخ من شيوخي ديل عليك الله كلمني قبال ما تهبشهم في شان نستعد للهجمة دي ياخ
هجمتني وألجمتني ،،، وأبيت أدخل وأفتش في بطن البوست ده لأنو المزاج الآن لا يفي بالمتابعة
لذا ،،، شايل البوست ده معاي لا بعدين بالليل شوية كدي ياخ


ديشك ظاتو ياخ يا كانديك

[imported_طارق صديق كانديك]

يابدر كيفك ياصديقي، عسى طرفك ينوم على أنغام الفرح، وأطياف الحنين.

أغنية لا نمل سماعها، لك تحياتي ومودتي

[imported_طارق صديق كانديك]

لكِ التحية ياماريل ولصديقنا (مبر محمود) وهو بالفعل من محبي خضر بشير، وخضر بشير لايترك للذين ارتوت انفسهم بالجمال فرصة خيار غير محبته آناء الفرح وأطراف الحنين.

شكرا جميلا لكلماتك واطرائك

وممنون للأغنية الجميلة (معنى الأدب والفطنة) فهي من روائع ماغنى، وتسجيلها بالعود زادها روعة وفتنة.

لك تحياتي

[imported_نزار حسن علي]

الحبيب طارق عارف انا استمتعته بي الفنان الكبير خضر بشير كنته ساكن بحري المزاد المقفول وكان بقعد في مظلة بتاعت انتظار وهل تصدق كان بغني في المظلة وكنته بكون موجود في اغلب المرات وكانت لحظات لا تنسي