منتدى "الرجرجة"

[أبوبكر عباس]

حاليا لو حاولت الحصول على أي معلومة ثقافية، إجتماعية، تراثية سودانية من الشبكة العنكبوتية؛ سوف يأخذك شيخ قوقل مباشرة لحوش بكري أبوبكر.
في نفس الوقت وصلت العداوات والترصد والتحزب هناك، لدرجة أصبح فيها أخيرا من الصعب طرح أي موضوع للحوار، يتم فيهو التحاور والإستفادة من تداخلات المشاركين!
لعب ضاغط وترصد عنيف، ذكرني أركان النقاش بالجامعات السودانية بالثمانينات.

أدعو لتحرير منتدى سودانيز أون لاين من الإحتلال السوداني.

[أبوبكر عباس]

المنتدى بمثل مكتبة سودانية ضخمة يجب المحافظة على روافدها وحمايتها من الهتر.
أفكر حاليا مع صديقين لعقد ورشة عمل بالنادي العربي بالشارقة لمناقشة مشاكل المنتدى والتردي الأخير الذي جعل الكثيرين يهربون منه.

[ماريل]

المهم يا دكتور انت *ليش* ما فتحت البوست ده بهناك؟؟مش كان بكون اولى من فتحو هنا؟؟

[أبوبكر عباس]

المشاركة الأصلية كتبت بواسطة ماريل

المهم يا دكتور انت *ليش* ما فتحت البوست ده بهناك؟؟مش كان بكون اولى من فتحو هنا؟؟

سلام ماريل
أنا ما عندي حساب بهناك، ولا أستطيع الكتابة خارج سودانيات، لكني قارئ بهناك زايد انو مهتم بالشان السوداني
وفتح الموضوع هنا قد تكون نتائجة أحسن
وبين سودانيات وسودانيز شارع كليك

[ماريل]

المشاركة الأصلية كتبت بواسطة بابكر عباس

أنا ما عندي حساب بهناك، ولا أستطيع الكتابة خارج سودانيات، لكني قارئ بهناك زايد انو مهتم بالشان السوداني وفتح الموضوع هنا قد تكون نتائجة أحسن وبين سودانيات وسودانيز شارع كليك

صراحة التعدى فى سودانيز وصل مراحل متاخرة جدا انا اصلا ما كنت بتخيل انو يكون فى تعدى للدرجة دى

مرة فى بوست التعدى على احد الزملاء كان فايت حدو والنقاش اتواصل بدون حتى ما يجى زول يدخل بين الزملاء ديل

والناس كانت بتقرا وتشارك عادى ولا كانو فى كلام اتقال لحدى ما قفلت الصفحة الناس كانت بتعامل مع الموضوع عادى

صراحة انا كنت عايزة اشارك وخفت انى اتعرض لكلام من الشاكلة المتداولة ..

المهم انا لمان قلت ليك ليش ما فتحت البوست بهناك ما كنت متخيلة اطلاقا انك ما عندك حساب بهناك اضافة لذلك ما شايفة فايدة كبيرة من فتح البوست بهنا

[أبوبكر عباس]

المشاركة الأصلية كتبت بواسطة ماريل

طيب احتراما لى رغبتك انا سحبت الكلام لكن بفتش الرابط واجيبو ليك ا

خصمتك بالرسول كان تجيبيهو، الحكاية ما محتاجة إثبات حاجات، القصة واضحة. الغرض من البوست إرجاع أقلام كبيرة كانت تثري الساحة بمشاركاتها هناك. فتحي للبوست بهنا، لعدة أسباب أهمها:
أنا خارج المنتدى ومن الممكن أن تكون شهادتي غير مجروحة والموضوع في النهاية هو جهد المقل وقد لا يسمع ببوستي هذا أحدا وزي ما قال لي البروف في مكالمة تلفونية:سودانيات منتدى عظيم، لكنو مغمور

[عماد علي]

سودانيز أون لاين

حضارات سادت ثم بادت.

قبل فتره حسين ملاسي طلع من طوره وفتح ليه بوست منزل فيه صور فعاليات المنبر زمان من ندوات سياسيه ولقاءات تجمع الأعضاء.
حقيقه إنو لحدي وقت قريب كان اسم علي مسمى " منبر من لا منبر له" لكن هسه دروايش ولاقو مداح, شخصياً كان بفتح الصفحه الرئيسيه وامر علي العناوين ولحد ما انزل تحت بكون فتحت لي من 10 إلي 20 بوست وبجي بقراهم واحد واحد واكيد كل موضوع احلى من التاني وفى كيبوردات ازرارها من دهب شي روائيين وشي باحثين وشي صحفيين.
هسه وحاتك عادي جداً الصفحه الأولى من اولها لي اخرها ما تلقى بوست يستحق حتى تتم اسم عنوانه ناهيك عن إنك تفتحو, ده كان ما جاك عكاز طاير فلقك.


غايتو بس غايتو

[أبوبكر عباس]

لا نحلم به منتدى صفوة يحافظ على "ديالكتيك الجسد"
ولا كمان منتدى حالم زي عكس الريح وحب النيل
لكن دايرنو منتدى موضوعي تكون فيهو الحجة هي الفيصل

[فتح العليم]

المشاركة الأصلية كتبت بواسطة بابكر عباس

حاليا لو حاولت الحصول على أي معلومة ثقافية، إجتماعية، تراثية سودانية من الشبكة العنكبوتية؛ سوف يأخذك شيخ قوقل مباشرة لحوش بكري أبوبكر.
في نفس الوقت وصلت العداوات والترصد والتحزب هناك، لدرجة أصبح فيها أخيرا من الصعب طرح أي موضوع للحوار، يتم فيهو التحاور والإستفادة من تداخلات المشاركين!
لعب ضاغط وترصد عنيف، ذكرني أركان النقاش بالجامعات السودانية بالثمانينات.

أدعو لتحرير منتدى سودانيز أون لاين من الإحتلال السوداني.

سعادة الدكتور عباس
سلام واحترام
قلت لي انتقمت لصدامك بموضوع دسم وممتاز للغاية

اوافقك الراى بإن سودانيز اون لاين تضم مكتبة ضخمة ولكن هذا العام اصبحت لاتطاق من كثرة الخلافات والمعارك التى افقدتها الكثير ويجب ان نعمل جاهدين لتحريرها وعلاجها من امراض الخلاف التى لازمتها .
هل تصدق قبل فترة وصل العداء بإحد اعضاء سودانيزاون لاين ان يضع في بروفايله صورة لعضو اخر عدو له بعد ان قام بتشويه الصورة ، ولحسن الحظ انبراء له قلم من احد الاعضاء وقام بشجب تصرفه بصورة دبلوماسية وبالجد هذا العضو الذي كتب بوست عتاب للعضو المعادي امتلك ناصية اللغة والمقدرة على توصيل رسالته التى كان له تاثير بالغ في تعديل العضو لتصرفه ومن هنا اشكر لهذا العضو الاستجابة لصوت العقل وبالفعل تواصل معه وشكرته على الاستجابة .
سوف نقف معك لتحرير سودانيز اون لاين لانها ملك لجميع الشرفاء .
تسجيل حضور ومتابعة معك
مودتى

[أبوبكر عباس]

المشاركة الأصلية كتبت بواسطة فتح العليم الإمام

سعادة الدكتور عباس
اوافقك الراى بإن سودانيز اون لاين تضم مكتبة ضخمة ولكن هذا العام اصبحت لاتطاق من كثرة الخلافات والمعارك التى افقدتها الكثير ويجب ان نعمل جاهدين لتحريرها وعلاجها من امراض الخلاف التى لازمتها .

سعادة الأستاذ الأمام (سعادة بسعادة)
هم ونحن محتاجين لبناء ثقافة جديدة بهناك، ثقافة مكان جديد يا حسين تقوم على نصرة الحجة القوية وليس الأحزاب والأشخاص، والبعد عن شخصنة الحوار وإحترام خصوصيات الغير، وأعتقد انو الوقت الآن مناسب والجميع هناك حاسي بالورطة ودايرين مخرج يحفظ لهم ماء وجههم.