فيصل سعد،، عشر ة أعوام في سودانيات

[فيصل سعد]

مرحب بالجميع و حبابكم عشرة بلا كشرة..


و نواصل..

[فيصل سعد]

منو قدامنا هنا غير الاعزاء
معتصم و عصمت و عكود؟؟

[فيصل سعد]

شروط الدخول لهذا البوست:

أي مداخلة نص سطر لا أكثر.
كلمة كلمتين، و كلمة و غتايتها.
دا بوست ذكريات و حنين و محنة و حنية،
ابعدونا من الدين و السياسة لو سمحتوا.
كتروا لينا من المديح و الغناء.
ابعدونا من القطيعة و النميمة
و الشمارات قدر المستطاع.


و تدثروا بالمحبة..

[Hassan Farah]

المشاركة الأصلية كتبت بواسطة فيصل سعد

منو قدامنا هنا غير الاعزاء
معتصم و عصمت و عكود؟؟

-----------------------------------------------------------
هههههههههها ....وعمك شوقى....العضو رقم 40

[طارق صديق كانديك]

التحيات الزاكيات ليك ياباذخ

ظللت على الدوام محب لهذا المكان

فليت لنا ايمان العجائز كما قال الرازي!

[فيصل سعد]

المشاركة الأصلية كتبت بواسطة طارق صديق كانديك

التحيات الزاكيات ليك ياباذخ

ظللت على الدوام محب لهذا المكان

فليت لنا ايمان العجائز كما قال الرازي!

مرحب يا حبيبنا و يا ابن عمنا و عساك طيب،،
يا خوي شوفتِك بقت نادرة كاسنان الدجاج..
بالله عليك مع سفرك الكتير دا، الرشيد اردموا
بالمهام و الأعباء شديد جدا..

يديك العافية..

[عبد المنعم حضيري]

كل سنة وأنت بألف خير

https://www.youtube.com/watch?v=FXiDAa6Ckpw

[أبوبكر عباس]

تسعة سنين فقط! في سنة كنت حردان يا مرهف!

[Hassan Farah]

المشاركة الأصلية كتبت بواسطة أبوبكر عباس

تسعة سنين فقط! في سنة كنت حردان يا مرهف!

-----------------------------------------------------------
يا بكور ياخى حرام عليك ....قول الحمد لله الرجع لينا ونور الساحة من جديد والحردة عفيناها ليهو ....هم منو البحردوا غير الناس السمحين.... زى ناس فيصل سعد وناصر يوسف.....

[فيصل سعد]

المشاركة الأصلية كتبت بواسطة أبوبكر عباس

تسعة سنين فقط! في سنة كنت حردان يا مرهف!

وين يا أبا الند يا غريمي،،، مع أنه الحردة ما تمت سنة، لكن الفرق بتجيبه عضويتنا في منبر سودانيات الاولاني لما كان باللون الاخضر الليموني، دا طبعا لو نسينا و اتجاهلنا انه خمسة سنين في الاشراف على منتدى الحوار ما شفعت لينا فرق الغياب يا شفاف..

** لو طليتك تلاتة أربعة أيام في "دار الحي" و جليت كورنيش و كونيكشن الدوحة و انا ماشي السودان، بتضبح لي عتوت فى الخيمة إياها، ولا بتتجول بي و تفتح الاسبيكر لسماع رسائل المعجبين و اطرائهم، و بما أن مواعيد الاجازة around the corner، فادينا جدولك و برنامجك في أبريل و رش لينا الحوافز و المغريات في الخاص، و ما تنسى تعمل لينا ابديت للعنوان و التلفونات و كدا..

يديك العافية..

[Hassan Farah]

وبعدين فى 265 عضو قدامك...

[فيصل سعد]

المشاركة الأصلية كتبت بواسطة Hassan Farah

وبعدين فى 265 عضو قدامك...

لا يا دوك،، ديل ما تشتغل بيهم كتير
فى ناس فرتقوا مع الانقسام، الله
يسهلها علينا و عليهم، و يعدل دربهم
و دربنا.. و في ناس سجلوا و ما جونا
داخلين لى هسة..

[عبد المنعم حضيري]

قالو الطريق لمن صدق وليس لمن سبق انت فتنا في التانية في الاولى بنكابس معاك كان قدرنا
ليك القومة يا باذخ وكل سنة وانت طيب

[فيصل سعد]

المشاركة الأصلية كتبت بواسطة Hassan Farah

-----------------------------------------------------------
هههههههههها ....وعمك شوقى....العضو رقم 40

سلامات يا ابو علي يا حبوب..

شوقي بدري و عبد الله جعفر
و ابو قصي الله يطراو بالخير
لو تتذكره،،

تاني منو قدامنا!!!

[نزار حسن علي]

الحبيب كل سنه وانت طيب