( System) سودانيات ..المُفترَى عليه .. والمفترِى علينا ..

[معتصم الطاهر]

المشاركة الأصلية كتبت بواسطة بدور التركي

30 دقيقة؟
كثر والله
الحمل كثير
والفصيلة تحتاج انفصال
لتسهيل عملية السير..
نقوم نشيل ليكم التوقيع للمصلحة العامة..

صباحاتو يا جميل واصل
ومنكم نستفيد

بدور

يا بدر المنابر .. وجوهرا ..

فعلا لا أرى ما هو توقيعك حتى الآن
ربما غياب البرنامج عن " أجهزتى "..

حيقة هل يقبل سيستم سودانيات كل البرامج فى التوقيع ..

[معتصم الطاهر]

المشاركة الأصلية كتبت بواسطة فتحي مسعد حنفي

ما هي دي مشكلة سودانيات الأساسية..تلقي البوست مهم جدا ومفيد يقومو يجو ناس الخواجات فتحي ورأفت ناطين بي حسن نية للرفع وبعدم يتلب ود مخير يقوم البوست ينحرف ويجي شليل يقول ليك ما تخرمج ياخواجة..أهو مثلا البوست دا البتكلم فيهو معتصم دا أهم من العك العاملنو في بوست اللائحة داك اللامن وصل لي dead end سيدو ذاتو هملو وطفش..غايتو الشكية لي ألله ودي ما حقت خالد عشان بقت ملكية علي المشاع

شكرا .. فتحى

لذا دائما أنتخبك حتى تصير رئيسا لمجلس سودانيات ..

[فتحي مسعد حنفي]

المشاركة الأصلية كتبت بواسطة معتصم الطاهر

شكرا .. فتحى

لذا دائما أنتخبك حتى تصير رئيسا لمجلس سودانيات ..

تضيع وقتك سااااااااااااكت

[معتصم الطاهر]

المشاركة الأصلية كتبت بواسطة فتحي مسعد حنفي

تضيع وقتك سااااااااااااكت

ضاع فيما هو أقل " ثمنا " منك ..

[بابكر مخير]

عمدتنا ديمآ واعي
ختا البوست بتاعهو دآ بعد نهاية الإسبوع
بعد الشغل والعناء والتلتلة
ختاهو قال ندخل نضيييفين والمدافرآ والعافرة والعرق من الجبين ودآكا كاسين من النضيف ما كان بتطالات أو حتى فنجان.
جينا
ومغسلين اليدين والكرعين وماسحين الرأس برضهو ولي الأصابع مخلخلين.
جيناك يابا
صاحب الجناب العالي خاليين مطهرين وإتا ود الطاهر زول جد وما مظاهر..
وبما أني مغسل ومغتسل ومصلي وذآكر رآي توحة في بوست ما بعد الحياة وبوست عثمان ويوسف وحفيد يوسف، شوقي بدري بتاع الموت.
والموت حبابهو
ما الياهو حق وماني خايف منهو وبتلقاني كايسهو بس بي شهادة،
ما بس حقت علم دي دنيويآ،
كآيسين ديك السمحة.
بلا خوف وبرميها لوت.

بوست غير موفق..

قولو لينا،
أمشوا ولمن تكوسونا فيها تلقونا وفيها ما ترجونا
كل يوم باند ويدث وويب ويدث
و
ووووووووووووووووووووووووووووب

[معتصم الطاهر]

المشاركة الأصلية كتبت بواسطة بابكر مخير

بوست غير موفق..

دخولك و الآخرين أعلاه ينفى تعليقك

[معتصم الطاهر]

لخالد بعد عودته

[خالد الحاج]

المشاركة الأصلية كتبت بواسطة معتصم الطاهر

المقصود بال ( System ) ..
نظام التعامل الرقمى و الحفظ والتعامل مع باندويث سودانيات ..

بالمقصود الدارج العام كدى .. مثلا

* لما تكتب .. بتتحفظ الداتا وين !!

* و لما تسحب كلامك أو يسحبوا الأمين العام ( أصل الكلام بيكون محفوظ و لا طار .. فى غضب الأمين العام أو لوائحه) ..

* و لما يتم التعديل ..الأصل بيكون فى ولا برضو عيييك ..

أها .. والرسايل .. العندى شيلها

* و كيف تحمى نفسك من الرسايل الخاصة

* و كيف تزيد صندوق الرسايل من 50 رسالة

* و كيف تحتفظ برسائل فى مجلد خاص دون أن تؤثر فى مخزونك

* و كيف أرسل لى زول ( الامين العام مثلا) لما مخزونو يتملي .
* الامين العام داير حافظة فيها 300 رسالة .. عشان ما يشطب/يحذف رسايل ويحتاجها ..

راجع ليكم ..


البوست دا ما مكانو منبر الكمبيوتر لأنو حوارى برضو ..

سلامات يا باش..
كويس إنك أديت البوست دفرة .. ما كنت بتذكروا والله ...

* الباند ودس : ولمن لا يعلمون هو مسألة الأبلود والداونلود وعدد مرات التصفح تحسب بالثواني :
لسودانيات باندودس لا محدود . يعني نغرف زي ما عايزين ... مكلف بعض الشيء لكنه مريح ويريح العضوية .

الديتا بيز :
لكل فورم ديتا بيز منفصلة . للمنتدي ديتا منفصلة . تملك سودانيات عدد 74 ديتا بيز نستخدم منها 8 .

* عندما تكتب بيتحول الأمر إلي لغة خاصة (SQL) وبتحفظ في الديتا الخاصة بالفورم . وهنالك باك أب يومي يقوم به الهوست ، ويوفر هذه الباك أب لمدة ثلاثة أيام يقوم كل يوم بحذف القديمة واضافة باك اب اليوم .
أنا أقوم بباك أب يدوي كل أسبوع .. كانت ثلاثة مرات إلا أن حجم ديتا بيز المنتدي فاقت ال 120 ميجا بايتس .

أي تعديل يقوم بيه مشرف أو أدمن يتم تسجيله أتوماتكيا في ما يسمي (بسجل المشرفين) مع تحديد دقيق لليوم والساعة والدقيقة .
ما يتم حذفه بالتعديل لا يمكن إرجاعه .
ما يتم حذفه جملة (مداخلة كاملة) تختلف حسب نوع الحذف (مؤقت أو دائم) وفي كلي الحالتين يتم تسجيل الواقعة في السستم .

الرسائل الخاصة لا يمكن لأي انسان الاطلاع عليها إلا صاحبها .
تعودت مع استلام كل أمين عام أن أدخله لوحة التحكم الخاصة بالمنتدي وشرح هذا الأمر .
يمكن للأدمن حذف الرسائل لعضو معين أو لكل الأعضاء لكن لا يمكنه مشاهدتها .
هنالك بعض الكودات تضاف للوحة إدارة المنتدي تمكن الأدمن من قراءة الرسائل الخاصة .
أنا رفضت المسألة دي منذ أن قام الباش مهندس هواري بتركيب أول فورم VB لسودانيات .

حجم الرسائل تحدده الإدارة . وما نمنحه للأعضاء كبير مقارنة ببقية المواقع . المسألة مرهقة لأنها تزيد من حجم الديتا بيز لكننا في الإدارة الفنية لم نرد حرمان العضوية .

كيفية حفظ الرسائل :
هنالك عدة طرق :

أنظر الشرح بالصورة :

[align=center][/align]
* تفتح صندوق الرسائل (وارد أو صادر)
* تعمل كلك علي المربعات أمام الرسائل المراد حفظها .
* تنزل تحت إلي اليسار وتفتح اللسان
* تختار أحد خياري الحفظ وتضغط قدم .

أنا شخصيا بحفظ كل رسائلي في صورة (وورد دكيومنت)-صيغة نص- .

عندما يكون الصندوق مليان لا سبيل إلي تنبيه من تريد مراسلته عبر وسيلة أخري (ايميل ، تلفون) ...

سلام

[بدر الدين اسحاق احمد]

معتصم ..

السلام عليكم ورحمة الله ..

بوســت مفيد لشخصــى فى تعلم ومعرفــة نظام سودانيات الرقمــى ..