فى وداع سجمان

[طارق صديق كانديك]

تصحبك السلامة ياصديقي الجميل، وبالتوفيق.

زازيتْ في البلود شرّقتَ شُفتا غرِبْها
ممدُوح من زمان ماك رُخْرُخَن بِخَرِبْها
أوصيك بالثبات ونفسك كمان شرِّبْها
من كاس الصبر كَتِر هناك دَرِبّها

شكرا يا أبا دعد

[أبو دعد]

المشاركة الأصلية كتبت بواسطة طارق صديق كانديك

تصحبك السلامة ياصديقي الجميل، وبالتوفيق.

زازيتْ في البلود شرّقتَ شُفتا غرِبْها
ممدُوح من زمان ماك رُخْرُخَن بِخَرِبْها
أوصيك بالثبات ونفسك كمان شرِّبْها
من كاس الصبر كَتِر هناك دَرِبّها

شكرا يا أبا دعد

وانا بوصيك بشوارع الغربة ماتبقى حوام
وكتر فى صلاتك وداوم اعلى الصيام
كتير الختر و ما سمعنا .....عنو كلام
اصلو بنى الاصفر عندهم حقد على الاسلام

[تماضر حمزة]

أمس كتبت رد، لكن، سودانيات قفلت في وشي

ياطيارة مالك شايلة زولنا جنيف
بعد نمَ ووزن دوبيت غناهو الكيف
الزول الهجع من دارنا يسعد كيف؟
دا النيل كان رحل يبكي وينوح القيف

[علاءالدين عبدالله الاحمر]

المشاركة الأصلية كتبت بواسطة تماضر حمزة

أمس كتبت رد، لكن، سودانيات قفلت في وشي

ياطيارة مالك شايلة زولنا جنيف
بعد نمَ ووزن دوبيت غناهو الكيف
الزول الهجع من دارنا يسعد كيف؟
دا النيل كان رحل يبكي وينوح القيف

من مؤسس تماضر الاصالة بتفضل أصالة دمت

[سجمان]

المشاركة الأصلية كتبت بواسطة علاءالدين عبدالله الاحمر

من مؤسس تماضر الاصالة بتفضل أصالة دمت

ياخ انت ما قالو بي جاي؟؟

[سجمان]

المشاركة الأصلية كتبت بواسطة تماضر حمزة

أمس كتبت رد، لكن، سودانيات قفلت في وشي

ياطيارة مالك شايلة زولنا جنيف
بعد نمَ ووزن دوبيت غناهو الكيف
الزول الهجع من دارنا يسعد كيف؟
دا النيل كان رحل يبكي وينوح القيف

أم جنحات قدر ما تبعدم من سوحنا
برضو تقربم بعد القُرب لي روحنا
السفر إن بقيت أعلنا عنه جنوحنا
كيفن نلتقي الناس البداوو جروحنا

[سجمان]

المشاركة الأصلية كتبت بواسطة طارق صديق كانديك

تصحبك السلامة ياصديقي الجميل، وبالتوفيق.

زازيتْ في البلود شرّقتَ شُفتا غرِبْها
ممدُوح من زمان ماك رُخْرُخَن بِخَرِبْها
أوصيك بالثبات ونفسك كمان شرِّبْها
من كاس الصبر كَتِر هناك دَرِبّها

شكرا يا أبا دعد

تسلم يا حبّوب..

زازيت في البلاد شفت المتبّر وراقي
أجزيت في الوصف ستّفتهن أوراقي
كم بنوت أخوي بي فراقي بلّو مآقي
وعند ساعة الوداع كم شققن عرّاقي

صبراً في الوجع ضيّق علي ماعوني
وكان صبر القلب عيوني ماب طاوعوني
الناس القبيل في وجدهم درَعوني
حرس الانقليز بالدوشكة ما قرَعوني

[أبو دعد]

المشاركة الأصلية كتبت بواسطة سجمان

تسلم يا حبّوب..

زازيت في البلاد شفت المتبّر وراقي
أجزيت في الوصف ستّفتهن أوراقي
كم بنوت أخوي بي فراقي بلّو مآقي
وعند ساعة الوداع كم شققن عرّاقي

صبراً في الوجع ضيّق علي ماعوني
وكان صبر القلب عيوني ماب طاوعوني
الناس القبيل في وجدهم درَعوني
حرس الانقليز بالدوشكة ما قرَعوني

الحق يا كانديك زولك قلل الصبرا
و عيونو فى بنى الاصفر جابن هبرا
كان ما سويت الواجب واديتو الشفرا
باكر يانى القائل الله يقطع ها السفرا

[طارق صديق كانديك]

غايتو البوست ده في مكانين مختلفين عصر علي

المكان الأول عام هو آخر مربوع أخينا ابي دعد ده:

اصلو بنى الاصفر عندهم حقد على الاسلام

إذ الموقف ليس فيه ما يدعو الى ذلك، بل على العكس، فالمقام مقام مرح وأمنيات بأن يكلل مجهودات صاحبنا سجمان بالتوفيق في حياته بين ظهرانيّ من ذهب اليهم ليس فاتحاً

والمكان التاني قلت أخليهو حمدو في بطنو، بس غلبني كتر علي أو كما قالت المغنية

سجمان قال:

الناس القبيل في وجدهم درَعوني
حرس الانقليز بالدوشكة ما قرَعوني

فتحسستُ الحرس

أحبكم ياخي

[سجمان]

المشاركة الأصلية كتبت بواسطة طارق صديق كانديك

غايتو البوست ده في مكانين مختلفين عصر علي

المكان الأول عام هو آخر مربوع أخينا ابي دعد ده:


إذ الموقف ليس فيه ما يدعو الى ذلك، بل على العكس، فالمقام مقام مرح وأمنيات بأن يكلل مجهودات صاحبنا سجمان بالتوفيق في حياته بين ظهرانيّ من ذهب اليهم ليس فاتحاً
والمكان التاني قلت أخليهو حمدو في بطنو، بس غلبني كتر علي أو كما قالت المغنية

سجمان قال:


فتحسستُ الحرس
أحبكم ياخي

ياما تحت الجراب يا حاوي
والله تلفون ما يحلك
هعهعهعهعهعهعهع

[طارق صديق كانديك]

المشاركة الأصلية كتبت بواسطة سجمان

ياما تحت الجراب يا حاوي
والله تلفون ما يحلك
هعهعهعهعهعهعهع

المعنى نقع المطار ولا شنو؟

ياخ إنت كريم وأنا بستاهل، التلفون بحلني، قول تم

[أبو دعد]

[QUOTE=طارق صديق كانديك;525008]غايتو البوست ده في مكانين مختلفين عصر علي

المكان الأول عام هو آخر مربوع أخينا ابي دعد ده:


[COLOR="DarkRed"][SIZE="4"]
إذ الموقف ليس فيه ما يدعو الى ذلك، بل على العكس، فالمقام مقام مرح وأمنيات بأن يكلل مجهودات صاحبنا سجمان بالتوفيق في حياته بين ظهراني

الضرورة الشعرية با حصيف

[ابرا]

تلقيت مساء امس محادثه من الاخ والصديق سجمان
بث البلد لسه ما واقعه ليه
زولي راسه دايش دايرلو قعادجنب النيل ويشنق طاقيتو وداك يا نم
يا اخوي بلدا الدولار فيها بدولار ما بتخارخ

[سجمان]

المشاركة الأصلية كتبت بواسطة أبو دعد

الحق يا كانديك زولك قلل الصبرا
و عيونو فى بنى الاصفر جابن هبرا
كان ما سويت الواجب واديتو الشفرا
باكر يانى القائل الله يقطع ها السفرا

زي ما قال كجنكي دعواتي ليو حارات
المدفونة قالو بتكسر المحرات
شبه الدسدسو الـ للي صبر خرّات
الضوق لماو ماب سهلو البخرات