اقتباس:
المشاركة الأصلية كتبت بواسطة شليل
أكتر مشهد حسدتك فيهو على تصويرو ، مشهد إنعكاس الزجاج عليها ، وفي منتصف الليل..
وعشان الجيلي ما يجي طاير بي جاي ويقول مقزز 
ما حصل مرًه إنتبهت لإنعكاس الزجاج في منتصف الليل ، هل هو مزعج زي وكت ما تكون الدنيا ضو وللا الوضع مختلف بعد ما إتبين إنو نحن بنتعامل مع طيف..
وإذا كنت قليل أدب شوية في تعاملي مع الطيف ده ، لأنو التوقيت متأخر شويتين اللاواعي بتاعي بيعكس لي من زجاج مشهد البت الجذابة دي، صورة مؤخرة مستديرة بتمثًل لي خلاصة موضوعك المتمثًلة في ( وطن آخر نسمية الحنين )..
وبقليل من الثيمات الفي النص بتاعك.. بيرجع لي الواعي ، على لسان درويش في قولو :
.ما أضيق الأرض التي لا أرض فيها للحنين إلى أحد..
كم مرًه أم التيمان قالت ليكم ( المؤخرات تزحف ) وإنتو ما أعرتوها إنتباه ..
المؤخرة هنا تزحف في المحطًات والمنافي ، لأنو مافي مقاعد شاغره للحنين إلى أحد..
يابنج إنت زول رسًام للدين. |
يا بنج،،
أحييّك علي القراية المختلفة كعهدي بك، تمتلك نظرة نقدية متميّزة ومحفزة للآخر. النصوص رهينة في يد القارئ وهو وحده من بيده اكتشافها وبث الحياة فيها، ما يعني أنّ الكتابة هي ولادة علي نحو ما، مسؤولية الرعاية دي تبقي تبع القارئ. قلت لي كلام أم التيمان ما أعرناها الانتباه
شكراً يا عمّك، غايتو النص دا كان دفرتو ليك لإضافة بهار (منتصف الليل) بتنجِّمو نجام
