اقتباس:
المشاركة الأصلية كتبت بواسطة بابكر عباس
يا قرشي، زهرة الغرق لا تنفصل عن المهدية ولن يجد محسن لزهرة الغرق منهج معرفي يتمو بيها؛ عشان كدا، أخدها من آخرها وإدعى المهدية.
عشان نوع كلامك دا، أن طلعتك من لستة شهاب وحسبو الممكن نزيد ليها شليل المتأخر.
بالمناسبة، انت لستتك براها إسمها: أماني العلماء
|
ههههههههه
و الله شاغلتك علشان بريد كلامك لمن تزعل
كويس حسب كلامك إنت كنت متوقع مهديته ولا شنو؟
يعني بمنطق العرفان الصوفي ممكن جدا إعتمادا على الإرث في المجال ده نقول محسن أُلهم معارف ربانية ثم جاء الشيطان و نفث في روعه ليضله عنها و يشككه هو و معجبيه عنها ..
ده ما مهم حاليا، القصدته أنا هو أن محسن بكده حينتبه لعدم الوثوقيه بالمعرفي في الزهرة و محاولة إختبارها بشكل أكثر جدية و تقبل النقد حولها بشكل أفضل ..
ما معقول تقول ليه يا إما تبقى مهدي فعلا أو يكون كل جهدك هنا أوهام !!
تتذكر في بداية البوست أنا جبت حكاية إدجار آلان بو و تنبؤاته الجاته عن طريق الإلهام برضو ، أها لو قال إنو المسيح مثلا هل حينتقص ده حاجه من صدق المعارف الفلكية الضمنها قصيدته الأخيرة !!!
أنا حاسي إنك زعلان و عن محبه برضو، يبدو لي إنك تحت تحت كده كان عندك أمل يطلع المهدي فعلا
كن بخير
كسرة:
مادام لستتي فيها العلماء ما مشكلة لو كانت لستة أماني
إضافة:
بالمناسبة نقاطي الفوق دي هي فهمي لكلام محسن و ما رأيي الخاص في كلامو
يعني بحاول تجنب عدم الفهم لكلامه بس ما أكتر