راكوبة المجادعات.. النمة والدوباي

[عبد المنعم حضيري]

المشاركة الأصلية كتبت بواسطة تماضر حمزة

نفسي إتماوحت موجة وشراع حرّكا
وقّلت رامية ومعاها شركّا
قاصدة البلطي والكاس البيملا شبكّا
ما قايلة الشبك قبضو البحل شربكّا

نفسي مخمخمة مما عشقت الملكة
لا راحة سرير لا فكة من الشبكة
وكان الشبك قبض البحل شربكّا
المقدور وقع كيف منو عاد إنفكا

[عكــود]

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

[عبد المنعم حضيري]

المشاركة الأصلية كتبت بواسطة عبده سعد

عدلى للقوافى وتاانى نبدا العكا.
عرجونة الشمال الفوق جريدو متكا.
يا عجوة شمالنا المنها إتعشركتا.
ناقصين قلية البن وريحتو المخالطا المسكا.
ويتكرب المزاج ويحلها الشربكا.

يا عبدو إنهرد قلباً عليها إتْلَكّا
بالبي العزول فرحان هداك يتحكى
تكريب المزاج بالقهوة ما بنفكّا
والجرح المنوسر ما بتودرو حكة

[عبد المنعم حضيري]

المشاركة الأصلية كتبت بواسطة عكــود

عجو الشمال كتير منو حلاوتو بتشرق
كان درت البرير كانت درت التمود والمشرق
العاجبني في المقسّم اب ضمير متحزق
لهيجو البـ العسل وبالدَبَس متدّفق

أبشـر يـا عكــود شكلـك مجــرب جِــرّق
فوق أمات وضيب قولك سماحتو تعشرق
العاجبنـي في الـزول اب ضميـر متحـذق
مشيهو مشي السحاب وكتين يسير مترفق

[سجمان]

المشاركة الأصلية كتبت بواسطة تماضر حمزة

الود القليل يا خِلّي كان لا بُدَّ
يحقن للزعل قبال عليَّ يشتدَّ
بشيلك سلف زي الملابس شَدَّة
وما بتلقاها مني أكان تموت الكَدّة

باب الريد معاك مشرع محال ينسدة
والجواي بدوم مو زي علوق الشدة
السلف المعاي بيهو العمر بمتدا
يبقا لي لباس وغتايا يوم اتمدا

[سجمان]

المشاركة الأصلية كتبت بواسطة عبد المنعم حضيري

الود شر توبو في العصب واتمد
وما همتني نيران الغرام والوردة
ان مت عاد شهيد وان حيت بتحد
لقيس او جميل ويبقى المحلق فردة

دردني الغرام غرقان رويسي مهود
والشاغل الفكور بالهم علي متجود
بعد كت السرير للنوم بجيو متعود
أصبحت من ريدو الوسن متحود

[سجمان]

المشاركة الأصلية كتبت بواسطة تماضر حمزة

من بعد الغياب قاعدين وراك نصيّح
وين يا سيدنا وين دوبيت معاك بريّح
وحاة الالفة والبعد الملاني نويِّح
فيك طعامة العجو البسيل وبسيِّح

البقرة الضاحكة والغنوات مسهرة جفني
والريد الـ مع ست الحسان نشّفني
الماح في الرقيص من اليقين كشّفني
سوا سواتو يالخنسا وعقب رشّفني

[سجمان]

المشاركة الأصلية كتبت بواسطة عكــود

إزيّك يا تماضر وإن شاء الله إنتي طيبة!

حباب الطلة نورت بيتك يمين..

علك عافية وربعك صافية..

[سجمان]

المشاركة الأصلية كتبت بواسطة عبده سعد

طعم العجوة ياها حلاتو ديمة تقحح.
والقنديلة أحلى بندور للعبارة نصحح.
والزول (العكود) طلاتو زين بتفرح.
تكفينا التحية وقولة سلام بتريح.

يا عبدو الزمن من الوهيطة مرقني
محق للصبور في الهم معاو غرّقني
الضائق تمور جنس الغرامو شرقني
يصوم من الطعام يعذرني في الأرقني

[سجمان]

المشاركة الأصلية كتبت بواسطة تماضر حمزة

القنديلة زي جيتك أكيد بتفرح
وعجو المحس لو اني بيهو بصرّح
فوقو طعامة لا بتنفات ولا بتروّح
عليك المولى يا غافرنا أسي تروّح

[سجمان]

المشاركة الأصلية كتبت بواسطة تماضر حمزة

القافية دي كملت أظنها

المهم غايتو:

هيلك تفرز الحال القبيل إنشكَّ
وهيلك تدحر القلل مقامك شكَّ
وهيلك حلّة العقد الكتار منشبكة
يا النظرك رماني وفاق صواريخ توشكا

هيلك في الخلوق نار الغرام مَسِّكَّا
وهيل الناس عليك عينيك عليك تمسكّا
يا جفوني الغرام من المنام سكسكّا
عالمبو الحويل رافع السما وممسكّا

[عبده سعد]

المشاركة الأصلية كتبت بواسطة سجمان

يا عبدو الزمن من الوهيطة مرقني
محق للصبور في الهم معاو غرّقني
الضائق تمور جنس الغرامو شرقني
يصوم من الطعام يعذرني في الأرقني

ياحليلو الوهاط كايسنى قال يبسطنى.
والهم الكتر بى عنجو زين صمتنى.
والآمال تتاوق ماسكة الدريب المتنى.
كاوينى الغرام بى جمرو هسه شمطنى.

[عبد المنعم حضيري]

المشاركة الأصلية كتبت بواسطة سجمان

دردني الغرام غرقان رويسي مهود
والشاغل الفكور بالهم علي متجود
بعد كت السرير للنوم بجيو متعود
أصبحت من ريدو الوسن متحود

دردرني الغرام زماني حبلو مِرَيّد
وفوق نيرانو عيدلني وزادني وِقَيّد
تَلّت قيدي أحماني أواصلو وأعيد
فارقني المنام في الدنيا عشت وحيد

[سجمان]

المشاركة الأصلية كتبت بواسطة تماضر حمزة

هيلك العرضة وسهيمك شكّ
خارق للفؤاد ود عيننا ذاتا فتكّا
يا البدر الخلوق منشبكة وانت مفكّا
ويا الدهب الجنية غيرك بواقي وفكّة

هيلك في السماح ناس جيلك اتحكوبك
وهيلك في النضم زان القلم مسكوبك
الصلاح إذا آخر الوِرِد مسكوبك
يغشاهن سكر لو ضاقو بس مس كوبك

[سجمان]

المشاركة الأصلية كتبت بواسطة عبد المنعم حضيري

نفسي مخمخمة مما عشقت الملكة
لا راحة سرير لا فكة من الشبكة
وكان الشبك قبض البحل شربكّا
المقدور وقع كيف منو عاد إنفكا

روحي مدهدهة وفرق البريدو دركّا
لو جاها النسيم تالا العشوق حرّكّا
الغفرو الخصال أنا أحوالي لو مدركّا
ما بغيب حتى لو لحظة عيوني فركّا