الخواجة ود البلد

[imported_رأفت ميلاد]

خالد الحاج الله يرحمه ويغفر ليه حكى لى لامن أعتقلوهو قبلها بيوم كان عندو عهدة ضخمة من المال لإنجاز مهمة للشركة. أحتفظ بالمبلغ فى درج مكتبه وخرج وتم القبض عليه. طيلة إعتقاله الشركة وفرت مبلغ آخر للمهمة ورفض الخواجة رأى تفتيش مكتبه فى غيابه. عند خروجه من المعتقل أتى وفد من الشركة على رأسه الخواجة للإطمئنان عليه وتهنئته بالسلامة ولم يُطرق الموضوع وأعطاه الخواجة إجازة مفتوحة مدفوعة الأجر ويعود للعمل عندما يحس بأنه على ما يرام.
عندما عاد تفاجأ بالمبلغ الذى نساه تماماّ لا يزال فى درج مكتبه

ولا تعليق ولا تسويق

[imported_شوقي بدري]

رأفت العزيز اريتك بخير . لك وللاسرة التحية . الخواجة ده ما ولد بيطار . ديل سودانية اكتر مني . عمك بيطار كان بوستجي في امدرمان بيعرف كل الناس والناس بتعرفو .
ولده كان سوداني كامل الدسم ز السبب في اعتقال خالد ان ولد بيطار استدعوه للبشير . والبشير طلب دعم للانقاذ . وتبرع روجيه بمليونين ؟. وده كام مبلغ ضخم . لكن البشير قال عاوزين 10 مليون . وروجيه احتار . فتدخل خالد وهو رجل العلاقات العامة . وقال ان الشركة ككل الشركات ليس عندها مال سائب. ولكن المليونان هي البداية والشركة عندها التزامات ومرتبات ومصارف الخ . وطبعا سأل الكيزان عن خالد وعرفوا انه شيوعي وبالرغم من ان عمه الادكتور ابراهيم عبيد الله الاخ المسلم ادخلوه بيوت الاشباح .

[بابكر مخير]

تعرف يا روفي
كلمة خواجة كان تطلق على كل زول يجي بي شئ كان حكرا على الأوربيين أو حتى الشوام
إبن خالتي مأمون عبد المجيد علي طه كان لونه نقول أسود جميل كا الكحل الذي يزين ويحلي وكان شعره "سبيبي" حتى أن أصعف نسمة تتلاعب به وكان يقولوا ليهو (الخواجة الأسود) ما في مفهومنا الشعر الناعم حكر للأوربيين.
الوالد كان أول سوداني فتح "إجزخانة" صيدلية وفي السوق كان يسمونه (خواجة)
إستاذنا بتاع اللغة الإنجليزية كان سودااااااااااااااااااااااني ولونه أسمر لكنه صارم ورسمي جدا وكان لإنضباطه في كل حياته كان بنقول ليهو الخواجة
وإتا يا صاحبي
يسمممممك من تسمية خواجة بس إتا؟؟
سوداني ساااااااااااااااااااكت
بسف صعود ويلبس مبشتن ومناكف وعاجباك روحك
بس حاجة واااااااااااااااااحدة من حقنا ما عندك؟؟؟؟
هي الحسد
ربنا يديم عليك سماحتك ويحفظ ليك عافيتك وصحتك وسودانيتك

[imported_رأفت ميلاد]

المشاركة الأصلية كتبت بواسطة شوقي بدري

رأفت العزيز اريتك بخير . لك وللاسرة التحية . الخواجة ده ما ولد بيطار . ديل سودانية اكتر مني . عمك بيطار كان بوستجي في امدرمان بيعرف كل الناس والناس بتعرفو .
ولده كان سوداني كامل الدسم ز السبب في اعتقال خالد ان ولد بيطار استدعوه للبشير . والبشير طلب دعم للانقاذ . وتبرع روجيه بمليونين ؟. وده كام مبلغ ضخم . لكن البشير قال عاوزين 10 مليون . وروجيه احتار . فتدخل خالد وهو رجل العلاقات العامة . وقال ان الشركة ككل الشركات ليس عندها مال سائب. ولكن المليونان هي البداية والشركة عندها التزامات ومرتبات ومصارف الخ . وطبعا سأل الكيزان عن خالد وعرفوا انه شيوعي وبالرغم من ان عمه الادكتور ابراهيم عبيد الله الاخ المسلم ادخلوه بيوت الاشباح .

سلامات حبيبنا شوقى
طبعاً الزمن داك البشير كان لسة مراسلة الترابى. الداير الـ10 مليون هو الترابى اللسة بمتملص بعد ما مات. بشهود عيان عصام الترابى راكب بوكس فى الحملة الشلعت السوق الأفرنجى وسطت على دكاكين (الخواجات)
من صلف الترابى وإفتراهو البنكرو هسة وبتهم السلطة بالإفساد وزهوده فيها. أرسل لى ولد ناس البرير فى المنشية ناس الأمن يقولوا ليه (الشيخ زوارو بقو كتار على البيت بتاعو وقال محتاج بيتك) لكن ود الأصول وصاحب المال الحلال أباً عن جد رفض وقبل التحدى.
عن البوسطجى يا شوقى الناس ما بتصدق لامن تحكى ليهم البوستة كان بتجى فى البيت وفى مواعيدا يا ريت تكتب لينا عن البوستة والبوسطجى
ثم مشتاقين والله وناس كتيرة بتسأل عليك

[imported_رأفت ميلاد]

المشاركة الأصلية كتبت بواسطة بابكر مخير

تعرف يا روفي
كلمة خواجة كان تطلق على كل زول يجي بي شئ كان حكرا على الأوربيين أو حتى الشوام
إبن خالتي مأمون عبد المجيد علي طه كان لونه نقول أسود جميل كا الكحل الذي يزين ويحلي وكان شعره "سبيبي" حتى أن أصعف نسمة تتلاعب به وكان يقولوا ليهو (الخواجة الأسود) ما في مفهومنا الشعر الناعم حكر للأوربيين.
الوالد كان أول سوداني فتح "إجزخانة" صيدلية وفي السوق كان يسمونه (خواجة)
إستاذنا بتاع اللغة الإنجليزية كان سودااااااااااااااااااااااني ولونه أسمر لكنه صارم ورسمي جدا وكان لإنضباطه في كل حياته كان بنقول ليهو الخواجة
وإتا يا صاحبي
يسمممممك من تسمية خواجة بس إتا؟؟
سوداني ساااااااااااااااااااكت
بسف صعود ويلبس مبشتن ومناكف وعاجباك روحك
بس حاجة واااااااااااااااااحدة من حقنا ما عندك؟؟؟؟
هي الحسد
ربنا يديم عليك سماحتك ويحفظ ليك عافيتك وصحتك وسودانيتك

ههههههههه
سلامات يا بكور وليك وحشة كبيرة والحجة سائلة عنك ومتهمانى زعلتك بلسانى البقطر عسل هههههه
أنا لقب الخواجة لازمنى زماااااان ومتعود عليهو رغم أختلاف الأسم هسة عند ناس كتار قايلنى ود ريف أحمار ههههه. إسم الخواجة ورثتو من سليمان أخوى وهو أخدرانى شديد بس كان لعاب فى الكورة ومن هناك جه الإسم. مراد كان فى الخرطوم عمرو كلو ولامن أتلمينا كلنا فى ود الشافعى لعبنا فى فريق واحد وبقينا الخواجات لكن الخواجة الأصلى سليمان الله يرحمو.
وبعدين الصعوط ياخ نحن علمونا ليهو (الآيرش) الخواجات الجد جد هههههههه

[بابكر مخير]

المشاركة الأصلية كتبت بواسطة رأفت ميلاد

ههههههههه
سلامات يا بكور وليك وحشة كبيرة والحجة سائلة عنك ومتهمانى زعلتك بلسانى البقطر عسل هههههه

الحاجة ليها تحياتنا وإحترامنا وكثير إجلالنا... والله دايما بندعو ليها في صلاتنا () ونولع ليها شموع المحبة ونضوي ليها قناديل التقدير..
يديها العافية العليها ماهو مااااااااااااااااااااااااااا شوية..
صباح رباح ونهار يا فتاح وقبل النوم تقول ترتاح؟!
تلقى روفي قدامها بس قول ليها القدر حظاكي والله راد ليك ، العمل شنهو يما...
طمئنها يابا....
وقول ليها:
لو الزعل من روفي بقآ الأكل كنا صمنا العمر كله ولو كان الزعل هواء كنا إخترنا الإنتحار وكله، كله ولااااااااااااا الزعل من حبيبو...
قال بقطر عسل
يمكن الكلام الآشتر دآ البيجيب الزعل
محبة وأشواق