ميسون مطر ... توقيعك ما حلو !!!!!!!!!

[أشتر]

[frame="10 80"]ان العين بالعين..تجعل العالم بأكمله أعمى ....
المهاتما غاندى
[/frame]
الناس مرات بتمسك في الأقوال (الماسورة) وكأنها مُنزلة !!!
دون الالتفات لرؤية شمولية وذات أبعاد ليست في متناول مخيلتنا المكتظة بتفاصيل وهمية ومقولات روّج لها الاعلام المعاصر دون الرجوع لمعتقدات الشعوب ...
طيب موش في عين تانية ممكن تشوف ؟؟ ككككك !!! وممكن تضرب ؟؟؟ ككككاك
حقو الواحد يقوم إديك عين كدا يفرطق نافوخك دا

طيب المهاتما حقك دا !!! واقف وين من الآية العظيمة ولكم في القصاص حياة يا أول الألباب لعلكم تتقون ؟؟؟
والآية دي ربنا قفل بيها الآية القبليها
يا أيها الذين آمنوا كُتب عليكم القصاص في القتلى الحر بالحر والعبد بالعبد والأنثى بالأنثى فمن عفى له من أخيه شيء فاتباع بالمعروف وأداء إليه باحسان ذلك تخفيف من ربكم ورحمة فمن اعتدى بعد ذلك فله عذاب أليم .. صدق الله العظيم ...
وما خلانا كدا وفكانا عكس الهوا ... ربنا دا كريييم بعبادو يا بت أمي
(طبقا) لينا تماما كالحنة حتى ترسخ في دوماتنا ديل ...
(وكتبنا عليهم فيها أن النفس بالنفس والعين بالعين والأنف بالأنف والأذن بالأذن والسن بالسن والجروح قصاص ...
كتبنا عليهم ديل ناس التوراة عشان تكوني عارفة ... قتا اكلمك وكدا احتمال تابعة ليهم ...
اها نقوم نجهّز كيبوردنا دا مستعدين لنقة ... ومتجانفين لطربقة ..
ولّ عندكم فهم لكلامو مانا خابرنو ؟؟؟
غايتو لو مسلمة تعالي قولي لينا كلامو دا عجبك ليه ؟؟؟
ولو غير مسلمة يبقي دا طعن في عقيدتي وفي الحالة دي كلام الليل دا كلامو برا
على كل حال
خليك شديدة فانا داقس وبهظر ساي
التوقيع
زول عتّر ليهو توقيعكم بالصدفة ... واجمل صدفة انا يوم لاقيتك واسعد يوم ...
وما نحن بتأويل (الأحاديس) بداقسين
والحمد لله رب العالمين ...