محمود عبد العزيز , مسيح الحرية والإنسانية فى عصر المتأسلمين الحجرى..

[الجيلى أحمد]

المشاركة الأصلية كتبت بواسطة معتصم الطاهر

عارف يا الجيلى

عاجبانى وقفة الصبى ..
و نظرتو اللى قدام دى ..
و القاضى متجرس أكتر منو ..
والبقية .. ديل متفشيين ولا دايرين يقولوا حضرنا جلد محمود

صباحك ورد ياباش

وقفة محمود دى فيها شموخ وعزة
تكسر عيون العسعس وسياط السلطة الجائعة,

الود راكز
ودولة الهوان الى زوال
وكلو ببيقى حكاوى بتتحكى,
ولكن وقفة الصبى
ونظرتو لى قدام
ستبقى تاريخ يذكر بحقبة مظلمة من حياتنا
وتذكر بأن هنالك من قارعوا هذا النظام فى
كل المجالات و الميادين,
لم ينكسوا رؤوسهم
بل هزموا جلاديهم بشجاعة وصبر

[محمدعلى عبدالله الشريف]

المشاركة الأصلية كتبت بواسطة الجيلى أحمد

أرفع راسك ياحوته..

أرفع راسك

الصديق/الجيلى أحمد

لك التحية اخى العزيز
الفنان محمود عبد العزيز صوت نادر فرض نفسه فى ساحة الغناء السودانى بدون اى مساعدات من اى حد وشق طريقة نحو النجومية باقدام واثقة نحو التحكر على قمة الغناء الشبابى فى بلدى الحبيب وتلك الموهبة التى يمتلكها هذا الشاب هى موهبة فطرية وهبها له الخالق . نقطة سطر جديد
فقط نعيب عليه طيبته الزايد ورد فعله مع بعض الاشخاص من حوله فكل المشاكل التى تمر بهذا الفنان هى مكايد من بعض اصحابه الذين يستمتعون بذالك دون مراعاة للعامل النفسى الذى تتسببها مثل تلك الاشياء. واذا دار النقاش حول الاشياء التى يفعلها هذا الفنان فانا ارها من وجهت نظرى هى عيوب شخصية تخص محمود بنفسه ولا اعلم لما يقحم الناس انفسهم فيها ؟ ممكن يكون الرد بانه فنان مشهور وله جهور.
لما لا ينصرف الجمهور الى فن محمود دون الرجوع لعيوبة الشخصية لما يستمتعون بفن هذا الشاب ويستمتعون اكثر بما فعل ليلا ؟
عجبت جدا لسوال ساله احد المشاركين فى هذا البوست .
والسوال هو هل كان محمود هو السكران الوحيد فى هذا الحفل ؟
طبعا الاجابة لا

ودهشت لحد الثمالة فقط خبيتها حتى لا اصلب من مشاركة احد وهى تعلن نفسها قريبا من محمود وهى تعرف عنه كل صغير وكبير وهو مستهتر جدا
اسال تلك الاخت اذا كنتى انتى قريبا منها وتعتزين بذالك وهو مابان لنا بدليل اشهارك لهذا لما لا تتكلمى مع محمود وترشديه الى الصواب اذا كان مخطى ومستهتر كما ذكرتى .
اخى الجيلى /
عفوا على الاطالة ولكن تكمن المشكلة فى تلك القوم التى تستمتع بان تكون بجوار المشاهير والدليل على ذالك تلك اللمة التى وقفت فى ذالك المشهد وذالك العسكرى الذى امر بتنفيذ الحكم وهاين عليه بان يضرب فنان ساهم بقدر فعال فى اظهار الاغنية السودانية بشكلا جميلا اغنية كانت ذاهبة فى دلاهيز المجهول
ولكن ماذ يفعل وذالك القاضى يحثه على ذالك حتى يضاف الى رصيده وتكون ونسته وسط اهله بانه حكم اليوم على الفنان محمود عبد العزيز بالجلد.

[محمدعلى عبدالله الشريف]

المشاركة الأصلية كتبت بواسطة الجيلى أحمد

[font=Simplified Arabic][si

تخيـــــــــــــــــلو؟؟؟؟؟
محكم شخص
قرابة 15 او10عساكر بحضور ضابط شرطة لم تظهر رتبته على ما اظن نقيب وقاضى وحامل الشنطة تقريبا محامى الادعاء.
هل يوجد هذا العدد فى كل الذين يحاكمون بالجلد فى ربوع سودانى الحبيب .
وانا شاهد عيان فى احد الاقسام .
دخل العسكرى على احد الضباط وبعد التحية .
سيادتك بطلبوك فى ساحة الحكم لمشاهدة تنفيذ الحكم بحكم انك ضابط الواقعة
وكان رد فعل الضابط.بلا حكم بلا بطيخ ديل شوية سكارة مجانين . واذا فرضا اذا كان بين هولا السكار فنان او شخص مشهور هل سوف تكون تلك الاجابة
طبعا لا سوف يقوم مهرولا ويقف كما علمهو فى الكلية بحكم انه ضابط الواقعة

[بابكر مخير]

يا شباب
سلام
كدي إستغفرو
والحكاية دي ما تسوقها بعيييييييييييد
مسكين الوليد
والدين قولو محفوظ
آها إتجلد وركز
رضى بحكم الله
رضى بي حكم الطاغية
ويا دار ما دخلك شر،،
طبعن بعد الجلد بيكون خلاص إتنضف،
لو قدر يخلي الشربة أحسن ليهو، صحيا وإجتماعيا وجنائيا
ولو ما قدر أخير يشوف ليهو علاج، على آي حال ما بفتكر أنه وصل مرحلة الإدمان...
يديكم العافية
والمحبة

[محمدعلى عبدالله الشريف]

المشاركة الأصلية كتبت بواسطة الجيلى أحمد

أرفع راسك ياحوته..

أرفع راسك

ارفع راســـــــــــــــــــــك ايها الفنان تلك هى ضريبة النجاح والصوت الجميل
(معقــــــــــــــــــــــــــــــــولة بس)

[الجيلى أحمد]

سلامات يامحمد على,

أكثر مايغيظ فى الأمر هى حالة الصمت والفتور التى تعتلى
الناس وكأن الأمر يخص أناس آخرين أو شعب آخر..

ياجماعة
القاعدين نندق ديل نحنا,
هذه السياط موجهة إلى أجسادنا..

[ام التيمان]

الاخ الجيلى احمد .. هزنى شديد موضوع جلد الفنان محمود عبدالعزيز . حرام عليهم ما عندهم رحمة .قاوبهم حجر .ما عندهم انسانية. استاهلوا هم الجلد و جز رقابهم كتالين الكتله المجرمبن الحراميه . محمود انسان رقيق مرهف الاحساس . لكن نقول شنو سمح الصبر . الصورة بقت مقلوبه لازم نعدله ..

[الجيلى أحمد]

المشاركة الأصلية كتبت بواسطة ام التيمان

. الصورة بقت مقلوبه لازم نعدله ..

ياأم التيمان,
الجبهة الاسلامية قامت بشنق المفكر محمود محمد طه,
وقتلت كل من عارضها باسم الله, والله برئ منهم..
الجبهة لاذالت قادرة على جلد شعب بأكمله
وتفعل ذلك دون خجل أو حياء,
فقط لأنها وجدت لاسم الله موضع قدم فى خطابها الاقتصادى والسياسى..

[نعمات حمود]

العزيز الجيلي ...
اولا ..
تحزنني هذه الصورة لدرجة البكاء ...
ولكن لنتساءل ..هل السودان يقيم حدود الله كما وردت ..وهل هناك شريعة اسلامية سمحت باقامة الحفلات من اصلو ؟؟والاخطلات كما يبدو الان ...
هل حودة كان سكران براه والله معاه مجموعة كبيرة ..
هل قام بعمل شغب ولذلك اكتشف انه مخمور ؟؟؟
ارحمونا يرحمكم من في السماء ...
اطمئن يا الجيلي ...
حودة الان بالامارات العربيه دبي تحديدا ...
غنى وغنى ثلاث مرات
ليلة تابين العطبراوي وحفلة نجاح السودانيين المتفوقين واخرى تجارية ...
اتى في اناقة يحسد عليها ....
هاشا باشا ...تحدث وغنى كما لم اعهده منذ صغري ..وكنت منذ زمن في امدرمان اتابعة بين الاهلية ومسرح كازينو النيل الازرق ونادي الضباط وغيرة
حودة يظل امبراطور ......
حودة حضرة الشباب (الرجال )وهذه ميزة (تجردة من صفوة الجمهور لنفسة وفنه وليس كغيرة
والذين يختلط جمهورهم بالجكس وغيرة من اهداف اخرى )
حودة غنانا ما يكفي لسبع سنوات عجاف قادمات ..
مازلت اخرج لساني وادخلة اتلذذ تلك اللحظات ...
شكرا جيلي
محبتي وعميق تواصلي

[رأفت ميلاد]

المشاركة الأصلية كتبت بواسطة الجيلى أحمد

أرفع راسك ياحوته..

أرفع راسك

بلد حاكماها كلاب ..

[ابومحمد]

ارجو من الاعضاءغیر المسلمین الا یحشروا انوفهم فی هذا الحوار ...فهو اسلامی بحت ..ولیس هناک ثمه علاقه تربطهم به ...وشکرا

[خالد الحاج]

المشاركة الأصلية كتبت بواسطة ابومحمد

ارجو من الاعضاءغیر المسلمین الا یحشروا انوفهم فی هذا الحوار ...فهو اسلامی بحت ..ولیس هناک ثمه علاقه تربطهم به ...وشکرا

أبومحمد يا ابن عمي سلام
يا أخي الكلام الفوق ده شين منك
أولا فتحي ده صاح "حلبي" علي قول شوقي بدري لكنه مسلم وحسن الإسلام كمان
أما لو كنت قاصد أخونا رأفت ميلاد فمالو يا أخي أكسب فيه الأجر ودخلو الاسلام !!
بعدين إنت نسيت (ولا تكن فظا غليظ القول...) ؟؟؟
كن بخير يا صاحب

[ابومحمد]

المشاركة الأصلية كتبت بواسطة خالد الحاج

أبومحمد يا ابن عمي سلام
يا أخي الكلام الفوق ده شين منك
أولا فتحي ده صاح "حلبي" علي قول شوقي بدري لكنه مسلم وحسن الإسلام كمان
أما لو كنت قاصد أخونا رأفت ميلاد فمالو يا أخي أكسب فيه الأجر ودخلو الاسلام !!
بعدين إنت نسيت (ولا تكن فظا غليظ القول...) ؟؟؟
كن بخير يا صاحب

ابن عمی العزیز ...ولا تنس ..ولیجدوا فیکم غلظه ...اولئک الذین یؤمنون ببعض الکتاب ویکفرون ببعض....(احباب محمود عبد العزیز).... اعتقد ان کلامی من ناحیه المبدأ لیس علیه غبار ..فلهم دینهم ..ولنا دیننا ..ولهم ماعلیهم ...ولنا ماعلینا ...دون تدخل فی شئون الآخر ......اما الاستاذ.. فتحی ..فمن اسم ابنته الکریمه ..اعتقدت انه مسلم ..وانا اعتزر له اذا رأی انه قد اصابه شیئا منی ..ودمت

[عبدالعزيز عبدالله]

المشاركة الأصلية كتبت بواسطة خالد الحاج

أبومحمد يا ابن عمي سلام
يا أخي الكلام الفوق ده شين منك
أولا فتحي ده صاح "حلبي" علي قول شوقي بدري لكنه مسلم وحسن الإسلام كمان
أما لو كنت قاصد أخونا رأفت ميلاد فمالو يا أخي أكسب فيه الأجر ودخلو الاسلام !!
بعدين إنت نسيت (ولا تكن فظا غليظ القول...) ؟؟؟
كن بخير يا صاحب

يا خال والله قطعت مصاريني من الضحك .....

تحية لعمنا الحبيب فتحي....

ابو محمد انا اسمي عبدالعزيز والحمد لله مسلم (وعلي ما اعتقد اسمي بيوضح كدة)

الحمد لله علي نعمة الاسلام التي ليس بعدها نعمة.....

الله يجازي محنكم...

تحية للجميع

[فتحي مسعد حنفي]

المشاركة الأصلية كتبت بواسطة خالد الحاج

أبومحمد يا ابن عمي سلام
يا أخي الكلام الفوق ده شين منك
أولا فتحي ده صاح "حلبي" علي قول شوقي بدري لكنه مسلم وحسن الإسلام كمان
أما لو كنت قاصد أخونا رأفت ميلاد فمالو يا أخي أكسب فيه الأجر ودخلو الاسلام !!
بعدين إنت نسيت (ولا تكن فظا غليظ القول...) ؟؟؟
كن بخير يا صاحب

تعرف ياخالد أنا ما رديت عشان ما عايز أفتح باب أنا طلبت بقفلو..وقصدي النقاش خارج موضوع البوست وزيادة علي كدا كنت علي يقين اني ما مقصود بالكلام..وهسع بكتب عشان مستغرب من رد أبو محمدماعتقد اني مسلم عشان اسم آلاء مشتق من آية في القرآن وما انتبه لي انو اسمي آخرو حنفي يعني مشتق من أبو حنيفة أحد الأئمة الأربعة .
مش حاجة تحير في ذمتك..
أبو محمد راجل عامل عمرة أوفر أول جديدة ولسة في مرحلة التسليك والتليين..يعني حقو نصبر عليهو شوية وأكيد الكيبورد عندو حيلين شوية شوية بالتدريج وما أفتكر حيكون أصعب من ود السناهير الخرج ولم يعد