11-08-2016, 06:11 AM
|
#[12]
|
:: كــاتب نشــط::
|
اقتباس:
المشاركة الأصلية كتبت بواسطة Hassan Farah
ود عمتى مدينة معقولة البوست دا ما شفتو منذ ابريل 2009
شوف الزمن كان جميل كيف والنفوس صافية!!!
|
يابا
سبع سنين ورد ذكرها في "المُصحف" هن هينات ؟؟؟؟؟
سبع سنين عمر الدخول للكتاب "زمنا" وحسي إسمه ظاتهو ما عارفه
سبع سنين بالعادي سبع من البذورة وحساب تيمان 14 ولو 3 بقت 21 وإن زاد تبقى قبيلة بالكامل
سبع سنين بتمرق من معاش إختياري لي إحالة
سبع سنين إنحكم فيها السودان بأول حكومة عسكر
سبع سنين هي هينة ولا لينة
سبع سنين كانت السنون كاملة بي ضرس عقلها دون وجع
سبع سنين الناس كان تعرس أربعة لو يكفي
سبع سنين كانت بدور كل القمر وآمال الأمل وهمس الشوق معنى النفس ومرآفي هي الأمان والمسافة كان قريب وأبو العقل سيد الفهم والمواطن هو الأساس والنسايم تعني الفرح ومنال هي القصد وجيلينا كان هو الجميل وفيها ورث جماله لي ولي العهد.
في السبع سنين خبآ أشعاع وإنطفت شموع والقلوب صابها التحجر والمشاعر ضربها الجفاف وذبلت زهور (ديل ناس روفي وإنا وكدآ)
وياهو دآ حال الدنيا
وإن قلنا الرغم سبعة فحدث ولا حرج
|
|
|
|