تحياتي للنور والمعاو ..
متمتعين حد القلق.. فما تنقطعو..
ود الشلهمة قال:
السيل سال والمال جضً والسما صاب
وفوق ضهر البكار بتقنت السكلاب
دخلوها الدغش بالعٌمره في الجبجاب
حلبوها الحنون للديسو مو شناب
ود شوراني قال:
غاب نجم النّطِح والحر علينا اشتدّ
ضيّقنا وقِصر ليلو ونهارو امتد
نَظِرة المِنو لِي القَانُون بِقِت تتحدى
فتحت عندي منطقة الغنى اللنسد
ودي عجيبة:
نجم النترة في شفق الحمرات غز
وين الشارفة لي برّاق سحابو الرزّ
جنيبة الفارس الفوق المَشَمّش هزّ
فُرْقَها مُر ودّر من لساني اللّذّة
الظباء تنتظر (النترة) وهي من منازل الخريف بي لهفة (الشارفة) وهنا يقصد محبوبته..
وكت هي مافي هو تاني المتلذذ لها شنو