بالله سبحان الله الكمبيوتر براااهو اعتمد البوست ده ,,, يكون مشتهيهو ولا شنو ؟؟
اتخيلو حتي ما اداني فرصة اكمل العنوان بتاع البوست فجأة لقيتو قدامي معتمد
وطبعا بحكم ان الواحد عضو بس وفي الاعضاء عضو طرف وما عندو صلاحية في لوحة التحكم ولا في الحذف والالغاء والتعديل فما قدرت اعمل حاجة بعد ما اعتماد العنوان ,,, زي راجل المرة الواحدة عند اهلي البقارة بيقولو عليهو اعور وما عندو راي في اي مجلس تشاوري لا يعتد برأيه ابدا لانه متزوج من واحدة ... فانا عضو طرف وبيتنا طرف وما متزوج كمان (اتخيل لي ممنوع الاعلان
)
المهم كنت عاوز اكتب عن تراث النيل الازرق بحكم اني عايشته فترة طويلة في مناطق الانقسنا وفي الروصيرص والدمازين ومناطق القربين وبوط والمزموم والترو والترارو ... والنيل الازرق بمجمله من سنجة حتي مناطق النوير في الحدود الاثيوبية ...
واغنية التلاتة بنات هي من الاغاني التي اخذت شهرتها مؤخرا ... بعد ان ابدع في ادائها الجمري حامد ... وتغني بها مجموعة من الشباب بعده ,,,
هي اغنية غنيه بكل ملامح الدراما والاشباع العاطفي ... والوصف والتشبيه الجميل ...
هذه هي اهم مميزات اغنيات النيل الازرق ...
والطاهر سراجية يعتبر هو اهم رافد من روافد الغناء بالنيل الازرق ,,,
وله اغان كثيرة ومشهورة علي نطاق واسع من وسط السودان وحتي ولاية النيل الابيض ...
سأعود ان شاء الله للاقناع اللحني والاشباع العاطفي ... لاغنية التلات بنات
التلاتة بنات
اللابسات تياب ومقنعات
واا عذابي انا الليلة
شغلن قلبي لمن بص الروصيرص فات