لماذا ارتبط الخميس بــــــ............

[أميرى]

.......











































الجمعة

ــــــــــــ
والله جادى وعندى سؤال كدة

يمنع دخول اصحاب النوايا .....السمحة

[فتحي مسعد حنفي]

المشاركة الأصلية كتبت بواسطة أميرى

.......


الجمعة

ــــــــــــ
والله جادى وعندى سؤال كدة

يمنع دخول اصحاب النوايا .....السمحة

بس ياريت القابز الفاضية في كتاباتك دي تخليها عشان متعبة في الكوتنج وبتودي الجمعة لي شهر مارس وأنا شخصيا أي كتابة ليك فيها مساحات فاضية كدا ما حأشتغل بيها بعد دا وانت حر..

[أميرى]

المشاركة الأصلية كتبت بواسطة فتحي مسعد حنفي

بس ياريت القابز الفاضية في كتاباتك دي تخليها عشان متعبة في الكوتنج وبتودي الجمعة لي شهر مارس وأنا شخصيا أي كتابة ليك فيها مساحات فاضية كدا ما حأشتغل بيها بعد دا وانت حر..

لا الا زعلك والله يا عم فتحى
تانى توبة منها...وتانى توبة

المهم يا عم فتحى نرجع للسؤال

اذا كان السودان لغاية 30 سنة او 40 سنة سابقة الغالب من السكان ما كانوا موظفين دولة
ولا كانوا طلبة ...كانوا ناس ترابلة سااى ..مزارعية وعمال...والمرأة لسة ما كانت دخلت الحياة
العامة بالصورة الحالية...
يعنى كانت ايامهم كلها جمع (جمع جمعة)....
السؤال هو

لى طيب ارتبط الخميس بالجمعة برضو

[فتحي مسعد حنفي]

المشاركة الأصلية كتبت بواسطة أميرى

لا الا زعلك والله يا عم فتحى
تانى توبة منها...وتانى توبة

المهم يا عم فتحى نرجع للسؤال

اذا كان السودان لغاية 30 سنة او 40 سنة سابقة الغالب من السكان ما كانوا موظفين دولة
ولا كانوا طلبة ...كانوا ناس ترابلة سااى ..مزارعية وعمال...والمرأة لسة ما كانت دخلت الحياة
العامة بالصورة الحالية...
يعنى كانت ايامهم كلها جمع (جمع جمعة)....
السؤال هو

لى طيب ارتبط الخميس بالجمعة برضو

السودان كان طبقة عاملة وطبقة زارعة وطبقة طايرا..بالنسبة للطبقة العاملة الجمعة عندهم اجازة يعني ممكن يشلعو يوم الخميس ويصحو وخري يوم الجمعة..
أما الطبقة الزارعة فديل يالحبيب كلهم عاملين فيها بتاعين صلاة وبيصلو الجمعة في الجامع فكانو بيخمو رماد الاسبوع في الخميس ويرتاحو الجمعة.
أما الباقيين فديل خميسم الاسبوع كلو وبيشركو للشغالين عشان يصرفو عليهم فكانو بيستنو يوم الخميس ويسألو القعدة وين عشان يمشو للميتات ويعرفو يوم الجمعة أم فتفت وين..
وبعدين شيوخنا غشو الناس وقالو ليهم الله عمل الدنيا من السبت لغاية ما شطبا يوم الخميس وارتاح يوم الجمعة والناس دايرا تعمل زيو.. أنا غايتو الخميس عندي مرتبط بي السبت

[رأفت ميلاد]

المشاركة الأصلية كتبت بواسطة أميرى

.......

الجمعة

ــــــــــــ
والله جادى وعندى سؤال كدة

يمنع دخول اصحاب النوايا .....السمحة

يوم الجمعة عشان تكفر عن عمايل الخميس
إمضاء
حبهجى

[أميرى]

المشاركة الأصلية كتبت بواسطة فتحي مسعد حنفي

أنا غايتو الخميس عندي مرتبط بي السبت

يا اخوانا ادونا الاذن عشان ننداح

والله جملتك دى فى فيها جنس بلنتى

وباللفت كمان

[طيبان]

سلامات يا أميري ..

طبعا حكاية ارتباط الخميس بالجمعة دي ما ها المقصودة لأنو دا ما إرتباط بيدّي الخميس خصوصيّة علي باقي الأيّام ..

الخميس مرتبط بالقعدات والسكَر وما صاحبها من مسرّات لأنو آخر الإسبوع وصابح علي إجازة ..

يللا نرجّع ليك السؤال ..
من متين إرتبط يوم الخميس بالقعدات ؟؟
موش بعد ظهور طبقة الأفندية ؟؟
وللا عندك دليل إنو ناسنا السكرجية من زمان قبل ما يشتغلوا في الحكومة كانوا بيحتفلوا بالخميس؟؟

كسرة :-
المفهوم دا راسخ عند الخواجات جدّا ..لدرجة دخولو في المصطلحات الطبيّة لتوصيف بعض حالات الإعتلالات العصبية مثل التعبير الطبي ( شلل ليلة السبت Saturday Night Palsy) ودا شلل عارض في اليد بينتج من الضغط علي العصب الكعبري البيمر بالعضد ..لأنو سعادة الخواجة بكون بيسنسن طول ليلة السبت ( الصبحان علي إجازة ) في الحانة وممكن ينوم وهو رامي إيدو علي حافة الكرسي فيحصل ضغط للعصب وينتج عنه هذا النوع من الشلل العارض ..

___

واحد نيتو صافية .. زي العرقي بالضبط

[أميرى]

المشاركة الأصلية كتبت بواسطة رأفت ميلاد

يوم الجمعة عشان تكفر عن عمايل الخميس
إمضاء
حبهجى

عمايل شنو يا رأفت
مالك عايز تجيب لينا البوليس

الانا بقصدوا انو لى نحن فى السودان من سنة حفروا البحر ولغاية هسى
شراب الدواء ارتبط بالخميس بس
عيب لى الأربعاء


اوع تكون مؤامرة من الغرب عشان يلهونا عن فضل ليلة الخميس بس

[ناصر يوسف]

[align=justify]الخميس مرتبط بالجمعه زي ما الثلاثاء مرتبطه بالأربعاء وهكذا أو كما يقولون ..

في بُري كان في زول بيسكر في كُل يوم بيقيف للللللللللط إلا يوم الخميس ..
الجماعه سألوهو في لحظة تجلي كده وقالوا ليهو:
إنت يااااافلان مالك يوم الخميس ده ما بتطشُم ؟؟
قال ليهم :

هو ربنا مُش قال يوم القيامه حيكون يوم الجمعه صاح ؟؟
قالو ليهو: أيوه صاح

وطييييييييييييب عاوزين يوم القيامه ده يجي ويلقاني ليكم طااااااااشم ؟؟ لا بالله حلاة لِق لِق ..

وبرضو عند المتزوجين يقولوا ليك الخميس ده مااااا بنلعب فوقو .. دخول البيت من بدرييييييييييييي !!!! إحم دستووووووووووور

طيب ياااا عمك مُش مُمكن تكون كُل أيامهم خميس ؟؟؟

وسؤالك ده يا أميري بيذكرني بالمثل البايخ داك ( الخميس خميصك ولو تبيع قميصك ياخ) [/align]

[أميرى]

المشاركة الأصلية كتبت بواسطة طيبان

سلامات يا أميري ..

الخميس مرتبط بالقعدات والسكَر وما صاحبها من مسرّات لأنو آخر الإسبوع وصابح علي إجازة ..
___

سلامات يا دوك
طيب اجازة الجمعة دى فى ياتو زمن جات..
وهل الشعب السودانى القديم داااااك كلوااا كان شغال باقى الاسبوع عشان يدوهو الجمعة اجازة؟

يللا نرجّع ليك السؤال ..
من متين إرتبط يوم الخميس بالقعدات ؟؟
موش بعد ظهور طبقة الأفندية ؟؟
وللا عندك دليل إنو ناسنا السكرجية من زمان قبل ما يشتغلوا في الحكومة كانوا بيحتفلوا بالخميس؟؟

هسى منو الجاب سيرة القعدات
الخميس دة عندى نوهاااائى ماعندو علاقة بالقعدات


صدقنى يادوك يمكن صيغة البوست او السؤال تدى فهم بتاع ايحاءات خارجة عن القانون
بس جد بحيرنى تساؤل...انو لى نحن السودانيين بنحب سياسة القطيع؟
مش مفروض طالما انت بتتكلم عن القعدات الارتبطت بى ستينيات وسبعينيات وتمانينيات القرن
الماضى واتلاشت بعد ما جات الانقاذ ...مش مفروض يتلاشى الفهم دة طالما ربطناهو بالقعدات

و....

ـــــــــ
نسيت اقول ممنوع دخول السيدات
فهنا توجد قعدات وطشمة

[سمراء]

اميرى ياخوى الناس ديل برضو بعتبره وجه نظر ......

بس دى بتقودنى النصيحه ليك يا الله لى (عرف ) متخلف جدا فى ارتباط الازواج بذلك اليوم ....بالجد بنلقى انو اى ولد او بت جايين ومسستمين جاهزين من قبل المجتمع القام طوااالى وجهم وجه بانو ياهو يوم الخميس ده بس يااهو اليوم الممكن تمارسو فيهو كامل
علاقتكم (الانسانية) ....
والله ده انا بصراحه بعتبرو اسلوب متخلف جدا ، ولى قدام بقوم يوجه العلاقه نحو حالة دينماكية
مملة جدا !!!!
ده طبعا حسب فهمى المتواضع شديد فى القصة دى ، وخصوصا انا حولى مجموعه لايستهان بها من زميلاتنا المتزوجات ، الحقيقى بعانو من الفهم الزبالة ده .....

اقول قولى هذا واستغفر الله لى ولكم
قومو الى بوستاتكم التانيه ...لانو الكلام ده بعده ممكن يودى التونج

[فتحي مسعد حنفي]

خلاص يا أميري ياخ ما تزعل..اختار ليك يوم تاني غير الخميس وألعبو راس وشوف ليك شلة بدلو بيهو الخميس يمكن تدخلو لأجيال المستقبل حاجة جديدة..
أما حكاية الخميس مرتبط بالسبت فدي ما فيها أي بينالتي ولا حاجة وممكن أفسرا ليك بي كل براءة أنا زول عشت في أوروبا 15 سنة والناس هناك خميسم يوم السبت..شفت هنا الخميس بقي رمز لي شنو المهم بعد ما رجعت هسة أنا عايش في القاهرة ولقيت ليك الحكومة بتأجز يوم الجمعة والدكاكين بتقفل يوم الأحد يعنو برضو في خميسينتااااااااني يافتحي
يازول خلاص أكتر من كدا بقوم بصرج

[أميرى]

المشاركة الأصلية كتبت بواسطة ناصر يوسف

[align=justify]

طيب ياااا عمك مُش مُمكن تكون كُل أيامهم خميس ؟؟؟

وسؤالك ده يا أميري بيذكرني بالمثل البايخ داك ( الخميس خميصك ولو تبيع قميصك ياخ) [/align]

هههههههه

شوف معاى الزول دة يا ناصر...
قالوا كان فى واحد اخونا مسافر للشمالية باللورى من يوم الاتنين عشان يلحق الخميس هناك
اها قام وصل الخميس ..
بس للاسف لياقتو كانت انتهت وحصل ليهو زى زولنا دة

[المليجي]

المشاركة الأصلية كتبت بواسطة أميرى

هههههههه

شوف معاى الزول دة يا ناصر...
قالوا كان فى واحد اخونا مسافر للشمالية باللورى من يوم الاتنين عشان يلحق الخميس هناك
اها قام وصل الخميس ..
بس للاسف لياقتو كانت انتهت وحصل ليهو زى زولنا دة

دبل كيك ارضي

[أميرى]

المشاركة الأصلية كتبت بواسطة سمراء

اميرى ياخوى الناس ديل برضو بعتبره وجه نظر ......

بس دى بتقودنى النصيحه ليك يا الله لى (عرف ) متخلف جدا فى ارتباط الازواج بذلك اليوم ....بالجد بنلقى انو اى ولد او بت جايين ومسستمين جاهزين من قبل المجتمع القام طوااالى وجهم وجه بانو ياهو يوم الخميس ده بس يااهو اليوم الممكن تمارسو فيهو كامل
علاقتكم (الانسانية) ....
والله ده انا بصراحه بعتبرو اسلوب متخلف جدا ، ولى قدام بقوم يوجه العلاقه نحو حالة دينماكية
مملة جدا !!!!
ده طبعا حسب فهمى المتواضع شديد فى القصة دى ، وخصوصا انا حولى مجموعه لايستهان بها من زميلاتنا المتزوجات ، الحقيقى بعانو من الفهم الزبالة ده .....

سمراء اتى دخلك هنا شنو
طيب ياحبة طالما انتى معاى فى خط واحد السبب شنو انو السودانى مابقدر يغير عاداتو
الموروثة كابر عن كابر بسهولة؟...لى زى مابتقول ام التيمان ما نخالف القواعد طالما
لن يتضرر أحد..ويجعلنا سعداء...(شفتى كيف انا استفدت منك يا ام التيمان)

اما بالنسبة لى

اقول قولى هذا واستغفر الله لى ولكم
قومو الى بوستاتكم التانيه ...لانو الكلام ده بعده ممكن يودى التونج :