وعليكم زيو وأحلى منو كده ولو انو أحلى من سلامكم مافي
اقتباس:
أتمنى اسمك في إلقاء هذا العمل
أكيد حيتجمّل ..
|
امممم..لالا..أظنو قرايتي عاديّة..وكت عجبتك الكتابة مابجيب شئ يمكن ينقص منها مايزيد.
اقتباس:
|
اول حاجة عاوزك تسمحي لي أحبك زيادة ..
|
ده بالذات ماداير سماح..
اقتباس:
ثالثا
يا خيّة ديل قصايد كتار في زول واحد أو ناس كتار
ما قصيدة واحدة لذا مفروض تنتبهي .. وتخِفّي علينا شوية ..
المناسبة الواحدة ممكن تكون كمين قصيدة
|
أول شئ شكراً على ثانيا..يسعدني جداً تهبش كتاباتي أحاسيسك..
أما ثالثا دي فانت محق فيها..ودي مناسبات ومجموعة ردود لقيتها بتشبه بعض..احساسها واحد..أضفتها لي بعض..وزدت فيها بنفس الاحساس..يعني رأيك في إنها ممكن تكون كمين قصيدة..أداني احساس إنك شفت حالها قبل التعديل.
اقتباس:
مرَّات.. ..يجينا..حلو..كلامك
اقترح
مرَّات.. ..يجينا..حلو..الكلام
|
قريتها بالحالين...كتابتي..واقتراحك..لقيتها منسابة أكتر باقتراحك.
اقتباس:
وإني بي شوقك ..تقاوي..زارعة أحزاني و..بلاقي.. ريدي فيك المستمر .
وإني بي شوقك ..تقاوي..زارعة أحزاني و..بلاقي.. ريدي فيك "شتلة تمُر" .
|
يلا حاساهم الاتنين بطلعوا مني مرتاحات ..يمكن أكون غلطانة ( أصلي بشخبت يادوبك عندي العذر مش ؟؟ ) يلا في المعنى ..أيوة شتلة تمر حنينة كده وكمَّلت الفكرة في ( تقاوي ) ..لكن المستمر..ماأعرف حاسَّاها في مكانها برضك..يعني استمرارية الريد ماحسيتا خربت الفكرة.
اقتباس:
ماني خايفة من الهطول
بعشق المطرة..التجيك
لكني خايف..ألقاك..زول
شايل خدارو ومكتفي..
تنزل مطيرتي عليك " أفول"
|
انت صاح...بعد عليك في آخر سطر ناقص شئ..لكن أنا مطيرتي وكت تنزل احساسي بيها في الأول ما بكون أفول بتكون دافرة كده مندفعة واحساسها مليان ومضيئ جداً ..بعد نزولها تنتابها الحيرة ما بين عدم القدرة على الانسياب للداخل وبين أن تطفو على سطح مشبَّع من الداخل..
اقتباس:
اقترح ..
يا زول و "باش"
ودى لأنو كلمة باش .. زى باش مهندس و باشممرض ..
|
أحلى كتير ..وأوضح ...يازول..وباش.
اقتباس:
شري أمواجو فـــ صلاتك
وفرحي الشط ..بي هباتك..
شرّي أمواجو فـــ صلاتك
وفرّحي الشط ..بي (صِلاتك"..
|
تصدق إني كتبتها أول كده؟؟ شرّي أمواجو فـــ صَلاتك...وفرِّحي الشط بي صِلاتك...وتاني شخبتها..قلت لا هِباتك..
الكتابة الأولى عندي دايماً أصدق..
طيِّب أولا أعتذر جداً على جرأتي وتعليقاتي الفوق دي لو لاقت منك أيِّ امتعاض..
وتانياً إذا قريت مني أي فهم مغلوط أو فكرة ماصحيحة انت مُطالب (أمر وكده
) إنّك تصحِّحو...أو تصحِّحها.
ثالثاً..عاجزة تماماً عن شكرك على وقتك..وتمعنك في الكتابة دي وتفكيرك في صورة أحلى وأجمل ليها..
ومن غير سماح كده ..حبيتك زيادة. ..يعني عدم سماحك مابقلِّل منها.
.
