استاذى المحترم شوقى بدرى اسمح لى ان اخذ من وقتك القليل
فى مره من المرات جلسنا شخصى الضعيف و احدى صديقاتى من مدينه كسلا الجميله فاخذت تحكى لى عن كسلا و جمال كسلا و خاصه فى فصل الخريف و هكذا فقلت لها انتى عارفه انو الواحد لامن يتكلم عن مكان ما بيكون قاصد انو يتكلم عن المكان بقدر ما بيكون قاصد انو بيتكلم عن شخصيات معينه ارتبطت فى الذهن بالمكان دا و تابعت يعنى مثلا لو تعرفى انا بحب امدرمان دى قدر شنو رغم انى ما بعرف فيها حاجه و كان فكونى ساى فيها بتوه فى اول شارع من شواريعا لكن انا امدرمان بتعنى لى رجل عظيم اسمو شوقى بدرى بيكتب فى سودانيز اون لاين و يا بتى قدر ما حاولت انى انضم لى سودانيز اون لاين بس عشان تجمعنى بالرجل دا حتى لو كلمه واحده التسجيل صعب شديد ... ما كنت عارفه انو فى يوم من الايام حا اتلاقى مع الاستاذ شوقى فى سودانيات البيت الراقى دا
فشكرا ليك يا استاذنا الى انا معجبه بيك و بى تفكيرك و طريقه حوارك جدا و ماشاء الله عندك ذاكره رهيبه ربنا انشاء الله يديك الصحه و العافيه
|
