وردى (عود)...**

[wadosman]

ما لقينا احسن من العنوان دا...

و ذنبى ايه..؟؟؟

[wadosman]

[rams]http://www.sudanyat.org/upload/uploads/gasi_gulbk_alai_liah.mp3[/rams]

لينك للحفظ

[سمراء]

ياسلاااااام عليك يافنان

يو ماد ماى افترنون

دائما بقول الداير يستمتع بالغنا الصاح ...يسمع بالعود

هل من مزيد ؟؟ تنزيل

[فيصل سعد]

المشاركة الأصلية كتبت بواسطة سمراء

هل من مزيد ؟؟ تنزيل

زيبق احمر كيف ؟؟

يديكم العافية..

[سمراء]

اقتباس:
المشاركة الأصلية كتبت بواسطة فيصل سعد
زيبق احمر كيف ؟؟

يديكم العافية..

والله غايتو التبعنا ديل مامحتاجين الزيبق
ركهم على دندنات بالعود ويجو ناطين

فيصل فك الجواكر العندك وماتبخل

[فيصل سعد]

المشاركة الأصلية كتبت بواسطة سمراء

فيصل فك الجواكر العندك وماتبخل

قولي واحد :

[rams]http://www.sudanradio.info/arabic/modules/debaser/upload/songs/wardi/tajojRe1.mp3[/rams]

[احمد سيداحمد]

جداً يا حبيب

[أحمد الأمين أحمد]

سلام على محمد عثمان وردى

ومحمد عثمان(بتاع البوست )صاحب الذوق الرفيع الذى

يجوب الأسافير ناثرا الفل والورد والياسمين فى عصر الهرج والمرج والزعيق والنهيق!!!

وردى الراقى على العود بذاك الصوت الشفيف فى أغنية (قاسى قلبك علي ليه؟؟؟)

رائعة ود حد الزين بنية شيخ إسماعين ..

تلك الأغنية الراقية نصا ولحنا وأداء بالطبع شكلت ذروة ثورة إسماعيل حسن العنيفة ضد الحب فى بداية الستين من القرن الماضى:

لو طلعت القمرة وجيت

ولو حلفت برب البيت

مابريدك .......

حتى قلبى سلمتو ليك

هذه الثورة الفنية العنيفة التى هيجت شاعرية شيخنا ود الرضى –فارس الحقيبة الأشهر ورد على إسماعيل بعدة قصائد ومربعات بعضها مثبت فى ديوانه كما أثارت هذه الثورة العنيفة ضد الحب تحديدا هذه الأغنية موضوع البوست قريحة ود الريح وماأجمل قريحة ود الريح ياودعثمان فقام بمحاولة تلطيف الجو وإعادة الإعتبار للحب كقيمة سامية ونبيلة حرى أن يغنى لها فكتب لصوت الجابرى وما أعذبه من صوته أغنية:

محروم فى حبى مالى

أيه ذنبى الجنيتو...

وفيها:

الحب معنى سامى

ياريت الناس دوام

تقابل دلال الأحباب بإبتسام....

أداء وردى لهذه الأغنية فى هذا البوست على عوده المبدع أرجح انها ضمن حلقة برنامج (صالة العرض) التى قدمها قديما علم الدين حامد من داخل دار وردى وما اجملها من دار بالكلاكلة صنقعت وقد تغنى خلالها بعدة اغنيات على العود منها رائعة محمد سعيد وودكرم الله :

يمة النوم ابى وجافانى

واصبح .......ساهر

حتى الطيف رحل خلانى

ماطيب لى خاطر ...

إلى جانب أغنية (سؤال) التى صدح بها بصورة تشبه الإعجاز تحديدا حين يعلو صوته ويهبط :

كده أسال قلبك عن حال

أسألو أسالو

تنبيك عن سؤالك أشواقى أسألو...

وختمها برائعة الدوش (بناديها) حيث اجبر روعة الأداء مقدم البرنامج

علم الدين ان يطابقة فى الأداء كشيال او زمال علما ان وردى فى تلك الحلقة

تغنى برائعة كرومة والبنا (منعوك اهلك ) رغم ان وردى لايهبش الحقيبة كتير

لانه ثرى ومنجم الحان ..

سلاما على ود حد الزين/ ود الرضى/ ود الريح وودعثمان

[wadosman]

المشاركة الأصلية كتبت بواسطة سمراء

ياسلاااااام عليك يافنان

يو ماد ماى افترنون

دائما بقول الداير يستمتع بالغنا الصاح ...يسمع بالعود

هل من مزيد ؟؟ تنزيل

سمراء..

يسعد مسااك

خلاص بنخلى البوست كلو لاغنياات وردى بالعود

ربنا يقدرنا..

تحاايا..

[wadosman]

المشاركة الأصلية كتبت بواسطة فيصل سعد

قولي واحد :

شكرا يا حبوب على الاضاافه


تسلم..

[wadosman]

المشاركة الأصلية كتبت بواسطة اسمر

جداً يا حبيب

منور ياا اسمر

شكرا ليك كتير...

[wadosman]

المشاركة الأصلية كتبت بواسطة أحمد الأمين أحمد

سلام على محمد عثمان وردى
ومحمد عثمان(بتاع البوست )صاحب الذوق الرفيع الذى
يجوب الأسافير ناثرا الفل والورد والياسمين فى عصر الهرج والمرج والزعيق والنهيق!!!
وردى الراقى على العود بذاك الصوت الشفيف فى أغنية (قاسى قلبك علي ليه؟؟؟)
رائعة ود حد الزين بنية شيخ إسماعين ..
تلك الأغنية الراقية نصا ولحنا وأداء بالطبع شكلت ذروة ثورة إسماعيل حسن العنيفة ضد الحب فى بداية الستين من القرن الماضى:
لو طلعت القمرة وجيت
ولو حلفت برب البيت
مابريدك .......
حتى قلبى سلمتو ليك
هذه الثورة الفنية العنيفة التى هيجت شاعرية شيخنا ود الرضى –فارس الحقيبة الأشهر ورد على إسماعيل بعدة قصائد ومربعات بعضها مثبت فى ديوانه كما أثارت هذه الثورة العنيفة ضد الحب تحديدا هذه الأغنية موضوع البوست قريحة ود الريح وماأجمل قريحة ود الريح ياودعثمان فقام بمحاولة تلطيف الجو وإعادة الإعتبار للحب كقيمة سامية ونبيلة حرى أن يغنى لها فكتب لصوت الجابرى وما أعذبه من صوته أغنية:
محروم فى حبى مالى
أيه ذنبى الجنيتو...
وفيها:
الحب معنى سامى
ياريت الناس دوام
تقابل دلال الأحباب بإبتسام....
أداء وردى لهذه الأغنية فى هذا البوست على عوده المبدع أرجح انها ضمن حلقة برنامج (صالة العرض) التى قدمها قديما علم الدين حامد من داخل دار وردى وما اجملها من دار بالكلاكلة صنقعت وقد تغنى خلالها بعدة اغنيات على العود منها رائعة محمد سعيد وودكرم الله :
يمة النوم ابى وجافانى
واصبح .......ساهر
حتى الطيف رحل خلانى
ماطيب لى خاطر ...
إلى جانب أغنية (سؤال) التى صدح بها بصورة تشبه الإعجاز تحديدا حين يعلو صوته ويهبط :
كده أسال قلبك عن حال
أسألو أسالو
تنبيك عن سؤالك أشواقى أسألو...
وختمها برائعة الدوش (بناديها) حيث اجبر روعة الأداء مقدم البرنامج
علم الدين ان يطابقة فى الأداء كشيال او زمال علما ان وردى فى تلك الحلقة
تغنى برائعة كرومة والبنا (منعوك اهلك ) رغم ان وردى لايهبش الحقيبة كتير
لانه ثرى ومنجم الحان ..
سلاما على ود حد الزين/ ود الرضى/ ود الريح وودعثمان

استاذ احمد..

يسعد مسااك و الف حمد لله بالسلااامه

انت كما عودتنا دايما بمداخلاتك القيمه و الدسمه و هى تسوح بنا ما بين حكااوى
الفن و الزمن الجميل لمبدعين اثروا الساحه الفنيه بالكثير من الدرر التى ظلت
و ستظل خالده فى وجدان الجميع...

شكرا ليك كتير فحضورك دايما يشكل اضاافه كبيره لبوستات الغناء الراقى الاصيل
و لعلك اشرت فى مداخلتك هنا الى احداث و جدال لا يعرفه الكثيرون و هو كما
ذكرت ذلك السجال الاشهر فى تاريخ الاغنيه السودانيه ما بين ود الرضى و اسماعيل
حسن و كان وردى قدر اشار لذلك فى حلقاته فى قناه الشروق و التى كانت تبث خلال
شهر رمضان المعظم..

يديك العاافيه...