أولاد الإشلاق

[عبدالمنعم الطيب حسن]

المشاركة الأصلية كتبت بواسطة Anbabtode

ومطعم الاخلاص

مطلع التمانينات جدا ،كنا نجيب الطماطم من واوسي ، ونبيعا في سوق الخرطوم ، وكنا ناكل عدس وكبدة في الفطور في مطعم الاخلاص ،
واكان ما اخاف الكضب اقول في الحتة دي في كافتيريا اسمها
( على خفيف ) ...

[عبدالحفيظ]

المشاركة الأصلية كتبت بواسطة خالد غالي

سلامات يا انبابتود

متابعة وبنجادعك مرة مرة

مرحبتين يا غالي ، في الانتظار عشان تحمس الطار

[عبدالحفيظ]

المشاركة الأصلية كتبت بواسطة عبد العظيم السعيد

سلام اخي انباب تود ..
وانا كنت بجي كقروي قح لي عمك محمد العطا في اشلاق غرب ..
وبعد الغدا يندرع عمك ود العطا في الرسمي ..
وتووووش يخش الاستاد ونحنا في قفاهو .. كان جنو كورة ..
واليوم يمر .. غدا ملح .. وكورة املح ..
كانت المنطقة جميلة وهادئة خاصة في العصاري ..
السنة الفاتت جيت ميدان جاكسون قاصدا الخطوط السعودية ..
اعاين في المبنى وما قادر اصلو من الزحمة ..
ركنت العربية بعيد ومشيت كدر .. وبرضو طشيت ..
وقفت زول وسالتو .. "منين يودي على فين" .. ؟
ضحك وخلاني واقف براي وهمي عصف .. ومشى .. !!

الإخ عبدالعظيم سلامات انت من زوار الاشلاق الدائمين مع ناس ود العطا معنى كده بتعرف ناس الثعلب والغراب وسيف وابراهيم ومهدي بابكر وحسن سكران الخ ...وبمناسبة الكورة ودار الرياضة طبعا اولاد الاشلاق كانو بيحرسوا عربات رواد دار الرياضة وكل واحد عنده مكان معين يحرس العربات البتقيف فيه وما في زول يتعدى على مستعمرات الاخر وبعد المبارة عن كل عربية قرشين والناس الفريقهم فايز شلن ( 5 قروش للجيل الجديد ) ، وكنا دائما بنطلع السطوح ونتفرج على المباريات الكبيرة وقبل نهاية المبارة بعشرة دقائق الابواب بتفتح المغلوبين بيكونو طالعين ونحن داخلين الفرجة ملح .. وبعد نهاية الكورة وبالرصيد العملناه من الحراسة بنمشي دكان اليماني جنب المدرسة المصرية في شارع علي عبداللطيف للفول الفاخر ...

[عبدالحفيظ]

المشاركة الأصلية كتبت بواسطة أمير الأمين

يعنى ننتظر لينا سماية و لا شنو ؟


تحياتى

يا أمير شايفك حمرت ( بار كيشو ) ، كيشو طبعا كان علم من أعلام الرياضة في السبعينات القرن الماضي وكان قطب كبير في نادي الهلال ، وكان زول طزيان وكان البار يقع قبل تقاطع شارع الحرية مع شارع البلدية ب حوالي 20 متر يفتح جنوبا وكان من أشهر معالم شارع البلدية وافتكر الآن موقعه تحول لبنك جوبا وجزء من محلات سلا للحلويات ..

[ZEIN ABDALLA]

المشاركة الأصلية كتبت بواسطة أمير الأمين

يعنى ننتظر لينا سماية و لا شنو ؟


تحياتى

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

[ZEIN ABDALLA]

المشاركة الأصلية كتبت بواسطة Anbabtode

يعني يا دكتور نحن لما جينا استاد الخرطوم محاطة من الغرب بالمعهد الفني وبالشرق الميادين والمدرسة المصرية وسينما غرب والجنوب شريحة مثلث مباني تابعة للمعهد الفني وبعد داك بقت المقرن الثانوية وبالشمال اشلاق البوليس السلخانة دي الا كانت جو الغابة

السلخانة يا انبابتود كانت تقع غرب المكان الفيهو مدرسة المقرن الثانوية.
ياخى البقر كان بيجى شاقى ميدان العزيمة واذا فى مطر كان يعفص
ويحفر الميدان وشهرين الميدان لا يصلح للعب الكرة.
كان عايز تتأكد أسأل يوسف الموصلى.
ان شاء الله مدرسة الخرطوم غرب الاولية رقم واحد تكون موجودة...
الخوف الجماعة يكونوا عملوها برج تجارى

[ZEIN ABDALLA]

سوق الزنك بالخرطوم

[عبدالحفيظ]

المشاركة الأصلية كتبت بواسطة ZEIN ABDALLA

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

صحيح يا زين بس افتكر الاسم مصطفى كمال راشد وبرضو فندق الامباسادور في شارع الحرية تبعه

[عبدالحفيظ]

المشاركة الأصلية كتبت بواسطة ZEIN ABDALLA

السلخانة يا انبابتود كانت تقع غرب المكان الفيهو مدرسة المقرن الثانوية.
ياخى البقر كان بيجى شاقى ميدان العزيمة واذا فى مطر كان يعفص
ويحفر الميدان وشهرين الميدان لا يصلح للعب الكرة.
كان عايز تتأكد أسأل يوسف الموصلى.
ان شاء الله مدرسة الخرطوم غرب الاولية رقم واحد تكون موجودة...
الخوف الجماعة يكونوا عملوها برج تجارى

غايتو يا زين بتذكر البقر لكن بيمشو وين ما عارف ، لاننا اتجاهنا واحد سوق اللحم وربع الكيلو هسي نسوان الزمن ديل قالو سمو ربع الكيلو ( مس كول ) يعني قالو الواحدة تقيف بعيد في سوق بحري وتقول للجزار بالله مس كول بدون عظم او بي عضم شفت التكنولوجيا اثرت في الناس كيف ..والله يوسف الموصلي كنا بنقطع البحر ونمشي معاه لحد توتي ويغني ولي هسي عايز منو حقى الكورس بعدما نلم فيه ناخد حقنا اول وبعدين نسأله

[عبدالحفيظ]

المشاركة الأصلية كتبت بواسطة ZEIN ABDALLA

ان شاء الله مدرسة الخرطوم غرب الاولية رقم واحد تكون موجودة...
الخوف الجماعة يكونوا عملوها برج تجارى

المدرسة كانت موجوده لحدي قريب لكن البرج التجاري في شارع علي عبداللطيف اسمه برج الفيحاء قام مكان 9 بيوت بتاعت اشلاق السجون وشايف اشلاق البوليس ذاتو بتاع غرب اتباع أو بقى مهجور لزوم البيع الله يكفينا شرور البيع ، زمان نميري الله يطراه بالخير كان بيقول يعني ديون السودان ما تكبر يعني حيجو يعرضوه للبيع ، لكن البيع بالجد حصل

يا سلام من صورة سوق الزنك ياخي دي لقيتها وين دي ياهم ذاتهم النسوان الكادحات بتاعين الزمن داك وناس قريعتي راحت وطبعا اخوك ما كان بيقصر يوم الجمعة من الصباح بمشي اشتري لي صندوق تفاح ( شوفو الزمن داك بناكل تفاح جاي من لبنان ) بي 50 قرش وابيعه بالحبة لرواد السوق الجميلين زمان واضرب التالف ( تخيل زول بياكل الجهة الكويسة ويرمي الباقي كانت متعة ) وبعد ارجع البيت يكون مكسب شلن او اكتر اضمن مصاريف المدرسة لمدة اسبوع ...

[قرقاش]

تحيه للجميع الخرطوم غرب ... اذا اعتبرناها مربع ....فانالركن الجنوبى الشرقى بتاعه .. كان مدرسه البنات الاميريه ثم بيوت الموظفين ...
انا من مواليد الحله الجديد الخرطوم..
( ناس مدنى لمن تقول ليهم انا من مواليد الحله الجديده بضحكوا على الواحد .. باقى الحله الجديده عندهم كانت زى شارع دكتور ( مشعال ) .. قول ابصليب ياسيد ... فى الخرطوم غرب )..
كان باص الحله الجيده ..يعدى البوابه بوابه القطر وهو قادم من المنطقه الصناعيه الخرطوم واخر مبنى فى المنطقه الصناعيه ..كان مصنع الكوكا كولا ... كان شارع على عبد اللطيف يقع فى خط موازى تمام لمصنع الكوكا كو وكان هناك شارع زلط دوغرررررررررررررررى من الكوكا كولا لشارع على عبد اللطيف ..تم الغاءه واستبداله يشارع الغابه الحالى فيما بع ..ثم تم انشاء كبرى الحريه على نهايه شارع السجانه والذى افتتتحه المرحوم المقبول الحاج ...بدلا عن البوابه حتى لا تتعطل الحركه .. وكان بص السجانه يدخل البص غربا وتبدا بيوت الموظفين بعد مدرسه البنات الاميريه ..ومن ثم يتجه الباص شمالا فى شارع على عبد اللطيف ملتقبا مع بص الحله الجديه القادم من المنطقه الصناعيه كان شارع على عبداللطيف ايتوسطه بنزل المرحوم حسن بشير نصر ..والمرحوم طلعت فريد ..
المهم..بيوت الموظفين كانت ادبخانتهم جرادل ..ونشاهدها من البص لانها فى مواجهه الشارع .. والادبخانه عباره عن فتحه اشبه بشباك على الارض مغطى بحديد ..والجردل بداخل ..وبالليل يجوا ناس عفونه يشيلوا الجرادل يودها جنوب الخرطوم مكان السوق الشعى الان حيث هناك ابار عميقه وضخمه ..وتحديدا المجلس البلدى فى قلب السوق الشعبى الان ..
كان كاطفال نسخر من ناس عفونه ونهرب ..
وكانوا هم ...اى ناس عفونه يرشوننا بالعفونه وذلك بادخال فرع نيم فى الجردل ورشنا به
ولقد عملت زمننا طويلا بدار سينما غرب كمساعد اوريتر مع المهندس عثمان الحاج اطال الله عمره
وعلى فكره سينما غرب كانت سينمتين فى واحده ..فلقد كانت هناك دار عرض اخرى صغيره .4 متر فى 6 متر ..لعرض الافلام على لجنه الرقابه قبل عرضها للجمهور وكنا نسيمها غرفه السنسره ...حيث بعد العرض تاتينا الاوامر بان نقطع ماذا ونترك ماذا .. وعند العرض طبعا يظهر القطع وياتى النبذ
يعنى الخرطوم غرب ماجانا منها الا العفنه والنبذ ...
اذكر الاشلاق تماما ..فلقد كان محطه لباص الحله الجديده
نعم كيشو اسمه مصطفى كمال راشد وكان لديه فندق امباسدور فى شارع الحريه عليه رحمه الله ....قيل انه كان رجل خير الى حد بعيد ..واظن ان عمارته الان اوقاف لفعل الخير
يقينى انه الان وجد ماوعده ربه عليه الرحمه
مستمع معاكم ..

[عبدالحفيظ]

المشاركة الأصلية كتبت بواسطة قرقاش

تحيه للجميع الخرطوم غرب ... اذا اعتبرناها مربع ....فانالركن الجنوبى الشرقى بتاعه .. كان مدرسه البنات الاميريه ثم بيوت الموظفين ...
انا من مواليد الحله الجديد الخرطوم..
( ناس مدنى لمن تقول ليهم انا من مواليد الحله الجديده بضحكوا على الواحد .. باقى الحله الجديده عندهم كانت زى شارع دكتور ( مشعال ) .. قول ابصليب ياسيد ... فى الخرطوم غرب )..
كان باص الحله الجيده ..يعدى البوابه بوابه القطر وهو قادم من المنطقه الصناعيه الخرطوم واخر مبنى فى المنطقه الصناعيه ..كان مصنع الكوكا كولا ... كان شارع على عبد اللطيف يقع فى خط موازى تمام لمصنع الكوكا كو وكان هناك شارع زلط دوغرررررررررررررررى من الكوكا كولا لشارع على عبد اللطيف ..تم الغاءه واستبداله يشارع الغابه الحالى فيما بع ..ثم تم انشاء كبرى الحريه على نهايه شارع السجانه والذى افتتتحه المرحوم المقبول الحاج ...بدلا عن البوابه حتى لا تتعطل الحركه .. وكان بص السجانه يدخل البص غربا وتبدا بيوت الموظفين بعد مدرسه البنات الاميريه ..ومن ثم يتجه الباص شمالا فى شارع على عبد اللطيف ملتقبا مع بص الحله الجديه القادم من المنطقه الصناعيه كان شارع على عبداللطيف ايتوسطه بنزل المرحوم حسن بشير نصر ..والمرحوم طلعت فريد ..
المهم..بيوت الموظفين كانت ادبخانتهم جرادل ..ونشاهدها من البص لانها فى مواجهه الشارع .. والادبخانه عباره عن فتحه اشبه بشباك على الارض مغطى بحديد ..والجردل بداخل ..وبالليل يجوا ناس عفونه يشيلوا الجرادل يودها جنوب الخرطوم مكان السوق الشعى الان حيث هناك ابار عميقه وضخمه ..وتحديدا المجلس البلدى فى قلب السوق الشعبى الان ..
كان كاطفال نسخر من ناس عفونه ونهرب ..
وكانوا هم ...اى ناس عفونه يرشوننا بالعفونه وذلك بادخال فرع نيم فى الجردل ورشنا به
ولقد عملت زمننا طويلا بدار سينما غرب كمساعد اوريتر مع المهندس عثمان الحاج اطال الله عمره
وعلى فكره سينما غرب كانت سينمتين فى واحده ..فلقد كانت هناك دار عرض اخرى صغيره .4 متر فى 6 متر ..لعرض الافلام على لجنه الرقابه قبل عرضها للجمهور وكنا نسيمها غرفه السنسره ...حيث بعد العرض تاتينا الاوامر بان نقطع ماذا ونترك ماذا .. وعند العرض طبعا يظهر القطع وياتى النبذ
يعنى الخرطوم غرب ماجانا منها الا العفنه والنبذ ...
اذكر الاشلاق تماما ..فلقد كان محطه لباص الحله الجديده
نعم كيشو اسمه مصطفى كمال راشد وكان لديه فندق امباسدور فى شارع الحريه عليه رحمه الله ....قيل انه كان رجل خير الى حد بعيد ..واظن ان عمارته الان اوقاف لفعل الخير
يقينى انه الان وجد ماوعده ربه عليه الرحمه
مستمع معاكم ..

اخونا قرقاش الكلام كان عن الاشلاق وهو جزء من مساحة الخرطوم غرب ، لكن مؤكد ما بينفصلوا من بعض ، وفعلا مصنع البيبسي في المنطقة صناعية قصاد مساكن السكة حديد ومخابز القوصي للحلويات وتنزل من كبري الحرية على ايدك اليمين داخليات الرازي كلية طب الخرطوم وعلى اليسار الخرطوم الاميرية بنات وعلى اليمين مقابل مبنى الجمارك مدرستنا الخرطوم الاميرية بنين لنا فيها ذكريات وطبعا كسائر البيوت الحكومية الاخرى بيوت الصحة برضها غير مسكونة الان وربما تم التصرف فيها مش الحكومة على كيفها تبيع بيوتها كما تبيع ابناءها وشمال شرق سينما غرب كانت البيوت الحكومية الفاخرة فعلا كانو الوزراء وكبار قيادات الجيش ساكنين فيها وتمشي بشارع على عبداللطيف شمالا قبل ما تصل شرطة المرور على يمينك تلقى بيوت العمدة كرم الله وبرضو جامعة القاهرة الفرع وتنزل غربا تلقى نفسك في الحديقة النباتية لو ما صفوها .. وبعد دا كله تقول لي عيفونة ونبذ .. انت عارف الصرف الصحي دخل في الاشلاق ومنطقة الخرطوم غرب سنة 1970 ونحن اطفال كنا نخاف من صوت الموية لما تجر حبل السايفون تقول لي عيفونة ياخي

[عبدالحفيظ]

المشاركة الأصلية كتبت بواسطة عبدالمنعم الطيب حسن

مطلع التمانينات جدا ،كنا نجيب الطماطم من واوسي ، ونبيعا في سوق الخرطوم ، وكنا ناكل عدس وكبدة في الفطور في مطعم الاخلاص ،
واكان ما اخاف الكضب اقول في الحتة دي في كافتيريا اسمها
( على خفيف ) ...

مطعم الاخلاص يا استاذ منعم كان مشهور جدا بالفول والقراصة بتاعت الحلفاويين وكانو اصحابها ناس مهذبين واي واحد ممكن يأكل عندهم حتى ولو ما عنده قروش ، والشارع البعديهم كان في اشهر استديو واشهر كافتريا في السطوح وحديثا جاء مطعم الامريكين وهو ملاصق لبنك مصر سابقا والذي تحول الى النيلين والجانب الآخر كان عمارة ابو العلا ومعرض المارسيدس وشرق البنك طبعا كانت حديقة الامم المتحدة لكن يوسف عبدالفتاح لم فيها وبهدلها وقال المكتبة الخضراء

[أمير الأمين]

المشاركة الأصلية كتبت بواسطة ZEIN ABDALLA

كيشو هو قطب فريق الهلال واسمه محمد كمال راشد وكان لديه فندق كيشو ويقع عند تقاطع شارع البلدية مع شارع الحرية فى الركن الشمالى الغربى وكنا نذهب فى المغرب لمشاهدة جكسا على الطبيعة وبعض لاعبى الهلال وهم فى قعدة ونسة مع كيشو. ما متأكد من قصة البار، لكن اظن
ان حلويات(سلا) بتاعة ناس عبدالرحمن سلاوى اخذت مكان البار.
يا امير حلويات وباسطة وبسبوسه والمؤمن حلوى ومافى سماية جديدة

كنا طمعانين فى الخروف
بس برضو حلويات سلا مكسب

[أمير الأمين]

اظن منطقة الخرطوم غرب كانت تشمل بيوت
كبار موظفى الدولة ابان عهد الاستعمار
حكى لى احد الاقرباء الذين كان يعمل والده
سكرتيرا للمفتش العام عن منزله الكائن فى تلك
المنطقة .. هذا الموظف اسمه عبدالله وقيع الله
والد الفنان الخطاط عثمان وقيع الله عليهم الرحمة
كان مشهورا بانضباطه الشديد حتى بعد نزوله الى المعاش
وتحول الى رفاعة للسكن...اكله فى مواعيد محددة ..ذهابه الى
السوق .. حتى عند زياته الاسرية كان يطرق الباب ثلاث مرات فقط
بعدها "يخر" راجعاً...