الملف الشخصي للأعضاء

[أبوبكر عباس]

المشاركة الأصلية كتبت بواسطة GamarBoBa

بابكر..
جيت ختيت لي كوت ولونته لي بالاحمر من جملة مداخلات كتيرة ..ارجع بس للجملة القبليها والاجابات انا اصلا ختيتها..
وفي المداخلة الاولي يا بابكر ختيت ليك انو البروافيل دا ممكن يكون عامل كيف لكن ما بطريقتك دي...بفهمي انا.ودا مجرد رأي لكن انت مركز في حاجات تانية خالص.


البكتب بيه دا مجرد اسم مستعار ..لا اعتقد انه فكرة التداخل مع الناس اصلا محتاجة مذكر ومؤنث لانها ما كلية مساحة ولا جامع ولا برلمان ممكن يكون فيه مشاركة نسبية...عموما انا مُذّكر..وعندي صلعة وتربال بسوق التركتر بحرث الواطة بيديني ديل ومولود جنب البحر في حته مافيها كهرباء وصلعتي وداللمين وشنبي سعف نخيل..

_
غريبة يا بابكر انو تبدا بالشكل المثالي للبروفايلات وتجي تتم الموضوع تحقيق...ابقي طيب

تحقيق شنو؟ سؤالي ليك بأنك مذكر ولّ مؤنث، تحقيق؟ إسم قمر بوبا يحتمل الإثنين وهو أقرب للمؤنث!

القضية الإتناقشت في التلفزيون وانت جبتها كدعم لموقفك؛ الإتسبب فوقها ناس بتكتب بتخفي، ما معقولة عشان نحارب الهكر؛ نقوم بالتخفي زيهم؟
سؤالي ما زال قائما: كيف الكتابة بالإسم الحقيقي ممكن يشكل مخاطرة إلكترونية؟

[GamarBoBa]

ههههههههه..يا كيشو سلامات
الاسم دا اخترته وطريقة كتابته طفولية حبة لانه اخترت اكتب بيه وانا لسة صغير..الزمن داك الانترنت في لابات كمبيوتر جامعتين بس..
يعني ممكن تقول العمر كان بفرض الزمن داك الكتابة بالطريقة دي.
واختياري للاسم جاء محض صدفة...كنت بسمع الاغنية وسجلت بالاسم..وعرفت عن طريقه ناس اكارم..فقلت اواصل بيه كإسم مستعار بنفس الرسمة..ما زوغة من الهكر والله..للاسف سجلت مع النيك نيم دا ايملي الحقيقي ولما اتضربت مواقع لي يوم الليلة بتجيني رسايل ملغومة..اضطريت غيرت ايملي الاصلي.

[GamarBoBa]

بابكر!
خليني انزل معاك ترس تقيل طيب

اولا يا بابكر الاسم صاحب القضية ما كان اسم مستعار...كان زي اسمك دا..اي اسم سوداني ممكن يطلع هسة مضروب..وهسة يا بابكر انا بنفس فهمك دا ممكن أقول ليك البقنعني انك راجل شنو!!ح تقولي لي اسمك!!!..تضرب لي تلفون!!تلاقيني انت ذات نفسك وتعمل لي ساين ان وأوت بنفس اسمك دا قدامي عديل!!تصدق دي كلها مجربة وما بتقنعني انك بابكر ولا اي حاجة !!!وفي حادثة زول خشا باسم زولة اماراتية والامارتية اتصلت بالناس قالت ليهم ايوا دي انا ودا كله طلع فشوش.!!والناس سكتت.زجا الجاني واعترف عديل انه دي زولة مضروبة.
ومنو القال ليك انا متخفي وانت باين ممكن يجيبوك في حال ارتكابك لمخالفة..قانون الانترنت اللمحت ليه انا قبيل ولا حاجة تانية!!
بابكر موضوع الملاحقة القانونية مالم يجي متهم زول يكون جعلي ويقول حرّم ايوا انا دا وتاني بعملها تاني ما بتقدر تحمي الضحية..خاصة لو ختا في باله انو داير يتلولو..

وقول اسمي دا بدل علي انه مؤنث اكتر..يعني طيب انت وكت فاكره كدا السؤال لزومه شنو..هو التحقيق دا الا مع وكيل عريف متحري!!!وعلاقته شنو اساسا بانو الناس تستكمل بياناتها!!

كيف الكتابة بالإسم الحقيقي ممكن يشكل مخاطرة إلكترونية؟

اولا قلت ليك دا جزء من المبررات...زوشرحت كتير لكن خليني تاني اقولها ليك..كتابتك باسمك الحقيقي وايملك الحقيقي في مواقع معرضة للتهكير بسبب في اختراق ايميلك..ايملك الفيه خصوصياتك..رقم حسابك..صورة حبيبتك..تقارير طبية لشخص يهمك ...دا يا بابكر مبرر من كذا مبرر انا ذكرتهم فوق بخلي الزول ما -يحبذ- الكتابة باسمه الحقيقي..وفي النهاية دا رأيي ووضحته..

_
وعن تجربة اكثر 11 سنة البرتكبوا المخالفات ما ناس همس الاصيل ولا زهرة البنفسج ولا عروس الرمال..كل الاسماء الارتكبت مخالفات كانت من نوع الهام حسن مكي وطاهر حسن ميرغني..لانو نية المخالفة موجودة.زالبكتب باسم مستعار بكون عنده حدود كتابة وبكون حريص عليها..يا بكة افرز بين المستعار والمضروب

[أبوبكر عباس]

سلام بوبا
ما قصرت في طولة بالك؛ لكن تقول شنو؟ مخي تخين وتبريراتك لم تقنعني بخصوص مخاطرة الكتابة مدعومة بالمعلومات الحقيقية عن الكاتب

[GamarBoBa]

عادي عادي..انا مقتنع وعن تجربة..ابقي طيب

[كيشو]

المشاركة الأصلية كتبت بواسطة GamarBoBa

ههههههههه..يا كيشو سلامات
الاسم دا اخترته وطريقة كتابته طفولية حبة لانه اخترت اكتب بيه وانا لسة صغير..الزمن داك الانترنت في لابات كمبيوتر جامعتين بس..
يعني ممكن تقول العمر كان بفرض الزمن داك الكتابة بالطريقة دي.
واختياري للاسم جاء محض صدفة...كنت بسمع الاغنية وسجلت بالاسم..وعرفت عن طريقه ناس اكارم..فقلت اواصل بيه كإسم مستعار بنفس الرسمة..ما زوغة من الهكر والله..للاسف سجلت مع النيك نيم دا ايملي الحقيقي ولما اتضربت مواقع لي يوم الليلة بتجيني رسايل ملغومة..اضطريت غيرت ايملي الاصلي.

أكان كدا نعتبر الحكاية عيب خلقي اتولد بيهو اسمك دا، وكدا ببقى التعامل معاهو أسهل
لكن عليك الله استمر في مجادلة بابكر، الزول دا الفراغ ما كويس معاهو

[بدور التركي]

المشاركة الأصلية كتبت بواسطة بابكر عباس

أبدا ما دعوة لزيارة ملفي، فأنا كاتب كبير ومعروف للجميع

هههههههههههههههههه

أما أنا
فإنني أخاف من الشهرة وخطف الأضواء

[GamarBoBa]

كن عليك الله استمر في مجادلة بابكر، الزول دا الفراغ ما كويس معاهو
_
كيشو

يا زول دا جرا بي هوا..كلّما اكتب ليه يقول لي أعد.
زولكم دا انا تاني بس بزوغ منه بس

[أبوبكر عباس]

المشاركة الأصلية كتبت بواسطة بدور التركي

فإنني أخاف من الشهرة وخطف الأضواء

قصدك خطف الأبصار؟

طبعا يا اخوانا، أنا ما معترض على الكتابة "بالنيك نيم" لكل الناس
مثلا: بدور دي، تكتب الدايراهو وبأي إسم
بس هي تكون موجودة

[أبوبكر عباس]

المشاركة الأصلية كتبت بواسطة GamarBoBa

يا زول دا جرا بي هوا..كلّما اكتب ليه يقول لي أعد.
زولكم دا انا تاني بس بزوغ منه بس

إتّا تاني زول في المنتدى دا بعد البروف؛ يهزمني في الغلاط ويخليني أجري

[طارق صديق كانديك]

المشاركة الأصلية كتبت بواسطة بابكر عباس

إتّا تاني زول في المنتدى دا بعد البروف؛ يهزمني في الغلاط ويخليني أجري

يعلم الله إنت جرياتك ما مضمونة، في أي لحظة الهجمة المرتدة في طرف كيبوردك

[GamarBoBa]

يعلم الله إنت جرياتك ما مضمونة، في أي لحظة الهجمة المرتدة في طرف كيبوردك
_
كانديك

يمين موش هجمة مرتدة..كان رمي قنبلة ذرية تاني بزوغ منه...دا جرا هوا ما طبيعي ياخ
وبعدين يجي يقول لبدور انتي تكتبي بأي اسم ويسكنا بالطوب ويفلقنا!!!ويشكك في نوع المولود في شهادة الميلاد!!!
وجايب لي سيرة البروف يوم الجمعة!!الناس بتقرا في سورة الكهف وهو جايب لي سيرة امين!!!

أعلن المقاطعة التامة لبابكر او ابوبكر عباس أو اياً كان اسمه أو نوعه..الزول دا ما فير كلو كلو

[عبدالمنعم الطيب حسن]

بابكر
عشان الاتساق وكدة ،
اقترح ان تكتب اسمك الحقيقي ؛
ابوبكر محمد احمد عباس ،
وعفيناك من
صاحب خالد ابدقن .

[كيشو]

المشاركة الأصلية كتبت بواسطة عبدالمنعم الطيب حسن

بابكر
عشان الاتساق وكدة ،
اقترح ان تكتب اسمك الحقيقي ؛
ابوبكر محمد احمد عباس ،
وعفيناك من
صاحب خالد ابدقن .

حركات بابكر الأخيرة دي انتا ساهمت فيها يا منعم
الزول دا كنت قافلو قفلة شديدة الخلاك تفكو شنو؟

[جيجي]

المشاركة الأصلية كتبت بواسطة GamarBoBa

يا زول دا جرا بي هوا..كلّما اكتب ليه يقول لي أعد.
زولكم دا انا تاني بس بزوغ منه بس

والله ياقمر بوبا من امس انا حانة عليك
وكنت عايزة اقول اجري لكن خفت من بكور دا باقي متحرشة بيه قبل شوية