اقتباس:
المشاركة الأصلية كتبت بواسطة فتحي مسعد حنفي
بقيت أحسد الناس العندهم خيلان وأعمام يتقبلوا فيهم العزاء.
كر علي أنا اللا خال لا عم ولا أم ولا أبو ولا جد ولا حبوبة..بقيت زي الصفقة المعلقة في فرع شجرة راجية هبة ريح عشان يتقال ذهب مع الريح..
وفجأة جاني احساس اننا دخلنا في الجد وبدأ القطع من اللحم الحي..
أها دي يزوغوا منها كيف ياجماعة..
قالوا الجيش المصري اخترع جهاز بيعالج كل الأمراض الناتجة عن فيروسات.طيب أنا ما لاقط أي فيروسات,أها دا أستفيد منو كيف؟ يعني أمشي أعوم في الترعة أكوس لي فيروس سي ولا كيف يعني؟ولا أعمل لي عضوية في جمعية الجنس التالت ويطقني ايدز؟
غايتو فجأة كدا انتابني احساس بأني اتجردت من كل الصفات الانسانية البتصيب البشر وقررت أفرش علي روحي وأتقبل فيني العزاء ويودوني التجاني الماحي وأهو الكحة ولا صمة الخشم..
دي بوادر خرف موش؟؟؟..
|
الدنيا دي ياعمنا فتحي اصلها دار عبور
ماسمعت الشاعر القال:
تعب كلها الحياة فما اعجب الا من راغب في ازدياد؟
لكن برضو الدنيا حلاوتا في تعبا دا!
لانو بضدها تتميز الاشياء
فلولا الظلام لما تبين الناس النور
ولولا المر لما تبين الناس الطعم الحلو
عندي قريبا لي ماشاء الله الاصغر منو كلللهم ودعوا وهو لي يوم الليلة يلبس سفاري ويسمع ام كلثوم ويدندن مع وردي ويحب الجبنة تتعمل ليهو بعد يشتتو البرسيم حوالين الكانون
تجي زايرو في البيت عليك امان الله مننننن شارع العربات تسمع صوتو يقرقر ويقول في النكت
ف يا حبيبنا انتا زول عهدناك البسمة لاتغادر محياك ...
فلا تدع للحزن ( فرقة ) عشان ما تبقا تكشيرة
واعرف انو حبايبك كتاااار ياملك
الواد اطنان