20-03-2024, 10:09 PM
|
#[9]
|
|
:: كــاتب نشــط::
|
حميد :
اقتباس:
لما وِطاك ما خِبر البـوت
برفع قَـدْرَك للملكوت
مـافي القِـدَرَك حتى المـوت
حير قدرك هادي الصوت
حيـر صوتك هـادي الروح
حير روحك عشق الناس الوين ما تَروحك
تأبى تفوت
من يتأمل فيك يتجمل ، من يتجمل بيك يتكمَّل
إنو الحق مبسوط ، مبسوط
يا الخليت الزمن الأطرق زمن الموت مظبوط ، مظبوط
|
اقتباس:
الكان بيبشر بالفال
و البسمة عيون الأطفال
للكان بيوزع في العتمة للضو علي كل الحَلّال
الكان بيفرّق في الزحمة عن كيف تتلمى العمال
في الكتمة يرطِب بي كلمة عرق المسهوك الشغال
طوالي يصبِر في العالم
مو الصبر الفاوة الهقال ، الصبر المِنو البني آدم
يعدل للزالف في الحال
|
اقتباس:
و رغم بهاظة و عظمة فقدك
إلا إنو الحياة ما وقفت
إلا إنو في ناس بيغنوا
عشان تخضر الأرض النِشفت
ناس من بعدك ، بعضها بعضك .. أرضها أرضك
وناس لاعرفت ليك لا سمعت بيك و تَكنّو
غُناك الليهُن ماشي عليهُن تِنلافاهو الريح و تَفِنو
وراء الأحلام الجفت ورجفت
رجفت و خفت ، خفت و طارت .. طارت و رفت
روحك فوق الغنية إتدفت بي بشكير الصبر إتلفت
وإنشتت كواني كواني
قلنا الله بيخون الخاين
لملمناك والعين بتعاين مد النيل الوافي ضراعو
سويناك باجور و جناين شيدنابك دور و مداين
حندكنابك حِز الريح ، حركنابك شوقنا الكامن
أو قلنابك ظَل مُطامِن
إنو ح يشرق فجر العالم بي بني آدم طيب و آمِن
ونفضِل نطلِق نار الغنية تالا الذِمم الخاتي نِظامِن
تنسف وتجرف دبش الدنيا وغش الفجر الكاذب لامن تبرق ويمرق شخب الباكر
و تضوي سماك يا يومه التامن
|
اقتباس:
عليك الكلام الجديد الحديد
عليك النشيد يا شهيد الغُنـا
تموت أو تفوت ، الشفوت العناء
يظل الوطن سَـيّد الأمكنة ريس الأزمنة
و أروح ياتْ بُكان ألآقيك معمِّر
مقيل أمهاتنا ، أماسي أبهاتنا ونهار البُطان
يصنوا الجِنات ، يغنوا البنات
بذات المعاشِم يحـاكوا الكَمـان
تصدق لقيتك في شافع في خلوة
صباحاتو حلوة
مدنقر في لوحو ، ينقِّر ، مدندن بصوتو الملان
غناك المسخن يبرد جروحو ويدفي الكيان
وكت تمرق آهة تصنقع تراها ، يصنقع تراها
يشوف الدخان
تجمع سحابة تكوس في الغلابة وتُرابه الزمان
لقيتك في قهوة و دهـ شي عادي كان
بس الماهو عادي ، خَلو يا بلادي
صحاري وبوادي
جروحو الحجارة التقرب تحارب قبل ما تعادي
دخلة المغارب تبردِب .. تَقارِب كَهارب ، كهارب
ترازي وتزازي
صواقع ترجف بروقاً الروادي
رواديك معادي غُنا الإعتيادي
شريطك حدودي وحجارتك وِسادي
مسجل صُحاك المنام الزِيـادي
بس الماهو عادي دهـ من وادي حلفا
و دهـ من كاجو كاجي و دهـ من ريرا غادي
و دهـ من كردفان
و دهـ من كل حِته عقاباتو شتى
جميعهم يغنوا ، يغنوا و يحنوا
يصِنوا و يحِنوا لذات الكيان بذات الكيان
|
اقتباس:
وتظل نبع المياه و الضو
قمحنا ، كِسانا ، عافي ، سَكن
وين ما نسكتك نسمع عصيفير الحكاوي رطن
متين ما نفقدك نلقاك تحانِن بالغناوي وطن
|
اقتباس:
باغتنا ريح الفجعة ليل
صادنا الذِهول ، زي التَكنّو قَبُل ده ما فارقنا زول بعد الرسول
ولا التقول أول قلوب في الدنيا يغشاها القدر
بعدِن تضيع منو الدروب
تنطمبج الساحات حريق يدغي الطريق المحتمل
كل الفريق سوقر وراك يا جرحنا الكيف يندمِل
|
اقتباس:
مبعُوتالك عشرة جنيه ،
والأشـواق من هِنا لا عِندك
|
|
|
|
|
