اقتباس:
المشاركة الأصلية كتبت بواسطة عادل عسوم
صباح الخير يا احمدابوزيد وحباب العودة ياخ
بيني وبينك اسقاط النظام دا عاوز ليهو شباب زيكم كدا مش ناس الغضروف الزينا والسكري الزي ناس عمك حضيري والضغط الزي ناس عمك قرقاش...
النظام دا يااحمد ياقريبي طالما لسة بمتلك وشغال بي روح المبادرة وانتو ورا ناس (حاج فاروق ابوعيسي) ماعندكم غير ردة الفعل يانا الشايفنوا ممدد رجلينو وفارش بصلو في سوق الملجة نص النهار...
اما الاقتراحات...
فكدي اقتراحي خليهو -انا بصير عليهو- وشوف ليك اقتراح انت لي الناس الضبحوا سمايتم ولسة مالاقين ليهم اسم ( جديد) ديل... 
لكن مافي مانع اديك الاقتراح او قول (الاجتهاد) دا:
طالما مالاقين ليهم اسم كدي اتوكلو وشوفو اسم الحزب الجبتو لبنا اتا او الجابو احمد باسط داك فلو الحزب سلك ورفع راسو ووقف علي كرعينو والنس اتخموا فيهم فالناس الفي (الباص) شوية شوية كلو واحد يشيل هاندباقيو ويجيكم لغاية مايفضل السواق في الاخر وداك اكيد خنلقا ليهو اقتراح او اجتهاد تاني مناسب...
مش كدا احسن ياابواحميد |
صباح الخير يا عجوز - علي حد تعبيرك -
اما عن ناس عمنا حضيري وقرقاش ربنا يمتعهم بالصحة والعافية ، لسه بي خيرهم ، وقادرين يقولوا " لا " الإنت ما قدرت تقولا بعامل السنين !
اما العزيز احمد باسط فله كل الإحترام . والتنظيم اسلوب ديمقراطي راقي ، وتختلف الآراء والأفكار والهدف واحد.
اما عن الإسم ، فدعك منه ، ما رأيك في التاريخ ؟ وكان علينا نحن اسمنا سرقوه الحرامية زمااان ، ما هم الناس ديل ما حرامية قروش بس ، ديل مرضى بالسرقه حتى عندما يرتبط الموضوع بسرقة اسم حزب كحزب المؤتمر الوطني الذي تم تأسيسه في 1996م والآن الحزب مكتمل الأركان. وستُطرح الأفكار وصاحب العقل يميز.
هذا بغض النظر عن الاسلوب في المداخله اعلاه !
