فيك وفيك من أحلى الصفات أصناف
وعليك أرواحنا ما ملّت مساع وطواف
حكمة ربك المليانة بالألطاف
لولا رضاهو ما بلحق أخش إسعاف
كلام الوردة للنسمة ال مع البيّاح
رقيق همسك
وكت تشتاقلي كل صباح
اذا ما كنت ضو الليل ونور عينيك كما المصباح
وطال ما انت ضل البيت
وكت أغشاك كيف ما أرتاح?
بريدك لو تكون لمسة
كما عيسى وكت يشفي ويداوي جراح
وأما رؤاك: قميص يوسف
لأني معاك بشوف كل البيحصل صاح.
يا طيارة مالك شايلة زولي جنيف
بعن نمّ ووزن دوبيت غناهو الكيف
الزول الهجع من دارو يسعد كيف?
النيل لو رحل يبكي وينوح القيف
عاد لو طلعت ما قاعد في جنيف كلمني نغير القافية
