إستقالة الأخ معتصم الطاهر من إدارة سودانيات (ألف شكر معتصم)

[خالد الحاج]

بطلب مني قدم علي إثره الأخ الباش مهندس معتصم الطاهر إستقالته من عضوية إدارة منتديات سودانيات.
سيكتفي الأخ معتصم بدوره المقدر جدا في هيئة تحرير مجلة سودانيات

أخي معتصم
لك شكري الجزيل يا صديقي فقد كنت نعم الزميل والله.

ملحوظة:

كان معتصم قد إنخرط في الإشراف علي سودانيات بطلب مني
لذلك كان اختياره تقديم استقالته لي.

والسلام

خالد الحاج

[عبدالله الشقليني]

[align=center]الأحباء ود الطاهر وخالد [/align]

أحب الإنخراط والخَرطي .
النَكَلِمكُن كلام العراريك الميدي والسراويل نُص رُباط :

زمان كُنا أنا ومعانا الفني محمد البشير . راجل صاحب قفشات ، أهلو من جزيرة مُقراتْ .
كُنا بنتكَلَّم في الناس البيجو يطلبوا منو عمل خرطة لبيت
( خلفي خلاف ) بأساس ( نبطشي ) لزوم سلفية البُنا .

قام محمد البشير قال لينا :

ـ أنا عِندي قريبي جاني الصباح قبل الشُغُل ومعاهو كُرُكِي ، وقال لي :
يا محمد البشير إنتَ زول أخوي ما بتقصر ، وبُكرة آخر يوم لسلفية البُنا ، عشان كِدة دايركْ تَخَرِط لي خرطة ( مَصَدَّقة ) ،
وبجيكْ العَصُر أستلِما مِنَكْ .
أها مِنو البجي يخرِط معاكم في الإدارة

[خالد الحاج]

المشاركة الأصلية كتبت بواسطة عبدالله الشقليني

[align=center]الأحباء ود الطاهر وخالد [/align]

أحب الإنخراط والخَرطي .
النَكَلِمكُن كلام العراريك الميدي والسراويل نُص رُباط :

زمان كُنا أنا ومعانا الفني محمد البشير . راجل صاحب قفشات ، أهلو من جزيرة مُقراتْ .
كُنا بنتكَلَّم في الناس البيجو يطلبوا منو عمل خرطة لبيت
( خلفي خلاف ) بأساس ( نبطشي ) لزوم سلفية البُنا .

قام محمد البشير قال لينا :

ـ أنا عِندي قريبي جاني الصباح قبل الشُغُل ومعاهو كُرُكِي ، وقال لي :
يا محمد البشير إنتَ زول أخوي ما بتقصر ، وبُكرة آخر يوم لسلفية البُنا ، عشان كِدة دايركْ تَخَرِط لي خرطة ( مَصَدَّقة ) ،
وبجيكْ العَصُر أستلِما مِنَكْ .
أها مِنو البجي يخرِط معاكم في الإدارة

مساء الخير يا شقليني
بيني وبينك كلمة إنخرط شينة وأنا ما عارف جاتني من وين وكمان للأمانة ما عارفها صحيحة ولا غير صحيحة أنتم أهل "الكار" فافتينا يا صاحبي.
علي العموم الكلمة علي قبحها والشكك في صحتها تشبه الموضوع والله
والشكية لله.

سلام يا صاحبي

[عالم عباس]

المشاركة الأصلية كتبت بواسطة خالد الحاج

بطلب مني قدم علي إثره الأخ الباش مهندس معتصم الطاهر إستقالته من عضوية إدارة منتديات سودانيات.
سيكتفي الأخ معتصم بدوره المقدر جدا في هيئة تحرير مجلة سودانيات
[[mark=FFFF00]
(يالباشمهندس المعتصم:

نفرُّ من قدر الله إلى قدر الله[/mark])!

أخي معتصم
لك شكري الجزيل يا صديقي فقد كنت نعم الزميل والله.
[mark=FFFF00]طبعاً، ودي عايزة كلام! (هات يا زميل!)[/[/mark]color]
ملحوظة:

كان معتصم قد إنخرط في الإشراف علي سودانيات بطلب مني
لذلك كان اختياره تقديم استقالته لي.
[mark=FFFF00]خالد العزيز جداً الحاج
كلمة انخرط هذه متداولة كثيراً في اللغة المعاصرة، وتماماً بالمعنى الذي أوردته، ولو أنه يخالف المعنى القاموسي، إذ إن من معاني انخرط(وهو المقصود في هذا السياق، وكما جاء في لسان العرب)انخرط الرجل في الأمر وتخرّط: ركب فيه رأسه من غير علمٍ ولا معرفة!!
(شُفت كيف يا معتصم صاحبك، أها ياكا الانخرطت!) ما تنسى لغة الملوص يا... مخروط/ت[/mark]!)
والسلام
والسلام (التاني ده مني أنا)!
خالد الحاج

وبعدين يا خالد
عجبني كلا م ا لحبيب بيكاسو
هذه لغة أخرى له يجلوها إقالتك التعسفية للباشمهندس
إنت مش مشهور بأنك ديكتاتور (غصباً عنك)!
دا الحين أرجع لينا وبطّل الاكتئاب
راجيتنك، ولا نجيب ليك الأجاويد
(وناس كي مون ذاتهم والقوات الهجينة العجينة اللجينة)!
قلت إيه؟

[أبوذر بابكر]

مشكورين كلكم يا الحلوين وما مشحودين

أجمل حاجة فى الموضوع كله
إنه سودانيات تكون تحت إدارة الأعضاء

طبعا ده فهم سمح وعالى جدا جدا

وى ريللى دو ابريشيت إت

إنت يا خالد الأيام دى شايفك زهجان وقافلة معاك

كلنا كده يا صاحبى

الواحد ورقه كعب وعلى العليهو كمان داخل زون تقيل

الشوايقه ديل زهجهم ما بتلحق، والواحد لو قفلت معاهو تانى إلا يفتحها محمد الفاتح ولا صلاح الدين الأيوبى


مره صاحبنا الشايقى الحلو د. فريد حسن عبد المجيد، وهو من ناس تنقاسى، حكى لى نكته بهجة جدا عن الشايقية، قال لى

واحدة عرسوها، وبعد العرس بى كم يوم كده كانت قاعدة مع صاحباتها وطبعا عاملة ليهن فيها خلاص يا دنيا ما فيك إلا أنا، والبنيات طولن القعدة والعروس زهجت منهن واتضايقت جدا وبقت صاره وشها
واحدة من الصاحبات الموضوع ده ما ظبط معاها وقررت تعكنن ليك العروس بى أى شى، وقالت ليها، يعنى عاملة بتشاغل فيها

والله عريسك زينة تب لكين كرعيهو ملولوات

قامت العروس قالت ليها

ما يبقن كرعيهو ملولوات ملولوات

أنا بدور اسطربو

معليش طولت عليكم يا حجاج

[واحة]

للجميع مودتى

شى غريب ممكن افهم ايه دا ، كنت اكتب مداخلة بموضوع ارجاع خالد الحاج لحساب

العزيز ة قوت القلوب لاجد الموضع حذف ومداخلتى لم تصل ، وبعد لحظات اجد

موضوع من حنينية لارجاع حساب قوت القلوب .

هربت من موضوع الاخت بنت النيل الذى اعاد لى صورة احداث ما احببتها

وخاصة بعد طول غياب وحين اطلق الله قلمى ، ...

فبالله عليكم أفهمونى ما الذى يحدث ...الم يكن بكل زخم سودانيات من مفكرين

وعقلاء ومحبين يمكنهم ايجاد نظم محددة لتسير بمركب هذه الادارة وتلزمها

بالقوانين والواجبات و... و.... ؟!!!!!!!

ولا اقصد شخصاً بعينه بقدر ما اقصد الهيكل الادارى المتهالك وتوضيح

الحدود والمواثيق ...هنالك خلل فى عرض المشكلة وتسميتها حتى .

لطفاً ليس الان ...وليس مرة اخرررررررى .

نحن لا نشبه احد فلا نكن بمشكلنا نشبه الجميع .


تسلموا ...

واحة

[خالد الحاج]

العزيزة واحة
اعتذر ليك بشدة
طلبت مني الاخت قوت القلوب حذف البوست لان الموضوع يخصها في الاساس
قمت بتلبية طلبها.
أعتذر مجددا لأي إزاعج سببته وأعتذر للاخ طارق لان له مداخلة في الموضوع

خالد الحاج

[عبدالله الشقليني]

المشاركة الأصلية كتبت بواسطة خالد الحاج

مساء الخير يا شقليني
بيني وبينك كلمة إنخرط شينة وأنا ما عارف جاتني من وين وكمان للأمانة ما عارفها صحيحة ولا غير صحيحة أنتم أهل "الكار" فافتينا يا صاحبي.
علي العموم الكلمة علي قبحها والشكك في صحتها تشبه الموضوع والله
والشكية لله.

سلام يا صاحبي

[align=center]الحبيب خالد الحاج [/align]

ما قصدنا إلا مداعبتك ..
( يا مداعب الغصن الرطيب في دلالك ....)
لا تبتئس عزيزي ، فكلما كتبنا يفهمُ الأحباء أننا جادون وعلى أوجهنا الصرامة والدقة .
ببساطة قرأت ، وتذكرت حادثة حقيقية سردتها ، وهي وردت ضمن تخاطر مع انخرط .

نعُد للمعاني كي نعبر من الفكاهة لما هو مفيد :
يقول المعجم الوجيز الذي أعده مجمع اللغة العربية بالقاهرة :

خَرَطت الدابة ـ خِراطاً : جمحت وجذبت رَسَنها من يد مُمسكها ثم مضتْ
فلانٌ في حديثه خَرْطاً : كذب
اخترط في البكاء : لجَّ فيه واشتد
انخرط جسمه : نَحُفْ
انخرط الفرس وغيره في العدو : أسرع
( وهو ما عنيته وهو صحيح لغة )
الخِراطة : حرفة الخراط
الخَرَّاط : الذي يخرط الحديد أو الخشب
الخَريطة : وعاء من جلد ونحوه يُشَدُ على ما فيه
الخريطة ( في اصطلاح الجغرافيين ) : ما يرسم على سطح الكرة الأرضية أو جزء منه
المخراط : آلة الخراطة

تقبل محبتي .. ومداعبتي

[haneena]

المشاركة الأصلية كتبت بواسطة واحة

فبالله عليكم أفهمونى ما الذى يحدث ...الم يكن بكل زخم سودانيات من مفكرين

وعقلاء ومحبين يمكنهم ايجاد نظم محددة لتسير بمركب هذه الادارة وتلزمها

بالقوانين والواجبات و... و.... ؟!!!!!!!

ولا اقصد شخصاً بعينه بقدر ما اقصد الهيكل الادارى المتهالك وتوضيح

الحدود والمواثيق ...هنالك خلل فى عرض المشكلة وتسميتها حتى .

لطفاً ليس الان ...وليس مرة اخرررررررى .

نحن لا نشبه احد فلا نكن بمشكلنا نشبه الجميع .


تسلموا ...

واحة

عزيزتي واحة
مرحبآ بك بعد طول غياب

تحياتي و عذرآ إن إنطلق الرصاص من كل جانب
و شخصيآ أعتذر بشدة عمَّا حدث
و تحدثت مع قوت القلوب و راسلتها

أقدر رأيك يا واحة في الإدارة
لكن أسألك سؤالآ يا أختي
ما هو دور العضوية في الإرتقاء بسودانيات عمومآ؟؟؟
هل لسودانيات حق على أعضائها
كما هناك واجبات على إدارتها؟

بعض العضوية هنا ...من السودان يقيمون ورشة عمل لتقييم سودانيات
يوم 25 يونيو..أي بعد إسبوع فقط من اليوم
و تم إرسال إستبيان لكل الأعضاء و الذين يفوقون ال900 عضوآ
عن طريق mass mail من الأدمن
منذ أكثر من 10 أيام

تعرفي كم عدد الردود التي وصلت حتى الآن؟؟
لا تزيد عن ال15 ردآ حسب علمي

و لم يتم الإكتفاء بالإيميلات فقط

بل هناك بوست بإسم إعلان هام هنا...
http://sudaniyat.net/vb/showthread.php?t=5852

و بعدها بوست آخر أيضآ هنا...
http://sudaniyat.net/vb/showthread.php?t=5873

طيب..
نحن لسنا ملائكة
لذا نخطئ و نصيب
نتعثر في خطواتنا ككل البشر....

من يقوِّم عثراتنا و يعمل تقييمآ لما قدمناه؟
auditing

طبعآ العضوية التي عشمنا أن تقيِّم العمل بعد 3 أعوام كاملة
و الإستبيان لا يأخذ أكثر من عشرة دقائق و قليل من المجهود و الصدق في الرأي

سهل جدآ يا أختي الكلام
و صعب جدآ التنفيذ
و إسألي مجرب

الإستبيان موجود في البوستين في شكل word document

يمكنك تنزيله... إجابته و إرساله للإيميل adminsudaniyat@gmail.com
(إن لم تكوني قد فعلتِ ذلك أصلآ)

و هكذا نضئ شمعة بدلآ عن أن نلعَن الظلام

مع محبتي الصادقة

[أمير الأمين]

المشاركة الأصلية كتبت بواسطة haneena

عزيزتي واحة
مرحبآ بك بعد طول غياب

تحياتي و عذرآ إن إنطلق الرصاص من كل جانب
و شخصيآ أعتذر بشدة عمَّا حدث
و تحدثت مع قوت القلوب و راسلتها

أقدر رأيك يا واحة في الإدارة
لكن أسألك سؤالآ يا أختي
ما هو دور العضوية في الإرتقاء بسودانيات عمومآ؟؟؟
هل لسودانيات حق على أعضائها
كما هناك واجبات على إدارتها؟

بعض العضوية هنا ...من السودان يقيمون ورشة عمل لتقييم سودانيات
يوم 25 يونيو..أي بعد إسبوع فقط من اليوم
و تم إرسال إستبيان لكل الأعضاء و الذين يفوقون ال900 عضوآ
عن طريق mass mail من الأدمن
منذ أكثر من 10 أيام

تعرفي كم عدد الردود التي وصلت حتى الآن؟؟
لا تزيد عن ال15 ردآ حسب علمي

و لم يتم الإكتفاء بالإيميلات فقط

بل هناك بوست بإسم إعلان هام هنا...
http://sudaniyat.net/vb/showthread.php?t=5852

و بعدها بوست آخر أيضآ هنا...
http://sudaniyat.net/vb/showthread.php?t=5873

طيب..
نحن لسنا ملائكة
لذا نخطئ و نصيب
نتعثر في خطواتنا ككل البشر....

من يقوِّم عثراتنا و يعمل تقييمآ لما قدمناه؟
auditing

طبعآ العضوية التي عشمنا أن تقيِّم العمل بعد 3 أعوام كاملة
و الإستبيان لا يأخذ أكثر من عشرة دقائق و قليل من المجهود و الصدق في الرأي

سهل جدآ يا أختي الكلام
و صعب جدآ التنفيذ
و إسألي مجرب

الإستبيان موجود في البوستين في شكل word document

يمكنك تنزيله... إجابته و إرساله للإيميل adminsudaniyat@gmail.com
(إن لم تكوني قد فعلتِ ذلك أصلآ)

و هكذا نضئ شمعة بدلآ عن أن نلعَن الظلام

مع محبتي الصادقة

هل تم التاكد من ارسال الرسائل الى جميع الاعضاء ؟؟؟

انا لم تصلنى رسالة ...و لاننى جديد هنا ..اعتقدت ان راىء الاعضاء

الجدد لا ..يهتم به ...؟؟

[haneena]

المشاركة الأصلية كتبت بواسطة أمير الأمين

هل تم التاكد من ارسال الرسائل الى جميع الاعضاء ؟؟؟

انا لم تصلنى رسالة ...و لاننى جديد هنا ..اعتقدت ان راىء الاعضاء

الجدد لا ..يهتم به ...؟؟

الأخ الكريم أمير الأمين
تحية طيبة

تم إرسال الرسائل من داخل السيستيم بواسطة خالد الحاج للجميع
و قد وصلت رسالتي و هذه يمكن عملها بضغط زر واحد فقط

رجاءآ مراجعة إيميلك في الجنك
و ستجد في البوستات أعلاه أيضآ مرفقت و أتاتشمنت للإستبيان
رجاءآ إرسالها سريعآ قبل يوم 25 الجاري
و لك الشكر مقدمآ على الإهتمام

[ندى]

غدا الاثنين 25/6/2007م ورشة عمل تقييم تجربة سودانيات لمزيد من التفاصيل نرجو الاطلاع على الرابط وشكراً http://sudaniyat.net/vb/showthread.php?t=6006