البغيب ما بتسألو عنو طيب حاستبيح المنتدي
تحياتي لسيد الدار وللحبيب ود عقود والحبيب معتصم الطاهر
غيبة اخونا خالد بكون عارف السبب
طبعا الراعي ليهو مكان ما بلقى الوكت الي يتلب ليهو في حوش تاني
وبعدين صحي عندي موضوع كنت ناقشتو مع شقيقي الاكبر
سعادة صالح فرح نظرتو تختلف عن نظرتي
ارى أن في الغناء السوداني اباحية مفرطه ومع ذلك رجال ونساء يتررنموا بيها
والبنات كمان برقصن وشيالات كورس
والموضوع أنا اثرتو عندنا بهناك لكن في ناس خبرة بي هنا
يفيدونا بالذي منو انحنا ناس ما بنعرف زي ده
طيب بالله يا ود عكود ويا معتصم شوف الفرادي ده
وبدون أي حياء ده زمن الناس مغمضة قال شنو
داير أشوفو غافل داير أشوفو جازع
محنن ، دون قنلة وحدو وتوبو واقع
يلتجي بي مرافقو وأطراف المضاجع
يتلب فوق شفاهو لؤلؤة المدامع
يردد لي نغيما تشتاقلو المسامع
ولاحظ قال اصلها داير اشوفو بدون قـُنلا ناس الاذاعة
عشان يمررو ليهو النص قالوا ليهو دي واضحه يا شيخ شيل البا وخليها دون
والله لكن ما بيعرفو يقلبو الهوبا
اما حبيبنا ده اظنو كان في السواقي قال شنو
جداول الموية كابة
ونسايم العذر هابة
وكل زول مشغول بزولو
عيون لعيون محاربة
شفاه لشفاه مقاربة
وانحنا نلوم في البرتقانا العراقية
السودانية غناهم من الرقبة وللركبة والله واحد فينا يكتب نثر ما بين القوسين
قيامتكم تقوم فينا وتسوي بق
احمد المصطفى قال شنو
احبو احب نوناتو
نوناتو الفي وجناتو
احبو واحب تقديرو
احب رمان صديرو
اموت ما بعشق غيرو
وبالمناسبة النونات دي ما كانت في الوجنات بس ناس لجنة النصوص خففوها
احتراما للعميد لكن خلو ليهو الرمان بس
ارجو من الاخوات بالمنبر ان يستميحوني عذرا هذا هو الفن السوداني
ولي عودة
السيد أمين المنبر يا أيها الذي يؤمن بحرية التعبير ارجو أن لا تهرني
والله ماجيب ليك من شـِعري شئ
بس من التراث والإرث السوداني اتفقنا
لحدة ما ارجع ليكم هاكم التحلية دي
الصدير اعطافك فترا
النهيد باع فينا و اشترى
الشعر اقدامك سترا
رقيصبو قلوبنا البعترا
|
