استعراضات النفاق ... بين الفاسدين والسراق

[الزوول]

المشاركة الأصلية كتبت بواسطة طارق صديق كانديك

ياخي ده عنوان مجهبز جهبزه ما حكت

...
يا كانديك يا خوي
كمية المؤتمرات العملوها الجماعة ديل من أيام شنو داك المؤتمر الاقتصادي الجامع ولغاية هسع
لو فكوها ... ورصوها وراء بعضها
توصلنا لغاية نيويورك
...
على فكرة
معظم استديوهات التصوير الفي الخرطوم
بقت تضيف لمهاراتها العبارة دي:
متخصصون في تصوير المؤتمرات

...

[البديري]

سلامات يالزوول الجميل ٠٠
متابع بكل انتباه ، ولى عودة ان شاءالله ٠


كن بخير

[الزوول]

المشاركة الأصلية كتبت بواسطة البديري

سلامات يالزوول الجميل 00
متابع بكل انتباه ، ولى عودة ان شاءالله 0


كن بخير

...
حباب البديري
طبعاً
وحسب حليفتك في بوست الحليفة داك
تكون متجدع في الخرطوم
اها..
بالصدفة ..عرفت انو
وكواحدة من الإحتفالات بتحرير هجليج
الوالي أعلن جميع البصات ملح ساكت
وقالو في مفاجآت تانية كتيرة
فوصية .بالله يا البديري .
لو وزعو قطع واطة بمناسبة هجليج دي
ما تنسى تشوف لينا واحدي معاك
....

...

[البديري]

الزوول زولنا
سلامات واحترامات

نعم ...
احتلال هجليج يعتبر بدون شك خطأ جسيم من الحركة الشعبية
تسببت فيه بغباء مفرط
وكانت نتائجه مكسباً لحكومة المؤتمر الوطني بكل المقاييس
من حيث أرادت الإساءة إليه
لم تترك خياراً للمواطن السوداني البسيط الذي يكتوي بحكم المؤتمر وطني خياراً إلا الوقوف بجانب حكومة المؤتمر الوطني

*كلامك هنا ياغالى هبش وتر حساس فى جميع الاتجاهات، وبذات لقوة الكتلة المعارضة للمؤتمرالوطنى ،قبل المواطن ٠٠ احييك بجد ٠

هذه الرمية الطويلة كان لا بد منها لمن يريد رمينا بالكوزنة أو من يتهمنا بالعمالة والتخازل عن نصرة الجيش السوداني
ولكننا وبالرغم من كل وقوفنا مع الجيش السوداني فهذا الذي يفعله التلفزيون السوداني وإعلام المؤتمر الوطني يصيبني بالقرف والملل.
بل يدعوني لتحسس أذني لكي أتأكد أنني لم اتحول إلى حمار بعد.
نرفض نحن أن نُستحمر

حشاك الله من ألأستحمار٠٠ ولكن هذة كبد الحقيقة٠٠ لمن لا يبصر

جيش صغير بكل المقاييس لا يكاد يساوي شيئاً يقوم باحتلال مدينة
هذا الجيش السوداني العرمرم الذي يضم مئات الألوف وعشرات اللواءات والمدجج بالأسلحة والعتاد (وهو بكل فخر يدعي أن كل السلاح الذي حرر ليبيا كان ياتي منه)

للأسف ٠٠ ياحبيب
دى حقيقة ،واستدل بذلك ; ( سقوط شمال جمهورية مالى فى يد ( الطوارق ) المدججة بالسلاح الليبى السايب من غير رغيب ولا حسيب ) !

فلم لم يقم بعمله ؟
ولماذا يحتاج إلى كل هذه النفرة وهذا الدعم وهذا التجييش للطلاب والموظفين والمزارعين؟

سؤال صعب الاجابة علية ، فحين انه سؤال مؤرق من عشرات السنين٠

لى عودة آخرى ان شاءالله ٠٠ معك تحلو سودانيات والحوار الهادف ياذوق
كن بألف خير٠

[ود الخير]

[QUOTE=الزوول;454588][COLOR="Green"][SIZE="5"]...
وعليكم السلام آ عادل عسوم
لسنا مختلفين كثيراً
لا مانع أن نغضب غضبتنا المضرية هذه
ولا مانع لو أدبنا دولة جنوب السودان دي أدب يعرفو بعدها الله واحد
عشان ما يكرروها تاني
ماني مختلف معاك
وده أبداً ماهو موضوعي

عليك أمان الله يا دكتور لو ما قريت كلامك دا الليلة
وإطمأنيت إنك حا تتحزم معانا كان تلبوا علينا معتدين
من جنوب السودان في قعدتنا دي.. الليله الهم كان كتلني!!

[Nour]

صباح الخير يادكتور , الحكومة انتهجت نهج السادات بعد كامب ديفيد ودجنت الجيش وسعت لتجنيده كجيش حزبي لها لكن اتمني بعد الذي حدث في هجليج ان تستفيد من الدرس وان تتعامل مع الجيش كمؤسسة وطنية انتمائها الاوحد للوطن ولحماية الوطن لكن هل تعي الدرس الله اعلم واشك في ذلك خصوصا اثناء خطابه في الساحة الخضراء المح عمر البشير ان عبدالرحيم محمد حسين باقي كوزير دفاع بالرغم من اخطائه الفادحة .اما بخصوص المستغلين اولهم عبدالرحيم محمد حسين نفسه باذاعته لبيان تحرير هجليج باعتبار انه وزير الدفاع القوي ومحاولة بائسة لعكس الصورة .

[ناصر يوسف]

المؤسسة العسكرية يا الزوول اليوم أضحت شوهاء
أو هكذا تخيل لي وأنا أراهم وقد تغولوا علي كل شئ
مساحات الأرض الإستراتيجية داخل العاصمة ،،، تمضي لصالح المؤسسة العسكرية
التجارة ،،، تمضي لأجل المؤسسة العسكرية
تحولت المؤسسة العسكرية إلي جباة للمال بكل الطُرق
بدءاً بالجيش مروراً بالشرطة ،، إنتهاءاً بناس حركة المرور والنعمنو كدي ناس شرطة حركة المرور ،،، حركاتهم دي جبااااااااااااااانه ياخ

نعم تحررت هجليج وبالأمس كانت تلودي ،،، لكن ،،،
من يحرر الوطن من السارقين الآكلين السُحت الحرام من ؟؟؟
ومن يُعيد لنا ثقتنا في نفسنا كبني آدميين ؟؟
ومن سيبسط العدل بين الناس في هذا الوطن الجريح ؟؟؟ ومتي وإلي متي ؟؟؟

[الزوول]

[QUOTE=ود الخير;454786]

المشاركة الأصلية كتبت بواسطة الزوول

...
وعليكم السلام آ عادل عسوم
لسنا مختلفين كثيراً
لا مانع أن نغضب غضبتنا المضرية هذه
ولا مانع لو أدبنا دولة جنوب السودان دي أدب يعرفو بعدها الله واحد
عشان ما يكرروها تاني
ماني مختلف معاك
وده أبداً ماهو موضوعي

عليك أمان الله يا دكتور لو ما قريت كلامك دا الليلة
وإطمأنيت إنك حا تتحزم معانا كان تلبوا علينا معتدين
من جنوب السودان في قعدتنا دي.. الليله الهم كان كتلني!!

...
سلامات يا ود الخير
انت يا خوي بتقرأ بى عين وتغمض عين مالك
باقي الكلام مالك ما نضمت فيهو؟؟
...

المشاركة الأصلية كتبت بواسطة الزوول

...
وعليكم السلام آ عادل عسوم
لسنا مختلفين كثيراً
لا مانع أن نغضب غضبتنا المضرية هذه
ولا مانع لو أدبنا دولة جنوب السودان دي أدب يعرفو بعدها الله واحد
عشان ما يكرروها تاني
ماني مختلف معاك
وده أبداً ماهو موضوعي
موضوعي النفاق والاستعراض والتبذير وحلب ما تبقى في جيوب الناس (الكادا الجوع اللاحسا الكوع ) في استنفارات محزنة
لو كان جيشنا يحتاج لكل هذه الهيصة لاسترجاع بلدة صغيرة احتلت بواسطة قوات تعتبر بكل المقاييس (صغيرة جداً) ، فمعناهو انو جيش قاعد في السهلة ساكت
وماهو عمل الجيش إذن؟
الأستيلاء على قوت الشعب من سكر ودقيق وزيت وتوزيعها عليهم شهرياً ؟؟؟
وتشييد المجمعات السكنية كأبراج النصر وغيرها ؟؟؟
والذهاب في دورات عسكرية لا نهاية لها في ماليزيا والأسكندرية والصين ؟؟؟

وبعدين
حكاية تعطيل حياة الناس والتفرغ للحفلات الخطابية واصطحاب الكاميرات لتصوير المسئولين ومن يبحثون عن الجاه والسلطان حدو وين؟
عشنا 10 أيام نستمع للخطب الحماسية من اللي يسوى واللي ما يسواش
وتنقل لنا الكاميرات مئات الألوف من المجاهدين وهم يذهبون لل...الخ الخ
وبكاسي الدعم حاملة الأعلام في سيول لا تنقطع ...الخ
والآن
وبعد أن حررت هجليج
آلاف الإحتفالات اللانهائية في كل مكان
وتعطيل دولاب العمل والإنتاج في كل مكان
ومسيرات الدعم التي تأتي من كل مكان
حتى ترسخ احساس لدى المسئولين وأشباه المسئولين
بأن لم يذهب مهنئاً وداعماً ومنافقاً ومصرحاً وهاتفاً
سيكون مغضوباً عليه
وربما يفقد منصبه
فتدافعوا زرافات ووحداناً
يصرحون ويجيشون الجيوش ويتبرعون بأموال الناس
عطاء من لا يملك ... لمن لا يستحق
...
الشكيي لى الله
...