23-06-2012, 07:56 AM
|
#[1]
|
|
:: كــاتب نشــط::
|
يا جقـــادر
يا جقـــادر
أصحوا يا أحفاد طمية (1)
وإنتو يا سرة وسمية
يلا يا أدروب وتيـة
نادو دفع الله وعطية
شمروا الساعد هيا
أضربوا الطغمة البغية
وشان حياتنا تكون هنية
قولوا في نبرات قوية
إرحل إرحل يا أذيـــة
إنت والزمرة الغبية
سوق معاك كل الحثالة
وإنقلع شوف ليك تكية
الحكم ما بندقيـــة
لا ذئاب لا بلطجيــة
البلد ضارباه مجاعة
وعشاك كافيار وشية
بس فلاحتك إنت ترقص
ونحن فاقدين الشهية
ما أظن عيشتنا تبقى ..
في وجود مثلك رخية
زح كده وخفف علينا
الخربتو ما شوية
الله يأخدك يا جقادر (2) ...
يالهبالتك مية مية
(1) طمية .... من أسماء النساء في النوبة
(2) جقادر تعني الإنسان المايع باللغة النوبية
مع تحيات جوعان بن عطشان بن مرضان
من قبيلة بني غضبان
العنوان : السودان / زنقة بني قرفان
منقــــــــــــــــــــــــــــــــــول ..
|
|
|
|
|
