حبا وحقا وجمال ... للجميع

[أبوبكر عباس]

المشاركة الأصلية كتبت بواسطة AMAL

ياسيدي كل القصة انا دافعت عن فكرة انك تدعوا اصحابك فيسبوكيا او غيرو للتصويت وقلت مافيها اي خطأ بالعكس بتدعم التجربة وتعضددا

يقال يا أمال،
لما قتل الخليفة عثمان، أخذ بنو امية قميصه وإجتمعوا في بيت أبي سفيان، قال أبوسفيان لهم وكان في ذلك الوقت أعمى: أفي الدار غريب؟
قالوا: كلا
قال: ما جاءكم عضّوا عليه بالنواجذ (يقصد الإستفادة من السانحة)
فكانت العضّة الياها

دحين نحن الحشد ما مابنوا، إلا الخوف من العض!

[AMAL]

المشاركة الأصلية كتبت بواسطة بابكر عباس

دحين نحن الحشد ما مابنوا، إلا الخوف من العض!

تقوم تخاف من جرة الحبل



يارااااجل

[تماضر حمزة]

جراداي في سروال ولابعضي الا قعادو ولا حلو

[كيشو]

المشاركة الأصلية كتبت بواسطة AMAL

بابكر عباس
تقنطر لي واشوت في قون التانين ممكن
اشوت في قوني no way
ياسيدي كل القصة انا دافعت عن فكرة انك تدعوا اصحابك فيسبوكيا او غيرو للتصويت وقلت مافيها اي خطأ بالعكس بتدعم التجربة وتعضدا

ما قلنا ليك من قبل دا
ساند (تجاربك) وساعدا
خليها تقوى و(عضدا) عضدا
تنجح حقيقي ومش كدا

[أسامة معاوية الطيب]

المشاركة الأصلية كتبت بواسطة تماضر حمزة

جراداي في سروال ولابعضي الا قعادو ولا حلو

يا تماضر ياخي الله يرضى عليك ... المشكلة اسع ماها في الجراداي -الله يهداك - المشكلة في السروال زااااتو

[تماضر حمزة]

المشاركة الأصلية كتبت بواسطة أسامة معاوية الطيب

يا تماضر ياخي الله يرضى عليك ... المشكلة اسع ماها في الجراداي -الله يهداك - المشكلة في السروال زااااتو

[ود الخير]

المشاركة الأصلية كتبت بواسطة AMAL

دا مابقدر اناقشك فيه لمن تجيب لستتك وتشاور لي وتطلع لي كم عبدالرحيم صوتوا وهم الرجحوا كفة فلان وعلان



يازول طالب براك انا ماعندي اي مشكلة وفي النهاية المسألة ماافراد والبجيبو التصويت انا راضية بيه




دا رأيي يااسامة ومافي شي بمنعني اقولو وازيدك كمان في ناس هنا خصم علي المكان دا ووجودهم اخير عدموا وشخصيا مابشرفني يختاروا لي ولا بثق في اختيارهم بس بثبت لا قلت يعزلوهم ولا منعتهم حقهم في التصويت اها قارن دا بفكرتك هنا وريني الكعب ياتو انت بتطالب باننا نعزل عضو ومانخليه يصوت بس لانو بفهمك ,,غايب,,
الزول الحمر كلامي دا قال حيصوت للزول البدعم الانقاذ وببرز وشها الجميل وكان داير الكوت بتاع كلامو اجيبوا ليك اها انت ماعندك مشكلة معاهو لانو,, قاعد,, وممكن يختار ليك وانا ماعندي مشكلة معاه لانو الديمقراطية عايزة كدة



مافي انفلات ولا في اي عضوية منفلتة ولا منضبطة بس انت قول بسم الله

يا آمال والله الايام دي إنت محتاجة ليك راحة شوية!
هسى الإنقاذ دي إنت فسرتيها بمزاجك (حكومة الإنقاذ الوطني)

http://sudanyat.org/vb/showthread.ph...022#post500022


غايتو شقي الحال يقع في القيد!

[أسامة معاوية الطيب]

المشاركة الأصلية كتبت بواسطة ود الخير

يا آمال والله الايام دي إنت محتاجة ليك راحة شوية!
هسى الإنقاذ دي إنت فسرتيها بمزاجك (حكومة الإنقاذ الوطني)

http://sudanyat.org/vb/showthread.ph...022#post500022


غايتو شقي الحال يقع في القيد!

ود الخير ازيك ياخي
تعرف إنقاذك دي بي كل القرايات كعبة ... على وجهها السياسي من اقبح ما تكون ... وحتى بلا وجه سياسي الوضع في المنتدى ليس بحاجة لإنقاذ ... بحاجة لنقاش مستفيض ومتجرد وحر !!!

[عبدالمنعم الطيب حسن]

اسامة من الاخر كدة ،
ياخ انت عكليتة بامتياز ،
لماذا هذا الاصرار على حلب التور ،
ليس هنالك احتشاد ، وليس هنالك حزب ولا احزاب في الامر ،
ولا خلايا نايمة ولا قايمة ،
ياخ 150 من 1800
وتقول لي احتشاد واحزاب ومنابر وعارف شنو !
ياخ انت معاط معط ....

[ود الخير]

المشاركة الأصلية كتبت بواسطة أسامة معاوية الطيب

ود الخير ازيك ياخي
تعرف إنقاذك دي بي كل القرايات كعبة ... على وجهها السياسي من اقبح ما تكون ... وحتى بلا وجه سياسي الوضع في المنتدى ليس بحاجة لإنقاذ ... بحاجة لنقاش مستفيض ومتجرد وحر !!!

صدَق يا اسامة دا يكون من الغربة
خلَتنا نشوف حاجات كتيرة ما جميلة!

عندك أنا، شايف وعلى حسب عمائل الغربة
فيني، إنو آمال دي لا تحمل ولا مثقال ذرة من حب للوطن دا!
ود كلو من الغربةالله بعجل بالفرج

سودانيات نفديها بالروح.

[أسامة معاوية الطيب]

المشاركة الأصلية كتبت بواسطة عبدالمنعم الطيب حسن

اسامة من الاخر كدة ،
ياخ انت عكليتة بامتياز ،
لماذا هذا الاصرار على حلب التور ،
ليس هنالك احتشاد ، وليس هنالك حزب ولا احزاب في الامر ،
ولا خلايا نايمة ولا قايمة ،
ياخ 150 من 1800
وتقول لي احتشاد واحزاب ومنابر وعارف شنو !
ياخ انت معاط معط ....

شكرًا جداً عبدالمنعم
وآسفي شديد إذا خربت يومك
والثورة حتى تنتصر تحتاج قليلا او كثيرا من الصبر على المعط ... فقط في الأثناء انتج معادل إيجابي ...

[أسامة معاوية الطيب]

المشاركة الأصلية كتبت بواسطة ود الخير

صدَق يا اسامة دا يكون من الغربة
خلَتنا نشوف حاجات كتيرة ما جميلة!

عندك أنا، شايف وعلى حسب عمائل الغربة
فيني، إنو آمال دي لا تحمل ولا مثقال ذرة من حب للوطن دا!
ود كلو من الغربةالله بعجل بالفرج

سودانيات نفديها بالروح.

لسنا في معرض مزايدات يا ود الخير
آمال زميلة وصديقة ولسنا في حاجة لتذكيرك بمواقفها ... فقط كن داخل النص
ورجاءً يا أخي ابتعد عن الشخصنة
ان كان لك ما تقوله ضمن فكرة البوست ألف مرحباً بك

[طيبان]

على صعيد متّصل ..الحشد ماشرط يكون 1- حزبي ،، ممكن جدّا يكون 2- شُللي ،،صاحبي وصاحبك يعني .
1 و 2 بيأدّوا لنفس النتيجة الممكن بثقة شديدة أسمّيها ( الخج الديمقراطي ) ..

__

مثابرة آمال على إنو مافي مشكلة خالص .. في حد ذاتو مشكلـة ..

[ود الخير]

المشاركة الأصلية كتبت بواسطة أسامة معاوية الطيب

لسنا في معرض مزايدات يا ود الخير
آمال زميلة وصديقة ولسنا في حاجة لتذكيرك بمواقفها ... فقط كن داخل النص
ورجاءً يا أخي ابتعد عن الشخصنة
ان كان لك ما تقوله ضمن فكرة البوست ألف مرحباً بك

والله يا أسامة دا نفس كأس آمال حا تشرب بيه، ومنه حا تروى

أما إذا كان أنا ما قدرت المكان صاح فستجدني أعتذر ليك وعليها قبلة كبيرة على الراس يا أخ اسامة.

[عبدالمنعم الطيب حسن]

المشاركة الأصلية كتبت بواسطة أسامة معاوية الطيب

شكرًا جداً عبدالمنعم
وآسفي شديد إذا خربت يومك
والثورة حتى تنتصر تحتاج قليلا او كثيرا من الصبر على المعط ... فقط في الأثناء انتج معادل إيجابي ...

حلب التور لن ينجز لك حليبا ابدا
معطك هنا لا ثمار بعده ولا قبله ،
وما دخل انتصار الثورة او اخفاقها ، -تكلم لبكرة عن فكرة بوستك ولا تشطح ،
بكلمات عن الانتاج والايجابية ، الى اخر هذا الحنك العاضي
على الفاضي -

بكلامي عن ترديدك لمحض وهم ،
لا يسنده منطلق ولا جحة ،
معط باخدرو ...
.................................................. ...................