اقتباس:
المشاركة الأصلية كتبت بواسطة أسامة معاوية الطيب
كنت قد وعدت بالعودة لموضوع الحق ... والحق !!! أني في البدء بصدد ترشيح شعار للدورة القادمة
صوتولي وراحو نامو في حضن سيد الوداعة ...وآسفي بليغ لحميد ... اتصرفت في بيت من ابدع ابياتو
كما لا يفوتني اقتراح إطلاق اسم " غزوة ذات المسج" ... على مجمل العملية !!!
تفسير ... غزوة للتدليل على النهج الرسالي ... والمسج الرسالة ذاتا ... والصياغة بصورة عامة للتشبيه بأغنية " ذات الشامة للفنان. " التقدمي" المعروف ... وبهذا نكون استوفينا كافة الشروط !!!
الملاحظ والذي لا يخفى على أعمى أو متعامي أن من اختار لنا (نحن القاعدين ديل) هم الغائبون !!! لو أنهم عادوا من غيبتهم ليختاروا ويبقوا فوالله ربحنا ... وإلا فالخسارة المتراكمة آثارها ابعد وأعمق ... والأيام هي الفيصل
وحينها افضل انتخابات يعمر ساحاتها تلاتين زول قريبين من انتخابات يجيئها بليل مية وخمسين وينصرفون غداة بصماتهم !!! وهنا يحضرني احتفاء العزيز عكود بالعدد وأنا والله احتفي معه متى ما كان صحيا ومعافى وحريصا على الاثراء وطرح الافكار ولكني أقول " افلح إن صدق" !!!
واعتقادي أن من أولى الإفرازات سيكون الاستثمار في الباس ووردات ... الباس وورد الأبيض (يعني الما عندو التكتح كمساهمة في حراك المنتدى والموقع) ينفع في اليوم الأسود !!!
واهو عينكم تشوف
وكت قد طالبت بنشر لستة المصوتين في الانتخابات الأولى وأشار علي " معتصم الطاهر" احد أساطين اللائحة هنا انو (في معنى كلامو) إلا احنس الإدارة ... واهو انا بحنس الان على الهواء مباشرة ... يا سيدتي الإدارة ... المنتخبة ... رجاء ... كشف الانتخابات الأولى ... والتانية ... بعد إعلان نتيجتها بالطبع ( لستة الاسماء التي قامت بالتصويت) - منعا للتأويل الخاطيء - حتى نقف على حقائق اجزم أنها ستفيدنا (كأعضاء ومنتدى وتجربة) نفترض - جدلا- أنها رائدة !!!
واوعدكم أن نضع أمام الاسم الذي جاء للتصويت وبقي اللون الأحمر القاني أحقاقا للحق ... والاسم الذي صوت ومضى لحال مواته اللون الأخضر " مع رمز الشجرة لكليهما" أن أرادوا !!!
الواقع الاسفيري - عندي على الأقل - هو انعكاس للواقع على الأرض
وبهذا فان اليمين العريض باجندته التاجرة كلها قد ربح البيع !!!
اليمين العريض من أقصى اليمين إلى أقصى اليسار
وحزين جداً أن نرى بام اعيننا عجلة منتدى أردنا لها جميعا -تجاوزا - أن تكون خيارا نتعلم فيه الديمقراطية وأسس الحوار والتسامي فوق الذاتي من اجل الموضوعي ... توشك على الانفلات ... وتعود باتجاه أفعال وممارسات وتفاهات الجبهة الإسلامية القومية !!! ومن سخرية الأقدار ان يتم كل ذلك بواسطة اشد منتقدي مشروع الأرض ... لينفذوا كافة أجندته هنا في الاسافير وبحرفية يحسدوا عليها
ثم أن الأحزاب المحترمة لها فضاءها الذي يجب أن تشتغل فيه ... وتطرح أفكارها وتكرس لبرامجها عبره ... لا أن تتداعى للاقصاء متى ما توفرت الشروط !!!
انتهت الخاطرة الأولى
والخواطر تترى !!!
|
كنت عارفاك حطنبجا
ولا ادري حقا علاقة اعتذارك الذي هللنا له
وفرحنا فرح اللقي الرايحة
بهذا البلاحمر
الا كلمة الحق في العنوان
ورغم اتفاقنا علي الحب
يبدو ان سنختلف حول الحق هنا
فللحقيقة اكثر من وجه ياعزيزي
يبدو انك تنظر مايليك منها فدعني اريك الذي يليني
اطلاقك للايحاءات يااسامة المدسية ورا اللغة الساخرة والمستهزئة
هي الجابت ليك الاعتذار دا من اساسو
وكأنك تنقض غزلك يااسامة
وترجع بينا لمربع واحد
تصنيفك للعضوية قاعدين وغائيبن يااسامة
ما منطقي ومامقبول ومابستند علي اي اساس
غير التصنيف العادل عسومي نايمة وصاحية وفئام وهكذا عوارات
والذي لا يخلو من غرض ومن مرض
من اعطاك الحق انت او غيرك
تمنح من تشاء حق التصويت وتمنع الاخر
ومعيارك شنو ومرجعيتك ايه
طالما اللائحة بتدي كل ذي باسويرد الحق في التصويت
دخلتو الناس في اضافرينا وحسستوهم بانهم متطفلين
ومنهم من ابدي اعذاره
وعدد اسباب غيابه وعدم تواجده الكثيف
ليه كدا ؟
بتتكلم عن الاقصاء وانت بتسلب اعضاء حقهم
في التصويت وبتسميهم غايبين
وبترفض انهم يختاروا ليك لانك قاعد
بربك وين الاقصاء
وين المقُصي
البدعوا الناس للمشاركة ولا البمنعهم بحجة انهم غايبين
بدون حتي مايكون عندو معيار للغياب دا
او حتي يثبت انو الصوتوا ديل غايبين فعلا
بدليل انك لسة بطالب الادارة تديك لستة المصوتين!!!
طيب ياخ ماتصبر لما تجينا بمستنداتك ولستك
وتصحح لينا الغايب منو والحاضر منوو
عضوية المنتدي كادت تصل الالفين
انتخابات الامانة العامة اجمالي المصوتين 150
هسي انت بتتكلم والرقم اتجاوز االمية بشوية
وبقيتوا تكوركوا
الغايبين الغايبين
طيب القاعدين كم ؟
وروينا كم نصابك يااسامة
والعدد الانت شايف انو قاعد وعندو حق يختار ؟
بالجد عايزة اعرف
بالمناسبة كل برامج الدورات السابقة بتنادي باستقطاب العضوية
وحثها علي المشاركة الفاعلة
وزيك بقول
الملاحظ والذي لايخفي علي اعمي
الحراك العم المنتدي الايام الفاتت
ودونك الصفحة دي شوف كم اسم جديد /قديم رجع تاني واتفاعل
يقعدوا ولا يمشوا دا بتوقف علي اشياء كتيرة
بس الثابت والمؤكد انو دعوتهم للحضور بتبقي فعل ايجابي ومطلوب وواجب
كمان ماها جريمة
ولو عاينت للمحصلة النهائية والغرض الاساسي حتلقي مصلحة المكان دا ماغيرو الناس حتستفيد شنو يعني؟
انا مع عكود احتفي بالعدد وهو مؤشر علمي ومحسوس جدا لنجاح التجربة
في مقابل القوالات والكلام السمبلا والردحي
ثم الاتهامات المجانية التي تطال احزاب بكامل تاريخها ونظمها ولوائحها
تقدر تقول لي منو هنا البتكلم باسم حزب الجن الكلما حصلت مصيبة في الدنيا كان هو المتهم الاول فلا نجا من قفل البلوفة ابان ازمة الموية في بري ولا حشد العضوية في انتخابات سودانيات!! مافي زول هنا مخول بالحديث او التصرف باسم حزب وكل عضو معلق من كيبوردو
ما بجوز يااسامة
وسيبقي الحزب الذي عنيته محترما ولاينبغي جره للسوق الكعب دا
زي ماقال شليل واشارت وهاد
وزجه في اي قفل بلوفة حاصل
قدامك افراد هنا عايز تحاسبهم قولم بالاسم
وبالمرة جيب لينا الرسائل المزعلاك دي
لاني بصراحة فييل سيك من الكلام المغتغت وفاضي وخمج
وخلينا نصل اخر القصة دي شان مايجوا ناس الطار يشيلوها وينقزوا
ويحيوك علي الشجاعة والتجرد