اقتباس:
المشاركة الأصلية كتبت بواسطة هاشم أبوزيد نقد
وينكم يا شباب ....
(ألا ليت الشباب يعود يوماً)
تتبادلني مهابط ( القلم ) عبر الفضاء الملون بالحبر والخبر واتجول ما شاء الله لي ان اتجول في هذا الاسفير الواسع و ( ضيق ) مرة في سودانيات عالم من التواصل ومرة في الفيسبوك وقروباته ومرات في الراكوبة التي إخترتها دون غيرها من ( فلل ) الكضب الكبار وإختارتني ( زول موسد بالهوي ولابس مشاكل النيل نعال ،،، ) كنت ( انطط ) بين هذه ( البكانات القهاوي ،، وأعاين لخلق الله ،، لامن سكة الميعاد مع الاكسبرس تصفر لحراك ،، وأتأمل الناس ،، زول ،، زول ،،
اتوقف عند كتابات ( هاشم نقد ،،، في سودانيات وهو يخاطب بلد عند سفر زول و لاينسى ام تعوس ،، واب يكوس وحتى الصغار في العشوش !!!
ادلف لقروب الاسايطة في الفيسبوك فيدهشني حضور ( اميرة عبدالعزيز ولنقد عن أميرة اقول : جات بعد فتو ويمكن جات وإنتو قاعدين وكانت تعرف كيف تكلم ابوقناية وكيف تخاطب الكاشف او ان تدير رابطة بحجم شيكان دون ان ينسى الزملاء في حضرتها ان لعازة بنات كما كان لها رجال وأعود لقروب الاسايطة لاجد ود بلد بقامة اسامة زول يسافر لامريكا ثم يعود للرياض بحثاً عن عاصم شبارقة وعبدالله سعودية وعن احمد عبدالقادر والدوخري ،،،
انت يا نقد ،،، من ( ولع فيني جمر الغي ) بكلماتك عن نفر ( كالفراش اذا جاء ذكر أسيوط ) يتجمعون ( بالوعي كله والحب جله )
امسك عندك ( البروف ،، سرور ،، زهور ،، قمر البدور وخالد عباس و على شنكتة حقوق وعلى حسن زراعة والحبيب الاريب عصام كيشو ،،
واذا دمعت عيناك من فراق (لم أبك غيرهم كما بكيتهم رغم فراق الاب والعمة والعم !!! ) ،،، ( ويحى قلبي ... ) فثق ان الدمع كما المطر بقدر الاحباب والصحاب والسحاب ( الزعيم ودالمجذوب قصي عمر الريح عمر عثمان بلطج وعمار زراعة وغيرهم من درر اسيوط وعطرها )
انت من بدأ و ( البادي ) يا ايها الاخ الوهج نقد (ظالم ) إلا في حالك وفي وصف مثلك !!!
انت من بدأ واوقد سراج عشق ،، و وجد
انت من بدأ و( عند النميس ،، يختلط النهار ولا نهار ،،، حين يجلسنا الزمان ليحدثنا عنهم سوف نقول له : صه ونجلسه حيث يريد ونحدثه عن ( فيصل وعبدالعظيم وتوم من بورسودان وعن جوهر هندسة وعن فتية القضارف رمزي وصحبه وعن ودالسما المتواضع ذي الواطة وناجي تربية والطاهر عمر السيد وزهيرحسن الفكي وزاهر وعبداللطيف وحامد وبقيرة وعصام السوكي والحصاحيصا واسامة عبدالله ودبحري وامل وامال وامانة عبدالله وسوزان الابيض وعن سمية ونعمة وستنا ونور وعن ( تظليل طال و ،،، )
انت من بدأ ( خليني افش غبينة ربع قرن ) 25 سنة ويزيد ( من يدريني بحسابها بل وما يديرني بالحساب البنكي والرصيد يكب فيهو كوجان ويسحبوا سرور ويرسله المرحوم الدكتور عثمان سعيد من دبي لبنته سلوى فتكون وجهته بلوزة لسارة تحوم بها في الدروشاب الاب لا شاف ولا جاب ،، اعوام و اعوام كل عام يختلف عن عام جمعنا بنفر عزاز وناس من قزاز !!! )
عفوا اخي ( نقد ) يخيل لي أن ( الناس ديل كان لاقيتم يوم القيامة مابتجر منهم ( ليس كفرا بقول الحق يوم يفر المرء ،،، ولكن تأكيدا لسماحة خلق وتسامي الخالق ) ،،، كيف تجري من حمزة السراج ؟؟؟ والله على مردس !! والله ( الرؤساء احمد دقش ، عبدالرحمن ، منير ومن فاتني ذكرهم الذين إختلفنا معهم سياسياً فما انكروا لنا مودة وكيف لنا أن ننسي ( ناس زراعة وشلة علوم ورحلاتها وناس الجمعية الطبية الصيدلية والله ناس المعاهد وهم يزينون صدر ذكرياتنا بزهر الاخوة الصادقة ويقتسمو معنا ( البريزة والعدس والسخينة وقزازة كوكا كولا كل شهر مرة )
انت من كان (المبادر )
فاعذرني ان (تقاصرت ذاكرتي عن رواية اخوة نادرة وسقط عن قلمي ذكر احباب بالاسم
ف (القلب ) شايل كتير ( عل ) السطر ساكت ( عوير ) ما جرب ( السووا الحنان ،،
كفاك ‘‘‘ عشان عندك شغل
وما كفاي ،،، عشان غيرن ما عندي شغل
الاسايطة ناس غير وصحبة خير