الدام بوى وكرف والنور الدرديرى التنقارى

[الجيلى أحمد]

المشاركة الأصلية كتبت بواسطة عكــود

فمثل هذه الذكريات لا نهاية لها وتتناسل وتفاجؤك حتّى وأنت تكتب، فتأتيك من حيث لا تحتسب.

الليلة أبشلاليف فكا لينا الحكمة
شوفتا كيف,
موش تقعد تسرح زى الأديب الضارب بتاع مدنى داك
ياكافى البلا من أول عتود يقعد يسرح

[رأفت ميلاد]

المشاركة الأصلية كتبت بواسطة عكــود

سلام يا رأفت،

متابع هذا التداعي الجميل والصدق فيه.
وصفك للشخصيّات يجعلها كأنّها ماثلة أمامك أو كأنك تعرفها.

أتمنّى أن تواصل ولا تكسل، فمثل هذه الذكريات لا نهاية لها وتتناسل وتفاجؤك حتّى وأنت تكتب، فتأتيك من حيث لا تحتسب.

تحياتي.

سلامات يا عمدة

كلامك جعلنى أعود لقراءة ما كتبت وفوجئت بكم من الغلطات الإملائية أما النحوية لا شأن لى فيها

وصفك بليغ لتدفق الذكريات أثناء الكتابة .. الكثير أتجاوزه فى الكتابة لحصر الطريق ولكنها تريح النفس بشعور عجيب أقرب وصفه له بالطمأنينة

سأستمر وياليت يسعفنى الوقت وغداً دوامة الدنيا تبدأ من جديد

[رأفت ميلاد]

أنتهى العام الدراسى الرابع وجلسنا للإمتحان للشهادة الصغرى .. الإمتحان كان لمدرسة المدينة عرب .. المدارس المنافسة كانت كثيرة جداً والقبول الى مدرسة المدينة عرب (نهرين) حوالى 80 طالب فقط .. عند إعلان النتيجة كنت فى الإحطياطى وكان خزلان كبير .. صدف وجود خالنا زكريا فى زيارة وذهُل لأن مجموعى يؤهلنى فى بورتسودان لأكبر المدراس .. أقترح أن أذهب معه بورتسودان .. حاول أبى إقناعه بإمكانية إعادة السنة وسنى يسمح بذلك لأنى دخلت المدرسة باكراً عن أقرانى

تمسك خالى بالأمر وذهبت معه الى بورتسودان موطن والدتى التى أعشقها وأسافر لها مع أمى وأخوتى فى العطلة الصيفية كاملة

[رأفت ميلاد]

بورتسودان عروس البحر الأحمر

وصلنا بورتسودان فى العطلة الشتوية وهي فى الشتاء جنة الأرض عكس الصيف الساخن ذو الرطوبة العالية .. خالى لم يوفق بإلحاقى بمدرسة هناك بمجموعى لأن الإمتحانات كانت لا مركزية والمجموع لا يلعب دور من مركز لآخر
قرر خالى إلحاقى بمدارس كمبونى .. تم قبول فصل كامل كمبونى فى عطلة الشتاء لتعليم اللغة الإنجليزية لنلحق بأقراننا عندما تفتح المدرسة

كان التعليم فى الفصل متسارع وبكثافة وصرامة فوق طاقتنا .. تزعمنا طالب أسمه محمد طاهر ضد عنف العقاب وكثافة المقرر فدفع ثمن ذلك فصله من الفصل .. فى نهاية الشهر الثانى كنا إعتدنا أسلوب الدراسة وتجاوبنا معه .. أنتهى المنهج بنهاية الشهر الثالت وكنا سنواصل العام الدراسى الطبيعى مع المدرسة

تبرع رجل الأعمال المعروف الحضرمى الأصل (باوارث) بمدرسة وسطى جديدة سميت بأسمه .. شفع لى تخرجى من فصل كمبونى بتفوق قبولى فى المدرسة الجديدة مع عدد من زملاء الفصل .. عندما بدأ العام الدراسى فوجئت بوجود محمد طاهر معنا فى الدفعة وكانت مفاجأة سارة

[فتح العليم]

تحياتي رأفت
شئ جميل التحدث عن الزكريات وشئ جميل ان اسعفتك الذاكرة اجترار تلك الزكريات .
لا اخفيك ان عنوان البوست عقدني كثيراً ولم احاول الدخول له ولكنى ضغطت على نفسى لزيارة البوست وجذبنى اكثر تناولك لمنطقة ودالنعيم والمدينة عرب والمسيد فتلك المناطق تعتبر جزء منا نحن سكان الجزيرة ولنا فيها ذكريات .
حاولت سابقاً التحدث عن الزكريات وبدأت بالفعل في بوست http://www.sudanyat.org/vb/showthread.php?t=30945
ولكن لكثرة المشاغل اجلت الموضوع لاحقاً إذا امد الله في عمرنا سوف اعود له .

سوف نظل متابعين معك الحكي عن ذكرياتك الجميلة
مودتي ،،،،،

[عبد العظيم الطاهر]

المشاركة الأصلية كتبت بواسطة رأفت ميلاد

بورتسودان عروس البحر الأحمر

وصلنا بورتسودان فى العطلة الشتوية وهي فى الشتاء جنة الأرض عكس الصيف الساخن ذو الرطوبة العالية .. خالى لم يوفق بإلحاقى بمدرسة هناك بمجموعى لأن الإمتحانات كانت لا مركزية والمجموع لا يلعب دور من مركز لآخر
قرر خالى إلحاقى بمدارس كمبونى .. تم قبول فصل كامل كمبونى فى عطلة الشتاء لتعليم اللغة الإنجليزية لنلحق بأقراننا عندما تفتح المدرسة

كان التعليم فى الفصل متسارع وبكثافة وصرامة فوق طاقتنا .. تزعمنا طالب أسمه محمد طاهر ضد عنف العقاب وكثافة المقرر فدفع ثمن ذلك فصله من الفصل .. فى نهاية الشهر الثانى كنا إعتدنا أسلوب الدراسة وتجاوبنا معه .. أنتهى المنهج بنهاية الشهر الثالت وكنا سنواصل العام الدراسى الطبيعى مع المدرسة

تبرع رجل الأعمال المعروف الحضرمى الأصل (باوارث) بمدرسة وسطى جديدة سميت بأسمه .. شفع لى تخرجى من فصل كمبونى بتفوق قبولى فى المدرسة الجديدة مع عدد من زملاء الفصل .. عندما بدأ العام الدراسى فوجئت بوجود محمد طاهر معنا فى الدفعة وكانت مفاجأة سارة

يا دفعة بالله إنت قريت ( باوارث ) مدرسة ( عبدالله سعيد باوارث ) ..؟؟ وأنا اقول شفتك وين .... وين ..؟؟؟

تداعيك خلانا برضو نتداعى ... ويا حليلنا يا رأفت ... بقى علينا حديث الذكريات

أها فاتحين خشمنا وراجين ... إتدفق يا جميل

[محمد عبد الرحمن]

الله يا عمو رأفت

حكي طاعم بالجد

تجدني مطأطأ الراس انقب بين الحروف عن تفاصيل حكيك التي تجسد الشخوص امامي
حتى ارتطم بحائط اخر مشاركة

فشنو طول حبل الحكي عشان ضربة الراس تكون بعد مسافة


واصل يا مقدس

[رأفت ميلاد]

المشاركة الأصلية كتبت بواسطة فتح العليم

تحياتي رأفت
شئ جميل التحدث عن الزكريات وشئ جميل ان اسعفتك الذاكرة اجترار تلك الزكريات .
لا اخفيك ان عنوان البوست عقدني كثيراً ولم احاول الدخول له ولكنى ضغطت على نفسى لزيارة البوست وجذبنى اكثر تناولك لمنطقة ودالنعيم والمدينة عرب والمسيد فتلك المناطق تعتبر جزء منا نحن سكان الجزيرة ولنا فيها ذكريات .
حاولت سابقاً التحدث عن الزكريات وبدأت بالفعل في بوست http://www.sudanyat.org/vb/showthread.php?t=30945
ولكن لكثرة المشاغل اجلت الموضوع لاحقاً إذا امد الله في عمرنا سوف اعود له .

سوف نظل متابعين معك الحكي عن ذكرياتك الجميلة
مودتي ،،،،،

سلامات يا فتح العليم

قلت لىّ خفت تخش البوست سمعتنا بقت بطالة ياخ

الجزيرة صلت وجولت فيها يا ريت تورينى قريتكم يمكن ألقى فيها من ناس دفعتى .. رجعت لى بوستك وأتذكرته ذكرياتكم حديثة شديد ياخ .. ما طولتو فى أكل الفتريتة فى الدنيا دى

[رأفت ميلاد]

المشاركة الأصلية كتبت بواسطة عبد العظيم الطاهر

يا دفعة بالله إنت قريت ( باوارث ) مدرسة ( عبدالله سعيد باوارث ) ..؟؟ وأنا اقول شفتك وين .... وين ..؟؟؟

تداعيك خلانا برضو نتداعى ... ويا حليلنا يا رأفت ... بقى علينا حديث الذكريات

أها فاتحين خشمنا وراجين ... إتدفق يا جميل

والله بفرح لامن ألقاك متابع معانا يا عبد العظيم
والله مشتاقين

مدرسة باوارث كنا أول فصل فيها .. كان عندنا الناظر (بنكت ليك إسمو إنشاءالله) وأستاذ واحد نوبى لهجته مصرية إسمه أستاذ طاهر .. الفصل ملحق به مكتب المدرسين مبنى من الخشب داخل المدرسة الشرقية مقابل المدرسة الأميرية .. فى العام الثانى أنتقلنا الى ديم عرب

غايتو يمكن قعدة بورتسودان ما تطول إلا كان ساعدتنا فيها

[رأفت ميلاد]

المشاركة الأصلية كتبت بواسطة محمد عبد الرحمن

الله يا عمو رأفت

حكي طاعم بالجد

تجدني مطأطأ الراس انقب بين الحروف عن تفاصيل حكيك التي تجسد الشخوص امامي
حتى ارتطم بحائط اخر مشاركة

فشنو طول حبل الحكي عشان ضربة الراس تكون بعد مسافة


واصل يا مقدس

سلامات يا محمد عبد الرحمن
الكلام بطول إنشاءالله فى المدينة عرب وقربنا منها .. أنا ذاتى راجيها بدون خطة

الله يقدرنى مع الطاحونة دى

تحياتى

[ياسر ابراهيم]

المشاركة الأصلية كتبت بواسطة رأفت ميلاد

ومر بسرعة من أمامنا بضربتين بمسطرة خشبية على ظهر اليدين لم أحس بهما حتى سألتنى والدتى من آثارهم

بس الياها التفاصيل الصغيره دي البتدي حكايا تلك الايام طعم غير الطعم
احكي وكتّر منها يا ابن عمي

[سجمان]

المشاركة الأصلية كتبت بواسطة محمد عبد الرحمن

الله يا عمو رأفت
حكي طاعم بالجد
تجدني مطأطأ الراس انقب بين الحروف عن تفاصيل حكيك التي تجسد الشخوص امامي
حتى ارتطم بحائط اخر مشاركة
فشنو طول حبل الحكي عشان ضربة الراس تكون بعد مسافة
واصل يا مقدس

أول حاجة يا خواجة خليني أزج اشواقي للزول السمح دا..
والله يا محمد ياخ بعدت أشواقنا بدراهم معدودات..
بركة الطالعنا حرفك بعد طول غياب ياخ..


ثم يا مقدس والله حسدك علي الذاكرة ..
ياخ دا نضم سمح بالحيل..
نحن متابعين لكن عليك الله التفاصيل مهمة ما تخمنا ساكت..

[رأفت ميلاد]

المشاركة الأصلية كتبت بواسطة ياسر ابراهيم

بس الياها التفاصيل الصغيره دي البتدي حكايا تلك الايام طعم غير الطعم
احكي وكتّر منها يا ابن عمي

سلامات يا ياسر ومشتاقين ياخ .. ياخ أنت الطعمك حلو عشان بتشوف الصغار صغار بالمدد ده

[رأفت ميلاد]

المشاركة الأصلية كتبت بواسطة سجمان

أول حاجة يا خواجة خليني أزج اشواقي للزول السمح دا..
والله يا محمد ياخ بعدت أشواقنا بدراهم معدودات..
بركة الطالعنا حرفك بعد طول غياب ياخ..


ثم يا مقدس والله حسدك علي الذاكرة ..
ياخ دا نضم سمح بالحيل..
نحن متابعين لكن عليك الله التفاصيل مهمة ما تخمنا ساكت..

حبيبنا ود الصديق فهمنى كيف بتحسدنى على الذاكرة وملحتك فى التفاصيل .. ما دى الذاكرة الخربانة ذاتا

[رأفت ميلاد]

أهم الأحداث التى مرت بنا ونحن فى ذلك الفصل الخبشى ثورة أكتوبر المجيدة .. فى قمة الأحداث حرّج علينا ناظر المدرسة من الخروج .. نحن فى الفصل والشبابيك مقفلة أنهمرت علينا الحجارة داوية من طلبة مدرسة الأميرية المقابلة لنا .. فُتح الباب وطل أستاذ طاهر بلهجته المصرية وبصوت يهزه وقع اللحظه صاح فينا (آعدين بتعملوا إيه والدنيا مولعة) أول من هب ونحن من خلفه كان (أبو سحتوت)

ما أذكره المظاهرة التى إنخرطت فيها كان يقودها نوبى يهتف بإنفعال ونحن من خلفه (باعوا حلفا بلاد النوبة ..ذكرى خلفا لن ننساها ولن نتهاون فى ذكراها)

لم أع ولم أتخيل الذى يحدث ولا أعرف ما هو (البمبان) .. كانت تجربة قاسية هجوم الشرطة على المظاهرة .. قصدت المنزل فى (ديم مدينة) فى شوارع فارغة من المارة تمخرها سيارات الشرطة المدرعة التى لم تعبأ بى وأنا أجرجر خطاى بعيون (متورمة) وأنفاس متقطعة .. بلغت المنزل حيث حجرت علىّ جدتى من الخروج حتى نهاية الثورة .. كنت أنوم وأقوم وهى قابعة تنظر بين فتحات الحائط الخشبى تنتظر ولدبها الغائبان ولم يعودان إلا بعد النصر المبين