صور الاحتفال بعقد قران الزميل / الرشيد إسماعيل

[هاني عربي]

[هاني عربي]

[الرشيد اسماعيل محمود]

يا هاني بالرغم من اني في طريقي عشان أسوق العروس هسع دي، لكن اكراما ليك ولعمنا قرقاش والله جيت اقول عاجز عن الشكر تماماً. ناصر وكانديك عادي جيتهم باعتبار تواصلنا الكثيف المتواصل سابقاً، لكن هاني عربي وقرقاش ياخي أجمل مفاجأة.
شكراً كتير وعاجز عن التعبير! طبعاً دي واقفة لي قلت الأيام الجاية دي إجازة من الاسافير والدخول في بيات ما معروف فترتو يا وجدي الأسعد

[كيشو]

والله قايلكم بتهظرو
يعني الرشيد الوااااحد دا الليلة عرسو؟
غايتو نقول شنو؟
مبروك للحبيب الرشيد
أسأل الله أن يبارك له، وأن يرزقه الذرية الصالحة
ولو طلعت مدقس بعد دا ما عافي ليكم

[ود الخير]

المشاركة الأصلية كتبت بواسطة الرشيد اسماعيل محمود

يا هاني بالرغم من اني في طريقي عشان أسوق العروس هسع دي، لكن اكراما ليك ولعمنا قرقاش والله جيت اقول عاجز عن الشكر تماماً. ناصر وكانديك عادي جيتهم باعتبار تواصلنا الكثيف المتواصل سابقاً، لكن هاني عربي وقرقاش ياخي أجمل مفاجأة.
شكراً كتير وعاجز عن التعبير! طبعاً دي واقفة لي قلت الأيام الجاية دي إجازة من الاسافير والدخول في بيات ما معروف فترتو يا وجدي الأسعد

الف مبروك يا الرشيد ،، وربنا يسعدك يا أخي ،، والله شهيتونا العرس تاني ياااسلااااام


أنا ما حصل اديتك رايي في العرس ،، وأهو بقولها ليك حا تندم على اي لحظة عديتها عزابي ،،،

المهم "زي ما بتقول"

ان شاء الله المداخلة دي تشفع لي ،، وما تشلملنا بكلمة "حاقدين" البقولها اي عريس لما يرجع من شهر العسل "" حا قدين دي للمتزوجين لانهم اوقات بيدو العزابة احاءات بأن الزواج مااا مائة المائة تمام،،،

مبروك يا حبيب

[عكــود]

شكراً هاني على الصور.

المشاركة الأصلية كتبت بواسطة هاني عربي

كم أشتاق لهذا الرجل الجميل (محمد عبد الرحمن).

[عكــود]

المشاركة الأصلية كتبت بواسطة هاني عربي

الكواكب احتفلوا بالقمر ..

لينا عظيم الشرف برؤية صورتك يا قرقاش.

[هاني عربي]

المشاركة الأصلية كتبت بواسطة جيجي

غايتو المعاك دا لوعمنا قرقاش في البلد يكون هو

سلامات جيجي

يا هو قرقاش

كيفك ؟

[هاني عربي]

المشاركة الأصلية كتبت بواسطة الجيلى أحمد

الف مبروك الرشيد
ربنا يسعدكم ويهنيكم

الجيلي أحمد بارك الله فيك وشكراً جزيلاً ليك

ومالك ماسكاك هلا هلا البرعي ؟

[محمد عبد الرحمن]

اهلا هاني عربي

الفرحة كانت مضاعفة بوجودكم

[محمد عبد الرحمن]

عكود
خيرهم الذي يبدأ الجمال هو انت
السلام عليكم ياخي و شوق كتير و الله

[طارق صديق كانديك]

صادق الأمنيات للأخ الصديق الرشيد اسماعيل و(شقيقه).

سعدت جدا بلقاء استاذنا قرقاش متعه الله بالمحبة دائماً.

وسعدت أيضاً بلقاءك أخي هاني عربي

دائما فرحانين يارب

تحياتي للجميع

[ناصر يوسف]

ياخي السودان ده ضييق بشكل


تقوم تجي عرس الرشيد وممني نفسك بملاقاة عمك قرقاش
تلاقيه
تقعد تطك معاه الحنك
يقوم يسألك عن علاقتك بالتلفزيون
يقوم يجيب سيرة واحد حبيباً ليك عليه الرحمة والمغفرة إتوفي إلي رحمة مولاه
يكون الزول الجاب ليك سيرتو ده من أقرباءك شديييد ومتزوج خالتك بت خالة أمك

يبقي الزول المعني ده ،،،

شقيق عمك قرقاش

ياااااااااااااه

ما قلت ليكم السودان ده أضيق من نفق النملة { نفق النملة دي بالله سجلوها لينا كويس ؟ ؟ }


رحمك الله أخي وصديقي وأستاذي الجميل

المخرج التلفزيوني

طارق فريجون

شقيق عمكم قرقاش الأصغر

[بابكر مخير]

المشاركة الأصلية كتبت بواسطة الرشيد اسماعيل محمود

يا هاني بالرغم من اني في طريقي عشان أسوق العروس هسع دي، لكن اكراما ليك ولعمنا قرقاش والله جيت اقول عاجز عن الشكر تماماً. ناصر وكانديك عادي جيتهم باعتبار تواصلنا الكثيف المتواصل سابقاً، لكن هاني عربي وقرقاش ياخي أجمل مفاجأة.
شكراً كتير وعاجز عن التعبير! طبعاً دي واقفة لي قلت الأيام الجاية دي إجازة من الاسافير والدخول في بيات ما معروف فترتو يا وجدي الأسعد

جوك بي خاطرهم
وجوك مننا يخبرونا
الباقية بقت ولا فيها ائنا...
تستهال كان نقوم من هنانا ونجيك نبارك..
بيناتنا تلفون الحبيب

[علاءالدين عبدالله الاحمر]

بنقول مبروك والعاقبة للأجيال
القابضين الجمر الآيل عليه الحال
مبروك يارشيد واعفالنا الغياب الكان
اﻷك ياصديق ليك في القريب اوان