تفاسير علمية لو سمحتو حول العلاج البديل

[أسعد]

يا شليل التفسير العلمي الوحيد
انك تنتمي لسلسلة اللافقاريات
عشان كدة سم العقرب ما مشى فوقك
gap

[الرشيد اسماعيل محمود]

المشاركة الأصلية كتبت بواسطة رأفت ميلاد

ياخ هسة الضريسة المطلعة روحنا دى .. علاج أضمن من الفياقرا

الفياغرا أصلاً هي علاج لمرض ضغط الدم، والمهمة القاعدة تقوم بيها هسّع دي، ظهرت كأعراض جانبية للعلاج side effects، قاموا إستثمروا الحكاية دي وطوّروها للجانب الإنساني الهسّع دة

___
الضريسة دي يا رأفت، بستعملوها كيف؟

[رأفت ميلاد]

المشاركة الأصلية كتبت بواسطة ام التيمان

سيرة و انفتحت

سيرة العلاج الطبيعى موش .. دايرين وصفات يا أمهم بقينا محتاجين شديد

تعرف يا بنج لامن تقول لىّ تنيش كيكو ببساطة كدة بتحيرنى .. صيد الكيكو فروسية والله بى بلاى أستيشن تجليهو أسرع وأحرف حيوان فى الزوغان

وبعدين قصة تكسر صخور دى تخوف أنت لما فيكم أفورتى ولّ شنو

[حسين عبدالجليل]

سلام ياشليل

الشاي الاسود العادي هو علاج سهل و سريع جدا لايقاف نزيف الجروح - يساعد علي تخثر الدم , دلني عليه طبيب أسنان بهيوستن . جربته أنا و أسرتي بنجاح أكثر من مرة .

زمان كانت تعمل معي سيدة فلسطينية عندها ضغط دم لم يستجب لأي علاج , أحد الاصدقاء أعطاها قَرَض , حسب قولها كان مص القرض هو علاجها . ومن يومها يتم تزويدها بالقرض السوداني عند اللزوم.

[رأفت ميلاد]

المشاركة الأصلية كتبت بواسطة حسين عبدالجليل

سلام ياشليل

الشاي الاسود العادي هو علاج سهل و سريع جدا لايقاف نزيف الجروح - يساعد علي تخثر الدم , دلني عليه طبيب أسنان بهيوستن . جربته أنا و أسرتي بنجاح أكثر من مرة .

زمان كانت تعمل معي سيدة فلسطينية عندها ضغط دم لم يستجب لأي علاج , أحد الاصدقاء أعطاها قَرَض , حسب قولها كان مص القرض هو علاجها . ومن يومها يتم تزويدها بالقرض السوداني عند اللزوم.

يا حسين ما بطال ياخ حقو نقاسم الخبرة .. الشاى الأسود ده أحسن حاجة لإلتهاب العيون .. والحلبة للأسهال .. كان شراب وكان سفوفة

المصريين للجروح بحشوها بن

[رأفت ميلاد]

المشاركة الأصلية كتبت بواسطة الرشيد اسماعيل محمود

الفياغرا أصلاً هي علاج لمرض ضغط الدم، والمهمة القاعدة تقوم بيها هسّع دي، ظهرت كأعراض جانبية للعلاج side effects، قاموا إستثمروا الحكاية دي وطوّروها للجانب الإنساني الهسّع دة

___
الضريسة دي يا رأفت، بستعملوها كيف؟

ببيعوها فى برطمانيات زى المربة أو حبوب فى صيدليات الأعشاب وحكمة الله ما رخيصة الضريسا الهاملة دى .. نحن الضريسة العندنا مكفيانا طعين زي سن القرد بتاع شليل .. كان نصدرا بس نغنى ونشترى فياقرا عديل كان عندنا زمان جنوبيين بيبعوا العرقى .. لامن تمشى تشترى تلقاهم قاعدين يشربوا البيرة .. نحن مالنا ومال عملا

وبعدين أنا عندى ضغط .. دكتورتى دى حاسدة ياخ ولا حتى نورتنى

[حسين عبدالجليل]

المشاركة الأصلية كتبت بواسطة رأفت ميلاد

يا حسين ما بطال ياخ حقو نقاسم الخبرة .. الشاى الأسود ده أحسن حاجة لإلتهاب العيون .. والحلبة للأسهال .. كان شراب وكان سفوفة

المصريين للجروح بحشوها بن

سلام يارأفت :
الشاي الاسود شاهدت تأثيره السريع في إيقاف نزيف الجروح عيانا بيانا .

غايتو بيتنا مليان بالقرض والحلبة والحرجل لدرجة إنو عندما يصاب أحد عيالي بوجع بطن , طوالي يمشي براهو يغلي حرجل و يشربوا .

[عادل عسوم]

المشاركة الأصلية كتبت بواسطة الرشيد اسماعيل محمود

سلام يا بنج،،
التفسير المحتمل بالنسبة لي، الصخور عموماً بتتكوّن من معادن، أهمها، الفوسفيت والكالسيوم ونحاس، و...إلخ
الكالسيوم واحد من أهم المكونات في جسم الانسان وبعمل في جبهات مختلفة..
من ضمن مهامو:
- بيدخل بشكل مباشر كعامل مشارك وأصيل في عملية تجلُّط الدم، يعني في حالة الجروح، عشان الدم يقيف، مفروض الكالسيوم يدخل في العملية دي..
- بيدخل بشكل أساسي في عملية تكوين البشرة في مرحلة من مراحل التكوّن دي، عشان الجرح يبرا..
الصوديوم والكلور في حالات معينة وفقاً لارتباطات مع معادن تانية، بعملن كمطهرات ممتازة، زي الصوابين الحايمة دي.

بالفعل يالرشيد
الصخور غالبا يكون فيها الجير واسمه العلمي (كربونات الكالسيوم ca co3)...
والمعروف كيميائيا ان العنصر عندما يتحد مع عنصر آخر ليكوّن أحدى مركباته تختفي عنه صفاته الكيميائية والفيزيائية الاّ في القليل جدا من المركبات...
وكربونات الكالسيوم هي أحدى المركبات التي يكاد يحتفظ فيها الكالسيوم بصفاته المالئة والمخثرة للدم ...
أما المطهرات فأهمها كلويد الصوديوم naclوهو ملح الطعام العادي الذي يعتبر أهم مطهر طبيعي على وجه هذه الارض (وهو أكفأ تطهيرا من الكحول)!
هناك ايضا حامض الليمون الموجود في الليمون الذي يُعدّ مطهرا ومضاد للسموم ...فقد ورد في الكتابات الفرعونية بأن وجبة الملك كانت دوما تحتوي على ليمونة (يقرشتها) بعد كل وجبة احتياطا وترياقا لايما سم يمكن ان يكون في الطعام
التحية ليك ولصاحب الخيط

[قيس شحاتة]

المشاركة الأصلية كتبت بواسطة الرشيد اسماعيل محمود

ا
الضريسة دي يا رأفت، بستعملوها كيف؟

الضريسة dreisa
... أثبتت الدراسات والبحوث المختبرية فاعلية الضريسة في أداء المهام الإنسانية بالكفاءة المطلوبة، بشرط التعرُّض لـ طعنتها بالصدفة - يجب عدم تعمُّدها - في كعْب القدَم اليُمنى أسفل مفصل الشيطان. بمجرّد الشعور بـ وخزة في الرِّجْل اليُسرى، وقشعريرة في شعر الظهْر وارتجاف خفيف في الفك الأسفل واصطكاك أعلى الحلقوم من تالا اليسار، بمقدمة اللسان في المنطقة الرخوة، في هذه اللحظة التاريخية، طلّع الضريسة الطعنتك دي، وقوم لِف.

المصدر: ويكي وجدي

[AMAL]

المشاركة الأصلية كتبت بواسطة ماريل

ما برة العراضة الانت بتتكلم عنها دى اسمها(الجيبندا)هى فكرة تولدت عن القرص الحيوى
بتفرق عنو فى نقاط جوهرية وبيتفقو فى جزئيات كتيرة وهى ايضا من اجتهادات الالمانى
(ايان ليون)بحكى ليك عنها بالتفاصيل برضك ....
اها قصة الكسب المادى الانت ذكرتها ما عندى بيها شغلة هنا وما اشرت ليها لامن
قريب لامن بعيد لانها ح تصرف الناس عن الفكرة الاساسية انا زيك كده قعدت
مع بروفيسور (حامد)كلية الطب جامعة الخرطوم واتكلمنا عن القرص والجيبندا
لمان الليل دخل وفى الاخر شال لى قرص وجيبندا من زولة وقال لى الحد بينى
وبينك التجربة المهم بناء على تجربتى كلامو كلو كان صحيح تماما مما آثار دهشتى
اختك قلبا خفيف (خفت)رجعت ليهم حاجاتم وانتهينا على كده لكن صدقنى الشئ ده
مفيد بى طريقة ما بتتخيلا....
جربت المسألة دى على خالتى البتعانى من فشل كلوى وقامت تلاتة اسابيع ما غسلت
وكانت مواظبة على استعمال القرص وما جاتنا عوجة...
جربتو على جرح فى يد اخوى اتعوق فى الكورة الالم وقف نهائيا ومدة الالتئام كانت وجيزة....
جربتو على والدة صديقتى(الله يرحما كانت تعانى من الكانسر والالام تنهشها)قالت لى الالم سكن فى لحظتو..
سبيت القرص معاها لمان اتوفت بعد تلاتة يوم عزائى كان انها بتنوم وعايشة بلا الم
رغم انها مرات كانت بتفقد الوعى وبتهزئ...
ح اشرح ليك آلية عملو بالتفاصيل والالية مقنعة جدا....

كلام عجيييب ادونا فكرة اكتر
صور
لينك
بتلقي وين
اي شي

[الفاتح]

المشاركة الأصلية كتبت بواسطة ماريل

الغريب يا شليل القرص ده ممكن يعالجك ويعالج عربيتك زاتا
يعنى حتى صرف عربيتك للبنزين ببقى اقل من الوضع العادى....
غايتو ربنا علمو واسع ياخ ..خليك كده تحك راسك لمن ارجع ليك
(فُتك بى حيرة )

أرجعي لي لزوم حيره سطر جديد
ووريني كيف بيعالج عربيتي
لأنو إذا كان القرص الصلب ده بمقدورو إنو يقلل من صرف العربية
كانت شركات النفط ختت إيدا فوقو عشان تحقق أرباحا
بدل ما الشركة العامله القرص الصلب تستمد أرباحا من الشغل التسلسلي داك.. بتاع إنك تجيب زول ، والزول يجيب زول وكل زول راسمالو بيزيد بمقدار ما الناس التحتيهو زادو.

[الفاتح]

المشاركة الأصلية كتبت بواسطة ماريل

بالنسبة للعقارب عندى قصة عجيبة ياخ اغرب من القرص الحيوى زاتو
(ماريل فى بلاد العجايب)
مرة كده قلت انظف المخزن دخلت لقيت قماش على الارض جيت ارفعو
حاجة طعنتنى ليك فى اصبعى شئ كده زى نتشة النار حرقتنى ليك شديد
رميت القماش وقفت شوية بدون رد فعل(اختك لمن تقوم على الصبر صبورة)
اها قلبى اكلنى ليك قلت كدى النشوف ده شنو وما متخيله القصة فيها عقرب
وما متخيلة فى عقارب فى الخرطوم اساسا رفعت القماش برااااااااااحة بلا
العقرب وقعت من القماش اهااااااااا عاينت ليك تمام واتاكدت انها عقرب
تعال شوف الصرخى والبكاء والجيران اتلموا ربطو لى يدى واتصلو على خالد
صاحبك جاء ساقنى اقرب مركز صحى وانا عرقانة وبقيت ارجف لقينا المركز مقفل
اها خالد جاء شايل ليهو وردة ادانى ليها قال لى نمشى ابراهيم مالك
وحاتك يا شليل شلت الوردة اشم فيها وفى الاخر ختيتا فى شعرى والله
لمان وصلنا المستشفى اللدغة كانت(الكمدة بى الرمدة) والرجافة وقفت
اختك رومانسية ياخ موباااااااااااااااااالغة

التحيه لخالد الرومانسي.. أها شفتي قصة المرض السايكوعضوي دي مشت فيك.. لكن نحن ديل الجنقو السوقم كعب ديل الواقع البنتواجد فيهو ما فيهو زهره غير زهرة الرجله (بكسر الراء )

[الفاتح]

المشاركة الأصلية كتبت بواسطة ماريل

ما برة العراضة الانت بتتكلم عنها دى اسمها(الجيبندا)هى فكرة تولدت عن القرص الحيوى
بتفرق عنو فى نقاط جوهرية وبيتفقو فى جزئيات كتيرة وهى ايضا من اجتهادات الالمانى
(ايان ليون)بحكى ليك عنها بالتفاصيل برضك ....
اها قصة الكسب المادى الانت ذكرتها ما عندى بيها شغلة هنا وما اشرت ليها لامن
قريب لامن بعيد لانها ح تصرف الناس عن الفكرة الاساسية انا زيك كده قعدت
مع بروفيسور (حامد)كلية الطب جامعة الخرطوم واتكلمنا عن القرص والجيبندا
لمان الليل دخل وفى الاخر شال لى قرص وجيبندا من زولة وقال لى الحد بينى
وبينك التجربة المهم بناء على تجربتى كلامو كلو كان صحيح تماما مما آثار دهشتى
اختك قلبا خفيف (خفت)رجعت ليهم حاجاتم وانتهينا على كده لكن صدقنى الشئ ده
مفيد بى طريقة ما بتتخيلا....
جربت المسألة دى على خالتى البتعانى من فشل كلوى وقامت تلاتة اسابيع ما غسلت
وكانت مواظبة على استعمال القرص وما جاتنا عوجة...
جربتو على جرح فى يد اخوى اتعوق فى الكورة الالم وقف نهائيا ومدة الالتئام كانت وجيزة....
جربتو على والدة صديقتى(الله يرحما كانت تعانى من الكانسر والالام تنهشها)قالت لى الالم سكن فى لحظتو..
سبيت القرص معاها لمان اتوفت بعد تلاتة يوم عزائى كان انها بتنوم وعايشة بلا الم
رغم انها مرات كانت بتفقد الوعى وبتهزئ...
ح اشرح ليك آلية عملو بالتفاصيل والالية مقنعة جدا....

جيًد.. عليك الله ثقفينا بالفرق بين لجيبندا والقرص الصلب.. ولو أرفقتي لينك الشركة المنتجة للجيبندا والقرص الصلب، ومعها صور مرفقه تكوني ما قصًرتي..
أبقي طيبه

[AMAL]

ياماريل وشليل
ياخوانا انا مش صاحبتكم
ماتوروني درب الحاجة البتعمل اي حاجة دي
طلعت مامثقفة ولا مطلعة زاتو

[الفاتح]

المشاركة الأصلية كتبت بواسطة رأفت ميلاد

تعرف يا بنج أمى الله يرحما كانت بتقول (عمر الشقى بقى) .. هسه ما محيرنى الدوا زى ما محيرنى مصادفة عندك بصلة خلا وصاحبك عندو سن قرد .. غايتو كان محضرننم تكونوا أنتو المتحرشين بالعقارب .. كامل التضامن معاهم

تعرف عن العلاج الغذائى أو الطبيعى بقى ما أسمو العلاج البديل .. عشان دخل جمب لى جنب للعلاج العادى .. عندهم عيادات بحولك ليها الطبيب .. قطع شك العشبة بتاعة السكرى دى ما علاج بل طريقة تعذية للحفاظ على معدل السكر فى الجسم .. والمرة المسكينة دى إذا كانت متابعة مع متخصص ما كانت الموية أتلمت تحت الجلد

ياخ هسة الضريسة المطلعة روحنا دى .. علاج أضمن من الفياقرا

لمن تمشي الخلا يابنج لازم يكون عندك عدة إسعفاتك الأولية.. البلد ديك ملانه دوابي ، وعقارب ، ومعرَض للإصابة في أي وكت.. وإنت ماشي في الخلا بتلقى بصلة الخلا راقده ، القرود.. على أشكالها تقع.. تفجخ ليك أي قرد وتشيل سنونو. البقاء للأقوى يابنج.. الصخور ما تدًيك الدرب ، مافي شدر غير السدر.. يبقى دي صيدليتك المتحركة ، إذا ما قدرت توظفها كويس الله قال بيقولك ، لأنو الدكاتره الأريتريين الخبره الطبية الإكتسبوها من الحروب إنو يقطعوا كراعك - إذا قام بيك لغم - ويقطعوها ليك بودك كمان ، أبعد من كده حدهم السلفا ، والبندول.. عندك ملاريا ، كلازار، أيدز، بلهارسيا أي نصيبة.. ياهم الردموك سلفا وبندول.. تعمل شنو ؟
إشارتك لإنو ناس العلاج البديل في حذية واحده جمب العلاج بتاع المندوكورو في محلها.. والتقرير رصد كمية بتاعة ناس بيفترشو الأرض يبيعو في المولينقا بتعاتهم على عينك ياتاجر لا.. حماية مستهلك ، لا المواصفات والمقاييس لا يحزنون.