اقتباس:
الكلام ده الكذب فيه شنو . الموصلى قال يرقصوا danced onstage وقال they cannot do in Sudan
وين الكضب ؟؟؟؟
|
الكضب انه انا بيعيني دي في مهرجان الخرطوم للموسيقى
شوفتا فرق بترقص.. اجنبية وسودانية.. 1990 او 1991 اذا ذاكرتي تمام
والكضب انا بعيني دي شوفتا مغنيات في سهرات لابسات الزي السوداني
او من غيرو يغنن ويتمايلن
وانا بعيني دي شوفتا عروسات لابسات ما قل ودل يرقصن
وانا بيعني دي السنة الفاتت في المتحق القومي شوفتا مسرحية انتجونا
في ممثلات لابسات لبس اغريقي..
ولانه انا بعيني دا شوفتا فرقة كواتو بتقدم بكل احتفاء في السمرح
راقصين وراقصات
ولانه بعيني دي شوفتا شعراء وفنانين وموسيقين قاعدين في الخرطوم
وتاريخهم النضالي يعمل جبل قدام نضال بعض الفنانيين في المنافي
اساتذة وزملاء في المعهد ما شغالين بحكومة
وبيعملوا في حاجاتهم..رغم المصاعب ولكن يحفرون الصخر بالاظافر
الزول يخرج من السودان دا خياروا الما خياروا ان يبرر خروجه بحاجات مافي
او نضال موهوم..
لانه لو انا فنان متلزم بقضايا الانسان السوداني
وخرجت من بلدي سابقى في المنفى وابعد من اي حاجة تشكك في وطنيتي ونضالي
الى ان تاتي الديمقراطية وارجع معزز مكرم كما حدث لبابلو نيرودا
ولكن ان اذهب الى المنفي واخدم حكومة المنفي في حروبها
مع قومي وامتي و بلادي اقول انني خرجت خوفا من الاستقطاب
فهذا غير مقبول
غالبية فنانينا و شعرائنا وادبائنا يعملون
في تدريس اللغة العربية في معاهد الجيش الامريكي الغازي للعراق
وبعضهم يعمل معهم كمترجمين
فايهم اسهل ان ترفض الاستقطاب مثلك ومثل بقية الفنانين المتواجدين في السودان
ام تستقطبك امريكا؟
والمؤلم غالبيتهم كانوا من مناسيب اليسار
فتخيل اليسار في خدمة الامبريالية الامريكية؟
موش حاجة تمخول؟
علما انا ظاهرة حمادة بت جات في هذا العهد. لو ديل كانوا قعدو
ما كان حمادة بت بقى فنان يشار اليه بالبنان.....
والتحية للفنانين وشعراء الصمود في الخرطوم..