اقتباس:
المشاركة الأصلية كتبت بواسطة Elgaily
صباح الخير يادكتوره
كلامك الفوق دا مدهش,
يعرف الجميع أن أهم ماأنجزته دولة المشروع الحضارى , هو تطبيق شرع الله والتأسيس لدولة الإسلام التى لايأتيها الباطل من بين يديها أو خلفها..
كلامك تمشى تقوليهو لى ناس الجبهه موش للأستاذ الموصلى,
وأنا شخصيآ يادكتوره حاجز مكان فى البوست دا, وقاعد ومتوهط,
وعندى كلام كتير عن فكرة المناضل المضاد
وفكرة (بقاء الإنقاذ لأن المعارضه "غير مجديه")
مع خالص الود
|
لا يا الجيلي يعرف الجميع ان ثورة الانقاذ اتخذت من الدين مطية
وكم تردد هذا القول لدرجة اصبح الصفة الرسمية..
اذا نفذت الانقاذ الشريعة
لما كان هناك ظلم ومظالم ولعم الخير على الناس والامن..
فلا تكابر يا رعااك الله بخفسة في الارشيف بطلع ليك مليون مرة انت كاتب المتاجرة بالدين..
ما تخلينا نتغالط في دي...
الشريعة منزهة من الشرور محكمة كاملة..تحفظ فيها الحقوق
للكل..
كلامي قلتو هنا لناس الجبهة لانه دا مكان عام
وقلتو برضو للموصلي لانه قال ما كتب في الصحيفة صحيح
وحشر ت الشريعة الاسلامية فيه بلا سبة..
مرحب بيك اتمدد ذي ما عايز وهات نقدك دا بورد حر
ومشاع للكل...ومن حقك تماما تقعد وتنتقد نظريتي حقت
المناضل المضاد..
انا ما من نوع ا لما زول ينتقد حاجة اكتبها
بجري افتش ليه فضيحة تقطع لسانو
بقوم نقده وبختلف معاه باحترام وحفظ حقه في تقديم النقد..
ولو تجاوزه الى شخصي بركب وش جهاد..
مودتي