خريجو جامعة أسيوط لمزيد من التواصل

[Wad Elbeck]

المشاركة الأصلية كتبت بواسطة صلاح الدين هجو النحاس

[color=4169E1]وانت طيب يا ود الطيب
لا اسكت الله لك حس[/color]
(توفيت ولاده زميلنا مهدى محمد مهدى اللهم ارحمها واغفر لها)

اللهم تولاها برحمتك..
اجعل مثواها الجنة..
وألهم أهلها الصبر وحسن العزاء

[مكي محمد الحسن]

السلام عليكم ورحمه الله تعالي وبركاته
عموم الصعايده عا أقول ايه ..
كل سنة وانتوا بخير ..
وان شاء الله العيد الجاي في الحجاز..
قولوا آمين..

اللهم ارحمنا وارحم أمواتنا وأموات المسلمين
خالص العزاء للأخ مهدي محمد مهدي
انا لله وانا اليه راجعون

[نزار يوسف على حميده]

المشاركة الأصلية كتبت بواسطة كيشو

[align=justify]وكت ما عايز يعرف نفسو خلوني أقول:
نزار يوسف دا كان جنّو غسيل، وعندو طريقة ظريفة في قياس مستوى نظافة الهدوم (عارفنها)
ابراهيم يوسف كان بتاع كلمات متقاطعة (أهرام أخبار جمهورية)
والله لو ما طلع دا نزار يوسف أكون جط ليكم الحكاية[/align]

كل عام وكل الاخوه الاسايطه بخير
كلامك صحيح يا كيشو. وانا عن كامل قصد اردت ان ابعث اول رسالة من غير تعريف والحمد لله لاخوة الاسايطه يتمتعون بذاكرة افيال انا نزار يوسف شقيق ابراهيم يوسف(تجارة)
بعد التخرج عملت بشركة سكر كنانة لمدة 9 سنوات ثم عملت بشركة قطر للبتروكيماويات لمدة 6 سنوات والان اعمل بشركة بترودار للبترول منذ 3 سنوات.متزوج ولى طفلين.واسكن حاليا بمدينة كوستى والسلام

[نزار يوسف على حميده]

الاخزة الاسايطه لكم الود والتحية

اليكم بعض الصور لانعاش الذاكرة

[Wad Elbeck]

نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

[محمد الفاتح أبوكنة]

المشاركة الأصلية كتبت بواسطة Wad Elbeck

نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

الاخوه الأسايطة الأعزاء كل عام وانتم بخير وعيد مبارك عليكم
عزيزي ود البيك لك التحايا والود ونشكرك على تكبير الصورة عشان الغلاط ما يكتر انت عارف انو في ناس قاعدين للغلاط . لكن ياود البيك الصورة بعد كبرتها ماعرفت فيها غير اتنين بس وواحد غلط كمان (الغلاط بدأ) عموما الصورة تبدو تخريج تربية دفعة 1989 واليك بعض من تعرفت عليهم . وقوفا من اليمين في اعلي الصوره عمر الأزرق، اسامه مامون ، عبد الرحمن الأسد ، وفي الوسط جمال محمد مصطفى ( ابودقن) وفي أقصى اليسار فايز ، محمد مختار ، عصام جاويش ، وفي الصف الوسط الثاني من اليمين هو العلم مكي محمد الحسن (وهل يخفى القمر) وأعتقد يمينه سلوى حسن حسين ثم سلوى عثمان سعيد وجميعهم من تربية. أرجو من الأخ مكي أو أسامه مامون ان يكملوا الصورة لأنهم حضور فيها

[رأفت ميلاد]

الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة

[مكي محمد الحسن]

المشاركة الأصلية كتبت بواسطة محمد الفاتح أبوكنة

الاخوه الأسايطة الأعزاء كل عام وانتم بخير وعيد مبارك عليكم
عزيزي ود البيك لك التحايا والود ونشكرك على تكبير الصورة عشان الغلاط ما يكتر انت عارف انو في ناس قاعدين للغلاط . لكن ياود البيك الصورة بعد كبرتها ماعرفت فيها غير اتنين بس وواحد غلط كمان (الغلاط بدأ) عموما الصورة تبدو تخريج تربية دفعة 1989 واليك بعض من تعرفت عليهم . وقوفا من اليمين في اعلي الصوره عمر الأزرق، اسامه مامون ، عبد الرحمن الأسد ، وفي الوسط جمال محمد مصطفى ( ابودقن) وفي أقصى اليسار فايز ، محمد مختار ، عصام جاويش ، وفي الصف الوسط الثاني من اليمين هو العلم مكي محمد الحسن (وهل يخفى القمر) وأعتقد يمينه سلوى حسن حسين ثم سلوى عثمان سعيد وجميعهم من تربية. أرجو من الأخ مكي أو أسامه مامون ان يكملوا الصورة لأنهم حضور فيها

السلام عليكم يا صعايده
كل سنة وانتم طيبين ..وان شاء الله دائماً عامرين.. وبي صحة وسلامة تامين..
ومن مرض الزهايمر شافين ..اللهم آمين

الاخ ود ابوكنه عيد مبارك ان شاء الله لك وللاسرة
عندي 3 ملاحظات :
أولاً: لاحظ انو الصورة دي لخريجي برالمة 1986 وهي في العام 1990
ثانياً: ذكرت أسماء ناس غير موجودين بالصورة وآخرين صحيحة بس الملاحظ
انه أعراض ( الزهايمر المبكر ) بدأت معاك لانه ببساطة كده لو راجعت صورة
تخرجك حاتلقي معاك الاخت ( سلوي عثمان سعيد ) من المتخرجات وهي من الدفعة
القدامنا بسنة!!
ثالثاً: أرجع البصر كرتين ثم أرجع البصر كرتين ..عليك الله الذكرته ده أنا ؟؟؟

مرجباً بالخ نزار يوسف شقيق أبراهيم يوسف - تجارة وعلي ما اذكر في ذلك الزمان
كنا نقول لهما ثنائي الزمالك نسبة لابراهيم يوسف وشقيقة اسماعيل يوسف لاعبي الزمالك.

مرحباً بالاطلالة الكريمة والمتأخرة للأخ رأفت ميلاد
ويا شقيق أسيوط دي بالتاكيد لو كنت بتزور مصر تكون أديتها طلة ..
أو ما جاورها من القري ..واذا كنت من الأقباط المتدينين بتكون ( حجيت )
الي قرية القوصية وزرت الدير هناك..ده لو ما كان عندك فيها بعض من أقارب أو أصدقاء
وبعدين تعال نصحح ليك ملاحظتك ..ما ود البيك براهوا القاعد يتحاوم بي مداخلات أو بوستات
في سودانيات واليك شخصنا والاخوة شبارقة وكيشو وكباشي والزوول ود.محمد ابراهيم قرض
والقاص عبد العزيز بركة ساكن ..الخ كلهم من هذا الصعيد الجواني..
ودمت بي صحة وعافية يا مريخابي..

[Wad Elbeck]

المشاركة الأصلية كتبت بواسطة رأفت ميلاد

الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة

يا ألف مرحب بالعزيز رأفت ميلاد..
كل عام وأنت بخير..
وبيتنا نور بالإطلالة البهية..

[كيشو]

المشاركة الأصلية كتبت بواسطة Wad Elbeck

نزار وعموم الأسايطة..سلام عليكم..
كبّرنا ليكم الصورة شوية عشان أصحاب النظارات وكده..
أنا غايتو إستحضرت أسماء:
نزار يوسف وهو الثانى من اليمين فى صف الوسط للواقفين..
ثم أسامة مامون الثانى من اليمين فى الصف الخلفى للواقفين.

[align=justify]السلام عليكم يا صعايدة
وكل عام وأنتم بخير
منو البيتكلم عن الغلاط دا ؟
الصورة دي كوكتيل يا شباب (ما قلت ليكم نزار كان بيهوى الغسيل)، يعني لامة فيها حقوق وتربية وهندسة وكليات أخرى وكمان الدفعات مختلفة يعني فيه علي حسن (شنكتة) فنان أسيوط الأول وهو من الرعيل الأول، وفيها سلوى حسن حسين، وأسامة مامون
باختصار ما تغشكم روبات التخريج (الشغلانة لا تخلو من الكوكبة)
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)
وعلي شنكتة وزهور نوبي (حقوق)[/align]

[كيشو]

المشاركة الأصلية كتبت بواسطة رأفت ميلاد

الأخوة الأسايطة كل سنة وأنتم طيبون طيبون
غايتوا بقيتوا فورم داخل فورم .. ود البيك بجاملنا فى السنة حسنة .. لكن فى واحدين ترانزيت أسيوط ..

متابعين معاكم كل الشمار بإستمتاع لامن بقينا دفعة

[align=justify]أستاذنا رأفت ميلاد
والله إطلالتك دي فرحتني جداً، ويا ريت تواصل معانا والقصة بتلفق معاك (صدقني)[/align]

[Wad Elbeck]

المشاركة الأصلية كتبت بواسطة كيشو

[align=justify]السلام عليكم يا صعايدة
وكل عام وأنتم بخير
منو البيتكلم عن الغلاط دا ؟
الصورة دي كوكتيل يا شباب (ما قلت ليكم نزار كان بيهوى الغسيل)، يعني لامة فيها حقوق وتربية وهندسة وكليات أخرى وكمان الدفعات مختلفة يعني فيه علي حسن (شنكتة) فنان أسيوط الأول وهو من الرعيل الأول، وفيها سلوى حسن حسين، وأسامة مامون
باختصار ما تغشكم روبات التخريج (الشغلانة لا تخلو من الكوكبة)
الصورة دي فيها:
نزار يوسف وعبد المنعم إبراهيم النافع وياسر وفيصل(هندسة)
وجمال محمد مصطفى (جيمي الأكاديمي) وأسامة مامون وسلوى حسن حسين ونوال تاج السر (تربية)
وعلي شنكتة وزهور نوبي (حقوق)[/align]

كيشو ..سلام..
ياخى على شنكته ده ما موجود فى الصورة !
الزول ده من الرعيل الأول شن جابو للشباب ديل!!

[رأفت ميلاد]

المشاركة الأصلية كتبت بواسطة مكي محمد الحسن

مرحباً بالاطلالة الكريمة والمتأخرة للأخ رأفت ميلاد
ويا شقيق أسيوط دي بالتاكيد لو كنت بتزور مصر تكون أديتها طلة ..
أو ما جاورها من القري ..واذا كنت من الأقباط المتدينين بتكون ( حجيت )
الي قرية القوصية وزرت الدير هناك..ده لو ما كان عندك فيها بعض من أقارب أو أصدقاء
وبعدين تعال نصحح ليك ملاحظتك ..ما ود البيك براهوا القاعد يتحاوم بي مداخلات أو بوستات
في سودانيات واليك شخصنا والاخوة شبارقة وكيشو وكباشي والزوول ود.محمد ابراهيم قرض
والقاص عبد العزيز بركة ساكن ..الخ كلهم من هذا الصعيد الجواني..
ودمت بي صحة وعافية يا مريخابي..

مرحب يا مكى وتعود الأيام
ياخى ما متأخر والله .. بس خصوصية البوست ..
مصر دى شفتها مرتين فى حياة الوالدة .. بنزل الزيتون أجر عنقريبى جمبها لامن الإجازة تخلص .. مشيت العتبة والحسين .. ومرة واحدة قطعت الكبرى للمهندسين قابلت ناس التحالف .. لا إهرامات لا أسيوط لا غيره
ود البيك دخلتو مداعبة خاصة .. عمرى ما قابلته لكنهم ناسنا .. وقرض فاتح لينا فتحاً مبيناً مرخابى دى محمرا شديد .. أكتر من حمارا
.. مرحب بيكم ولمتكم ندية

المشاركة الأصلية كتبت بواسطة Wad Elbeck

يا ألف مرحب بالعزيز رأفت ميلاد..
كل عام وأنت بخير..
وبيتنا نور بالإطلالة البهية..

يا ود البيك مشتاقين لطلاتك .. أنت مش صاحب محمد الحضرى ولا مشبه عليك
كل سنة وأنت طيب

[Wad Elbeck]

يا ود البيك مشتاقين لطلاتك .. أنت مش صاحب محمد الحضرى ولا مشبه عليك
كل سنة وأنت طيب[/QUOTE]

ده ما أنا يارأفت..لكن زى ما بقولوا يخلق من الشبه أربعين..
إسمى كاملاً ; محمد سيدأحمد محمد بيك، قبل أسيوط تخرجت من مدرسة مدنى الثانوية عام 1982 (زمن المدير عبدالعظيم التيجانى)، أقيم حالياً فى ولاية كاليفورنيا بالولايات المتحدة.
لك كل المودة

[كيشو]

المشاركة الأصلية كتبت بواسطة Wad Elbeck

كيشو ..سلام..
ياخى على شنكته ده ما موجود فى الصورة !
الزول ده من الرعيل الأول شن جابو للشباب ديل!!

[align=justify]أهلاً ود البك
ما قلنا ليك الصورة دي كوكتيل وفيها دفعات مختلفة وكليات مختلفة يعني شنو الجاب أسامة البرلوم لي نزار عشان يلبسو الاتنين روب تخريج؟! كمان قول لي نزار وأسامة ما موجودين في الصورة
بعدين ياخ الحفلات بتلم وأول ناس فيها الفنانين وعلي شنكتة فنان أسيوط الأول[/align]