قهوة النشاط !

[ناصر يوسف]

المشاركة الأصلية كتبت بواسطة احمد زين

كانت لنا ايام

وستبقي هذه الأيام كسابقتها بل ،،، وأحلي وأجمل وأنضر بوجود قلمك مزيناً سماوات سودانيات يا احمد زين

ابقي حاضراً ،،، حينها ،،، تَتَجملُ أيامنا بطيب وحلو الجمال

[imported_نزار حسن علي]

ابو اماني
صباحك عسل اعمل حسابك من كتابه الفقراء الحريم ديل بتاعين كتابه شغالين طوالي الرجال يطلعوا للشغل وهن يمشوا للفقراء
مودتي بلا حدود

[imported_rubs]

المشاركة الأصلية كتبت بواسطة نزار حسن علي

ابو اماني
صباحك عسل اعمل حسابك من كتابه الفقراء الحريم ديل بتاعين كتابه شغالين طوالي الرجال يطلعوا للشغل وهن يمشوا للفقراء
مودتي بلا حدود

سلام يا نزار .... انت بدل تكون محضر خير تولعها زياده هى ناقصه !!! .. والضمنى شنو انهم مابقشو الفقراء قبال الشقل ؟؟؟

[imported_تحفة حوا]

المشاركة الأصلية كتبت بواسطة نزار حسن علي

ابو اماني
صباحك عسل اعمل حسابك من كتابه الفقراء الحريم ديل بتاعين كتابه شغالين طوالي الرجال يطلعوا للشغل وهن يمشوا للفقراء
مودتي بلا حدود

أيوا كدا عرفنا حاجة أتاريهم بيخافوا من الكتابة والفقرا
أها يا بنات عندي ليكن فكي كارب وعملو ما يخرش المية
وطلباتو سهلة بالنسبة للنت والبوست هنا :
كل من دخل هذا البوست مدافعا عن أبو أماني ولو في مداخلة واحدة نكتب اسمو وإيميلو والبلد الساكن فيها وأي معلومات عنو (عنوانو ، تاريخ تسجيلو في المنتدى اسمو الثلاثي إن أمكن (نزار حسن علي ) .............)
وفي أشياء تانية لن أصرح بها الآن عشان ما يعملو حسابهم
وقال دي خدمة بيقدما للنساء فقط لأنهم زباينو
عاد يا نزار شوف ليك بلد

[imported_أبو أماني]

المشاركة الأصلية كتبت بواسطة نزار حسن علي

ابو اماني
صباحك عسل اعمل حسابك من كتابه الفقراء الحريم ديل بتاعين كتابه شغالين طوالي الرجال يطلعوا للشغل وهن يمشوا للفقراء
مودتي بلا حدود

والله كلامك صح .. أصلهن ما بقدرن علينا عيلا بالفقراء .. ما شايف صاحبك عادل .. كلامه كله والله انحن ما بنبقى بلاكن .. وإنتن الخير والبركه .. والمابخاف من مرتو ماراجل .. خلاهن ليك اتفرعنن علينا وسلن ضنبهن وسمعت قالوا لي ريستهن المختفية ماخلت ليها في ضواحي لندن فكي ماوقعت عليه وقالوا لي والقول على ذمة الراوي الفكي الدفعت ليو 500 جنيه إسترليني قبل ده وخلى ليك عادل عسوم نصير المرأة رقم (1) وبقى شايف شغل بيته تمام وخلاه ليك ياحبة عيني ما بكسر لهن كلمة وحاشاه يابنات أمي ما بصبح عدة العشاء للصباح ..وهاك ياشكر من الجنس اللطيف .. هي يا يمة عدولة أريته راجل بتي والثانية تعاين لمدامه بغيرة وحسد وتقول لبها عليك الله راجلك التحفة ده لقيتيه وين؟ وزولك في (الصيلون البغادي) راخي أضانو يسمع في شكره والجضوم زي اللقيمات منفوخات زهوا .. الغريبة لما حاولوا يكتبوا أبو أماني .. عند الفكي البريطاني من أصل نيجيري .. صاح الفكي :-
Oh my God ... Satan of this man I can not control
عدولة .. عدولة .. التحالف النسائي .. كيييييييييف؟؟؟

[imported_rubs]

المشاركة الأصلية كتبت بواسطة أبو أماني

والله كلامك صح .. أصلهن ما بقدرن علينا عيلا بالفقراء .. ما شايف صاحبك عادل .. كلامه كله والله انحن ما بنبقى بلاكن .. وإنتن الخير والبركه .. والمابخاف من مرتو ماراجل .. خلاهن ليك اتفرعنن علينا وسلن ضنبهن وسمعت قالوا لي ريستهن المختفية ماخلت ليها في ضواحي لندن فكي ماوقعت عليه وقالوا لي والقول على ذمة الراوي الفكي الدفعت ليو 500 جنيه إسترليني قبل ده وخلى ليك عادل عسوم نصير المرأة رقم (1) وبقى شايف شغل بيته تمام وخلاه ليك ياحبة عيني ما بكسر لهن كلمة وحاشاه يابنات أمي ما بصبح عدة العشاء للصباح ..وهاك ياشكر من الجنس اللطيف .. هي يا يمة عدولة أريته راجل بتي والثانية تعاين لمدامه بغيرة وحسد وتقول لبها عليك الله راجلك التحفة ده لقيتيه وين؟ وزولك في (الصيلون البغادي) راخي أضانو يسمع في شكره والجضوم زي اللقيمات منفوخات زهوا .. الغريبة لما حاولوا يكتبوا أبو أماني .. عند الفكي البريطاني من أصل نيجيري .. صاح الفكي :-
Oh my God ... Satan of this man I can not control
عدولة .. عدولة .. التحالف النسائي .. كيييييييييف؟؟؟

هاهاهاها والله اتخيلته منظر الجضوم هاها دى بالغت فيها ..

[imported_أبو أماني]

المشاركة الأصلية كتبت بواسطة rubs

هاهاهاها والله اتخيلته منظر الجضوم هاها دى بالغت فيها ..

شفت يا الحبيب عادل خباثة بنات حواء ؟! يعني كلامي ده كله ماركزت روب س عيلا علي الفقرة دي..؟؟ نظام تحاريش واستفزاز يعني ..لكين قول ليها ده بعدك وأيه دخلك بين التفاحة وقشرتها (ولا يهمك) أنا قشرتها..! بس الحقيقة خائف العزيزة روبس تكون خابزاك وعاجناك زي ناس أمال وعارفاكم يوميا تتاوقوا وتكبوا الزوغة ومالاقين طريقة تردوا بيها علي الشيطان المصرم أب لساننا ما بنقدر ده! أسع لو كت في صفنا ماكت تكون تقدل وتمسح فوق شنبك زي ناس قيقا وشليل وشبارقة وفيصل سعد وآخرين؟ .. والله إت ورئيستك أمال حيرتونا عديل لا إستسلام واضح لا إنسحاب مباشر .. عموما لو في نظام تبادل أسرى أنا شخصيا في سبيل عودتك لسفوفنا مستعد لأي شروط تفرضها رئيسة قوات التمرد.. بس كيف أمال توافق .. ولك الود ولروبس اضعاف.. تشاوووو

[imported_تحفة حوا]

المشاركة الأصلية كتبت بواسطة أبو أماني

شفت يا الحبيب عادل خباثة بنات حواء ؟! يعني كلامي ده كله ماركزت روب س عيلا علي الفقرة دي..؟؟ نظام تحاريش واستفزاز يعني ..لكين قول ليها ده بعدك وأيه دخلك بين التفاحة وقشرتها (ولا يهمك) أنا قشرتها..! بس الحقيقة خائف العزيزة روبس تكون خابزاك وعاجناك زي ناس أمال وعارفاكم يوميا تتاوقوا وتكبوا الزوغة ومالاقين طريقة تردوا بيها علي الشيطان المصرم أب لساننا ما بنقدر ده! أسع لو كت في صفنا ماكت تكون تقدل وتمسح فوق شنبك زي ناس قيقا وشليل وشبارقة وفيصل سعد وآخرين؟ .. والله إت ورئيستك أمال حيرتونا عديل لا إستسلام واضح لا إنسحاب مباشر .. عموما لو في نظام تبادل أسرى أنا شخصيا في سبيل عودتك لسفوفنا مستعد لأي شروط تفرضها رئيسة قوات التمرد.. بس كيف أمال توافق .. ولك الود ولروبس اضعاف.. تشاوووو

لا يا أبو أماني كلو إلا عادل عسوم إحنا ما بنرضى فيهو
الراجل واقف في صفنا من البداية
عشان كدا لو كتبناكم عند الفقرا هو ما ح نكتبو
وياريتكم لو بتشبهوهو انتو بس غيرانين منو
عادل عسوم احنا مستنيين لمة الشرقية عشان نجي ونقابل المدام ونحييها ونهنيها عليك وما شاء الله وربنا يخليكم لي بعض كيتن في الحساد
قال إيه مرة هو ومرة شو لمن لخبطنا بقينا لا عارفين الهو من الشو

[imported_نزار حسن علي]

ابو اماني
صباحك ورد
والاخوات ربي وتحفه حواء
صباحكم والمعاكم عسل
شفته يا ابواماني الحريم ديل الواحده ما بتجيب اخره الا تحصل مصيبه كبيرة او يتشاكلن مع بعض او يختلفوا في شئ نحن لا نعلمه زي الحرامية ما تعرفن سرقوا الا يختلفوا في توزيع القروش اها ديل نفس الفيلم احكي ليك يا ربي وتحفه حواء عندنا واحد معانا في الغربة زوجته بتدفع للفكي مليون اثنين مليون عادي اية رايكم كل ما تنزل السودان لكن شوفو الفكي الله ينعله شغال كيف اول حاجة بيطبخ من الليل لغداء بكرة وشوف نظري يا ابو اماني حتي التحليه يعمله لما اقول ليهو خليها التعملوا هي يقول لية انا ما عندي حاجة احسن اساعده ان شاء الله من طبيخ وغسيل وداده لطفله واحده ودوامو مسكين من الصابح للساعة سته يرجع يا حرام يلقاها ملبسة بنتها للسوق جري قبل ما يقفل ولما السوق يقفل يمشوا المول لانو بيقفل متاخر ويرجعو بعد الساعة 12 مساء ويرجع يجهز العشاء عندنا قريبتنا لما تدعي ليها واحدة تقول ليها تاكلي الاكلتو زينب وحاسن اها دي تاكل الاكلتوا زينب ومحاسن والصباح يطلع يا حبه عيني وهي نايمة للساعة ثلاثة يرجع يتغدي في البيت ويرجع الشغل تاني والساقية مدورة طبعا الفكي البتمشي ليهو يا ابو اماني بعيد من السامعين في امدرمان وناس شافوها هناك يعني بالدليل القاطع هل تصدقي يا ربي وتحفه حواء عندنا صديقنا ماشي السودان اجازة قلنا ليهو نقطع ليك التذكرة وكلوا علينا من مصروفات بس تمشي وين الفقراء بتاعين مايرنو هناك في سنار قالوا شغل نضيف ابواماني اوعي يكون الحريم ديل بقروا في كلامي ده قال ما بمشي محلات زي دي لو عندكم فكي في الخرطوم بمشي عامل فيها قيافة التقول شغال في وووول ستريت المهم ما زلنا بنفتش لزول تاني يكون قريب من منطقة العمليات عشان يعمل لينا شغل يفك الشغل العجيب ده
مودتي بلا حدود

[imported_rubs]

المشاركة الأصلية كتبت بواسطة نزار حسن علي

ابو اماني
صباحك ورد
والاخوات ربي وتحفه حواء
صباحكم والمعاكم عسل
شفته يا ابواماني الحريم ديل الواحده ما بتجيب اخره الا تحصل مصيبه كبيرة او يتشاكلن مع بعض او يختلفوا في شئ نحن لا نعلمه زي الحرامية ما تعرفن سرقوا الا يختلفوا في توزيع القروش اها ديل نفس الفيلم احكي ليك يا ربي وتحفه حواء عندنا واحد معانا في الغربة زوجته بتدفع للفكي مليون اثنين مليون عادي اية رايكم كل ما تنزل السودان لكن شوفو الفكي الله ينعله شغال كيف اول حاجة بيطبخ من الليل لغداء بكرة وشوف نظري يا ابو اماني حتي التحليه يعمله لما اقول ليهو خليها التعملوا هي يقول لية انا ما عندي حاجة احسن اساعده ان شاء الله من طبيخ وغسيل وداده لطفله واحده ودوامو مسكين من الصابح للساعة سته يرجع يا حرام يلقاها ملبسة بنتها للسوق جري قبل ما يقفل ولما السوق يقفل يمشوا المول لانو بيقفل متاخر ويرجعو بعد الساعة 12 مساء ويرجع يجهز العشاء عندنا قريبتنا لما تدعي ليها واحدة تقول ليها تاكلي الاكلتو زينب وحاسن اها دي تاكل الاكلتوا زينب ومحاسن والصباح يطلع يا حبه عيني وهي نايمة للساعة ثلاثة يرجع يتغدي في البيت ويرجع الشغل تاني والساقية مدورة طبعا الفكي البتمشي ليهو يا ابو اماني بعيد من السامعين في امدرمان وناس شافوها هناك يعني بالدليل القاطع هل تصدقي يا ربي وتحفه حواء عندنا صديقنا ماشي السودان اجازة قلنا ليهو نقطع ليك التذكرة وكلوا علينا من مصروفات بس تمشي وين الفقراء بتاعين مايرنو هناك في سنار قالوا شغل نضيف ابواماني اوعي يكون الحريم ديل بقروا في كلامي ده قال ما بمشي محلات زي دي لو عندكم فكي في الخرطوم بمشي عامل فيها قيافة التقول شغال في وووول ستريت المهم ما زلنا بنفتش لزول تاني يكون قريب من منطقة العمليات عشان يعمل لينا شغل يفك الشغل العجيب ده
مودتي بلا حدود

والله حيرتنا معاك .. والوصف البتحكى بيه دا الا وصف زول مجررررررب اوعه تكون دا انت الشقيان دا.. لانك بتتكلم مغبووووووووون .. اكان انت قول ما تخجل .وقول الجماعه هارشينك وكدا خلى عملتها لينا فقير وقفير هاهاها

ولاتكون ناوى تكتب مرتك وتعملها ذى الخاتم فى الصباع؟؟.. بس من غير ما تعب حالك وجيبك المراه محتاجه كلمه طيبه ويد حنينه تطبطب عليها لمن تتالم ومافى داعى تخسر قروشك وتسمع كلام ابو امانى .. تلقاه مبسوووووط وعامل القهوه دى اقزقز بينا ..

[imported_نزار حسن علي]

ربي
نهارك قشطه
انا امى مسمياني شيال التقيلة تقولي لي مكتوب دي ذكرتني بواحد صديقنا دي ما متاكد منها انو زوجته بتكتبوا ام لا لانو اهلو قالوا لية صاحبك ده مكتوب هو بشرب قال لية الكتابة ما بتمسك مع الشراب خليها تكتب زي ما عايزة وهي بتعارض في الشراب وما وجدوا حل وسط انا قلت ليها خايهو براهو بخليهو وفي سري كتابتك كلها وقروشك رايحة ساكت لا بسيب ليك شراب ولا شئ والله يا ربي انا بنقل ليك واقع انا عايشة مع الحلوين ديل هسه ده كلو خليهو انتي كتابتك كيف والفكي قريب ولا بعيد منك شكلك كده بعيد منك مشوار ونهزه لما تصليهو نفسك يقوم عشان دة حق الماشة تكتبيهو والله يا ربي دي صور حيه معاشة ولدي المزيد بس انتي فكي اخرك عشان نريح ابواماني الراجل الجميل ده
مودتي بلا حدود

[imported_rubs]

المشاركة الأصلية كتبت بواسطة نزار حسن علي

ربي
نهارك قشطه
انا امى مسمياني شيال التقيلة تقولي لي مكتوب دي ذكرتني بواحد صديقنا دي ما متاكد منها انو زوجته بتكتبوا ام لا لانو اهلو قالوا لية صاحبك ده مكتوب هو بشرب قال لية الكتابة ما بتمسك مع الشراب خليها تكتب زي ما عايزة وهي بتعارض في الشراب وما وجدوا حل وسط انا قلت ليها خايهو براهو بخليهو وفي سري كتابتك كلها وقروشك رايحة ساكت لا بسيب ليك شراب ولا شئ والله يا ربي انا بنقل ليك واقع انا عايشة مع الحلوين ديل هسه ده كلو خليهو انتي كتابتك كيف والفكي قريب ولا بعيد منك شكلك كده بعيد منك مشوار ونهزه لما تصليهو نفسك يقوم عشان دة حق الماشة تكتبيهو والله يا ربي دي صور حيه معاشة ولدي المزيد بس انتي فكي اخرك عشان نريح ابواماني الراجل الجميل ده
مودتي بلا حدود

اخر شنو البتتكلم عنو احنا وااااااااااضحيييييييين ذى الشمس وما بنحب اللون الرمادى احنا ناس يا ابيض ياسود لكن مش رمادى (سميره سعيد ).. والفقير دا ماشوفتو الا فى الافلام المصريه (دقه زار ) وما عندنا مشكله الجكس طيييب وعلى نياتو وانا عسل معاه الله لاجاب فقير ولا فكى .. والببارى الفقرا واطاتم اصبحت لانو الزول المكتوب بكون ذى القنبله الموقوته ممكن تنفجر فى اى لحظه خصوصا اذا الفكى ما كاااارب .. وانا والله معاك فى انها قصص واقعيه ومربوطه للاسف بالواقع السودانى جدا وبفتكر الناس البتعاملو معاهم ايمانهم ما قوى وارادتهم مزعزعه واصلا افكارهم مجهجه. من البدايه الواحده \الواحد بكون ما واثق فى نفسو او نفسو فى حاجت غيرو وماقادر اعملها او اتعب ليها اقوم اكتب وابدا فى سيناريو الفكى والفقره والزار ... بس مصره انت مالك ما مكتوب اكون الكتابه ما مشت فيك ... اوعه تكون .....خليها مفتوحه .. اما الوجيه ابو امانى خليه فى سماحتو المزعومه الخوف اصدق كذبتو وافتكر نفسو فعلان سمح ..
ولك الود كل عام ...

[imported_نزار حسن علي]

ربى
نهارك قشطه
كويس تقولي لي اوعي انته كدا وكدا الله غالب ما الحاريه فيك عارفه انا بعرف ناس من عدم اليقين لانو بعرف ناس بصلوا الصبح في الجامع وحافظين اجزاء من القران وبرضو بمشوا للفقراء وكده المساله يقين وعزيمه ولا شنو المهم شغلكم تقيل خفو علي الشباب شوية تعبوا وقالوا الروووووب الشغالين ليهم ديل ام الحبيب ابواماني مكمل السماحه بس انتو خلو قلبكم تقيل من المفاجاه الجاياكم عارفه الحريم السخنو موضوع الفقراء ده لو خلوهو علي الرجال كان زمان الفقراء طفشوا وشافوا ليهم بلد ادسوا فيها لكن انتو المطاوله بتاعتكم والجرسة دي البتخلي الفكي تعملوا ليهو مكانه في الاول الفكي يكون مويه ما عندو في البيت يشرب من زير الشارع الان خليتوهم يركبوا عربات ويتكلموا بالموبايلات وينظروا كمان نقول شنو يا ابواماني
في زول كده لبت من جبنا سيرة ناس مايرنو ما ظهر وينو فتشوا عليهو ما يكون الوركينق مشي فيهو( تحفه حواء)
مودتي بلا حدود

[imported_تحفة حوا]

المشاركة الأصلية كتبت بواسطة نزار حسن علي

ربى
نهارك قشطه
كويس تقولي لي اوعي انته كدا وكدا الله غالب ما الحاريه فيك عارفه انا بعرف ناس من عدم اليقين لانو بعرف ناس بصلوا الصبح في الجامع وحافظين اجزاء من القران وبرضو بمشوا للفقراء وكده المساله يقين وعزيمه ولا شنو المهم شغلكم تقيل خفو علي الشباب شوية تعبوا وقالوا الروووووب الشغالين ليهم ديل ام الحبيب ابواماني مكمل السماحه بس انتو خلو قلبكم تقيل من المفاجاه الجاياكم عارفه الحريم السخنو موضوع الفقراء ده لو خلوهو علي الرجال كان زمان الفقراء طفشوا وشافوا ليهم بلد ادسوا فيها لكن انتو المطاوله بتاعتكم والجرسة دي البتخلي الفكي تعملوا ليهو مكانه في الاول الفكي يكون مويه ما عندو في البيت يشرب من زير الشارع الان خليتوهم يركبوا عربات ويتكلموا بالموبايلات وينظروا كمان نقول شنو يا ابواماني
في زول كده لبت من جبنا سيرة ناس مايرنو ما ظهر وينو فتشوا عليهو ما يكون الوركينق مشي فيهو( تحفه حواء)
مودتي بلا حدود

شوف يا نزار
موضوع الفقرا دا كبير ومتشعب مثلا ليه أصلا بنلجأ للفقرا المرأة البيعاملها زوجها كويس ليه تمشي لي فقير ؟
وهل عمل الفقير دايما مضمون ولا الحكاية استنذاف قروش ؟
عموما بطمنك المرأة الفاهمة تعاليم دينها وأنو حاجة زي دي تمرق الواحد من ملة الإسلام لايمكن تقصد فقير والمرأة المتعلمة التي تأخذ بالأسباب والمنطق لايمكن تعمل كدا
بعدين ياخي ليه الضرر شوف القصة دي :
قالوا واحدة خافت راجلا يعرس فيها قامت مشت لي فكي وأداها عمل بعد ما دفعت الملايين المهم زولتك جابت العمل وجات البيت ولم تنم لمدة تلاتة أيام (ضميرا ما رحما ) قامت كبت العمل في موية وأدتو للخروف المربوط في الحوش بعد يومين حال الخروف اتغير والزوج الماداري بي حاجة قال لازم نحللو (نضبحو ) وفعلا ضبحوا الخروف وأثناء ما الزوجة بدأت بطبخ الباسم (الراس) وعندما فتحته كانت المفاجأة
ح أكمل ليكم بكرة هههههههههه

وجدت ولا موأخذة دود يخرج من رأس الخروف فتخيلو معي لو كان الزوج الضحية (أعوذ بالله )
طبعا لانملك أي دليل على صحة هذه الحكاوي
ولكن أقول كيف تخسر المرأة دنيتها وآخرتها من أجل رجل مهما كان حتى لو كان أبو أماني زاتو

[imported_أبو أماني]

المشاركة الأصلية كتبت بواسطة نزار حسن علي

ربى
نهارك قشطه
كويس تقولي لي اوعي انته كدا وكدا الله غالب ما الحاريه فيك عارفه انا بعرف ناس من عدم اليقين لانو بعرف ناس بصلوا الصبح في الجامع وحافظين اجزاء من القران وبرضو بمشوا للفقراء وكده المساله يقين وعزيمه ولا شنو المهم شغلكم تقيل خفو علي الشباب شوية تعبوا وقالوا الروووووب الشغالين ليهم ديل ام الحبيب ابواماني مكمل السماحه بس انتو خلو قلبكم تقيل من المفاجاه الجاياكم عارفه الحريم السخنو موضوع الفقراء ده لو خلوهو علي الرجال كان زمان الفقراء طفشوا وشافوا ليهم بلد ادسوا فيها لكن انتو المطاوله بتاعتكم والجرسة دي البتخلي الفكي تعملوا ليهو مكانه في الاول الفكي يكون مويه ما عندو في البيت يشرب من زير الشارع الان خليتوهم يركبوا عربات ويتكلموا بالموبايلات وينظروا كمان نقول شنو يا ابواماني
في زول كده لبت من جبنا سيرة ناس مايرنو ما ظهر وينو فتشوا عليهو ما يكون الوركينق مشي فيهو( تحفه حواء)
مودتي بلا حدود

تعرف يا أبو النزر حبوبتي الله يرحمها حكت لي عدة حكاوي في الموضوع ده عشان تعرف إجرام الحريم ديل .. قاتللي واحدة راجلها حمش من نوعنا أنا وإنت ..أم اماتي .. (فووتي المرة دي بس!) يا أخي مر بشكل دخلته البيت ناس البيت كلهم عاملين إنتباه خليك من ناس البيت أي كائن حي في البيت بيكون (هاااي تينشن) الضبانة في بيته ماقاعدة تنوني .. الباعوضة يتم يومها كان دقست وقبال تقرصه قالت نينينيني! المرأة كان ناداها وهي في حفرة ال... هي والحفرة يكونوا قدامه في ثانية .. المرأة زهجت خلااااس وصاحباتها ودوها لفكي .. والراجل قطرهن لحدي مادخلوا بيت الفكي ولبد جمب الشباك وسمع الحوار جوه القطية .. هاك يامولانا دي 500 جنيه تخلي لينا راجل فلانه دي زي الغنماية .. أصلوا مايقول (بغم).. الفكي شال القروش واداها صرة قال ليها نص معلقة تخلتيها مع الشاي ولا الأصير.. تخليه ليك غنماية أديييل كده..شالتها زولتك والراجل جري قدامها على البيت .. رقد في السرير ولما جاءت قال ليها أعملي لي شاي بسرعة .. قامت بالتعليمات تمام وزولكم خت الكباية الفاضية وتنح وشه ودلقن شلاضيموا وقعد يهوزز رأسه..ويعمل روحه بيجتر الأكل زي الغنماية المرأة إنخلعت وقالت ليو أبو فلان مالك! قال ليها ميييع وصرخت وجرت بالحوش وهو ماشي وراها وشغال ميييييع ميع مييع ..قفلت الحوش وجري علي الفكي .. ولما قالت للفكي هي لاكين يا مولانا مابقيته غنماية عديل ..كان من خلفها صوت ما بيغباها يقول غنماية في عينك يابت ال... وعقبها مجموعة بسطونات على ظهرها نال الفكي منها الريع الأكبر وخسر عقبها مبلغ 500 جنيه.. هذا ولازالت البعوضة في بيته تقرص من سكات حتى يومنا هذا .. جيب واحده يانذار زي دي وأعدك بالسجال .. كيتن في ناس كده ولكم الود خالصا