اغاني .. واغاني

[قيقراوي]

كل عام والجميع بخير
خلونا في المهم ...

السنة دي كيف!؟














-----

زي ما قالت ذكية الذكية بي غادي:

مع الاوضاع السورية الملتوثة حولين بلا فطام ...
وترشيح الاوضاع المصرية لانفجار إلتواثي حاد ...

اها مااا شايف ليكم حل غير اغاني واغاني

قلنا نحجز البوست ؤ كدا

ربنا يرحم نادر و محمود ويتولاهم برحمتو ..
ونحنا معاهم اذاما صرنا الى ما صاروا إليه

[قيقراوي]

كتب الصديق ناصر عز الدين الليندي:

أغاني واغاني السنة دي فيه تغير كبير علي مستوى الفنانين المشاركين ونتمنى أن يكون هناك تغيير ايضاً في محتوى الحلقات واضافة معلومات للمشاهدين ، والتغيرات التى حدثت علي مستوى المشاركين فقد تم الاستغناء في هذه النسخة عن الحرس القديم ( عاصم البنا وعصام محمد نور وشريف الفحيل وحسين الصادق وريماز ميرغنى وشموس ابراهيم وافراح عصام وصباح عبد الله ومنار صديق ) وتبقى فقط ( جمال فرفور وطه سليمان وفهيمة عبدالله ) وتمت اضافة كل من ( مصطفى السني - معتز صباحي - نادر عثمان جمال الدين - نسرين هندي - احمد المأمون - معاذ صلاح بن البادية - فاطمة عمر - مني - زحل )

[قيقراوي]

اعتبر الشاعر والاعلامي السر قدور برنامج ( اغاني واغاني ) ان التغيرات التى طالت البرنامج هذا العام لن تفقده ارضيته لان هذه طبيعة الاشياء حد تعبيره لافتا الى ان الذين تم اشراكهم هذا العام يعتبرون اضافة حقيقة له مشيراً في حديثه بعد عودته من مقر اقامته بالعاصمة المصرية القاهرة استعدادا لتسجيل حلقات البرنامج ان الفنان معتز صباحي اذهله اثناء البروفات قائلا( الود دا غناي وبغني بمشاعر واحساس ما عادي ) واشاد قدور بنجل الفنانة حياة طلسم المطرب الشاب مازن عثمان جمال الدين ومعاذ بن البادية وقال عنهما ( ديل اولا بيوت الفن ) ورفض الحديث الذي يشير الى استبعاد عاصم البنا وعصام محمد نور مؤكدا انهما لم يستبعدا بل ظروفهما الخاصة حالت دون مشاركتهما مردفا بقوله نهر النيل يتجدد ولايفقد جماله وهذا هو حال ( اغاني واغاني ) يتجدد ويظل جميلاً

http://sudanafoogonline.com/?p=2979

[قيقراوي]

05-19-2013 06:40
السر قدور يستعين بمجموعة من كورال الاحفاد في برنامج (أغاني وأغاني)



يبدو بأن نشاطات جامعة الاحفاد للبنات ستنتقل هذا العام من المركز النشاطي الطلابي والمهرجانات السنوية المصاحبة للاكاديميات إلى القنوات الفضائية خصوصا قناتي الشروق والنيل الازرق فقد قررت ادارة برنامج (أغاني وأغاني) الذي يقدمه الشاعر السر قدور الاستعانة بمجموعة من كورال الاحفاد في نسخة هذا العام.

http://nafaj.com/news-action-show-id-10388.htm

[قيقراوي]

http://www.youtube.com/watch?v=SzSsi...etailpage#t=3s

فاطمة عمر

[قيقراوي]

http://www.youtube.com/watch?v=awi2X...layer_embedded

نسرين الهندي

[فتح العليم]

المشاركة الأصلية كتبت بواسطة قيقراوي

http://nafaj.com/news-action-show-id-10388.htm

خطير ياقيقا
رايك شنو ناس سودانيات فاطرين معاك يوم في رمضان .
عارفينك جعلى وحا تقول على بالطلاق .
بس تذاكر السفر طيران ما تحلف عليها
مع احترامي

[خال فاطنة]

سلام يا قيقا...
الله يرحم الحوت و نادر

التغيير كان ضروري لأن البرنامج كان ماشي على ان يكون ممل ...

( مصطفى السني - معتز صباحي - نادر عثمان جمال الدين - نسرين هندي - احمد المأمون - معاذ صلاح بن البادية - فاطمة عمر - مني - زحل )

المجموعة دي كويسة خصوصا مصطفى السني + معتز صباحي + نسرين الهندي

كنت أتمنى إضافة محمد تبيدي و مبارك الشيخ و عمر جعفر، لكن لو كانت الأرزاق تأتي بالحجى هلكن من جهلهن البهائم....

[قيقراوي]

المشاركة الأصلية كتبت بواسطة فتح العليم الإمام

خطير ياقيقا
رايك شنو ناس سودانيات فاطرين معاك يوم في رمضان .
عارفينك جعلى وحا تقول على بالطلاق .
بس تذاكر السفر طيران ما تحلف عليها
مع احترامي

روي في (الحديث) التلفيقي عن قيقا ان قال:
من حج بيت الله، او اعتمر ولم يزرني، فقد جفاني
رواه قيقاراوي همسلف .. واضاف؛
المافي شنو!؟
ضيوف الرحمن يعتبروا ضيوف شخصيين لدى فتح الرحمن



-----

ياخي واحنا في ديك الساعة لمن تشرفونا
الا موضوع التزاكر دا صعيب شديد ..
الظرف اللقتصادي (داغط) .. ونحنا عندنا بنات بنربي فيهن
تذاكر تنجح .. الفيزا علينا .. والتكت عليك
اتفقنا؟

[طارق صديق كانديك]

المشاركة الأصلية كتبت بواسطة قيقراوي

http://nafaj.com/news-action-show-id-10388.htm

السر قدور يستعين بمجموعة من كورال الاحفاد في برنامج (أغاني وأغاني)

[IMG]http://www.sudanyat.org/vb/uploaded/908_1373215599.jpg[/IMG]


يبدو بأن نشاطات جامعة الاحفاد للبنات ستنتقل هذا العام من المركز النشاطي الطلابي والمهرجانات السنوية المصاحبة للاكاديميات إلى القنوات الفضائية خصوصا قناتي الشروق والنيل الازرق فقد قررت ادارة برنامج (أغاني وأغاني) الذي يقدمه الشاعر السر قدور الاستعانة بمجموعة من كورال الاحفاد في نسخة هذا العام.

يستعين طواااالي والله

الله يعينا نحن

[طارق صديق كانديك]

غايتو البعرفو يا قيقا يا أخوي، مصطفى السني تمام، وفهيمة تمام، ومعتز صباحي ونسرين الهندي لحظة يجوا يغنوا أخوك بشوف ليهو قناة تانية أكيد. الباقيين بنديهم فرصة نسمع غناهم وبعدين نقيّم.

[خال فاطنة]

المشاركة الأصلية كتبت بواسطة طارق صديق كانديك

يستعين طواااالي والله

الله يعينا نحن

كيفك يا زول جميل؟

[عبد العظيم السعيد]

المشاركة الأصلية كتبت بواسطة قيقراوي

كل عام والجميع بخير
خلونا في المهم ...

السنة دي كيف!؟

ياخ ود قدورعصر علينا شديد في استبعاد صباح ..
والحقوق محفوظة لطارق ..
رمضان كريم قيقراوي ..

[طارق صديق كانديك]

الصديق الأديب عبدالغني كرم الله كتب:

[قيقراوي]

مهند
خالها لا فاطنة
كانديك

ياخي شكرن كتيرن لاكرامنا بجدعات الصوفي العميق كرم الله
العارف ببواطن الحقيقة .. مستشف من كل شيءٍ جمالاً




-----

جملتم ليلتي ..
ومنحتوها رحيق طاااعم