عثمـااان حسين... الفناااان الذى طرزّ أحرف الشـــعراء بخيوط مــن الذهــب..!!

[رهف]

[align=center]لمتين
يلازمك فى هواه مر الشجن

لمتين..لمتين

و يطول بايامك سهر.. و يطول عذاب

يا قلبى لو كانت محبتو.. بالتمن

يكفيك هدرت عمر.. حرقت عليه شباب

لكن هواك اكبر.. و ما كان ليهو تمن

و الحسرة ما بتنفع و ما بيجدى العتاب

احسن تخليهو لليالى .. للزمن

يمكن يحس ضميرو.. و يهديه للصواب

لكنى اخشى عليهو من غدر الليالى

و اخشى الامانى تشيلو.. عشنا يبقى خالى

هو لسة فى نضارة حسنو.. فى عمر الدوالى

ما حصل فارق عيونى لحظة.. او بارح خيالى

اغفرلو يا حنين.. و جاوز لو ظلم

ما اصلها الايام مضن و العمر ومضة امانى

و اصبر.. و اصبر

و اصبر على جرحك و ان طال الالم

دى جراحنا باشواقنا بتضوى الزمان

انا عارفو بكرة بعود و فى رعشة ندم

ننسى الحصل بيناتنا و السهر اللى كان

تصبح حياتنا نغم.. عشنا يبتسم

و تعود مراكب ريدنا لى بر الامان

.............[/align]


و يا سلااااام..

على عذوبة و لطف العاطفة..

ايثار و حوار..مع القلب..فى( صولو ) رقيق..يتجرد فيه الاحساس من كل شيء

الا الاعتراف.. بان قوانين الحياة قد تقوى..فى حين انه قد لا تقوى العاطفة

لا تنهزم..لا تموت..لا تتركنا و شأننا..لكن تخضع و تطيع للواقع الامر..

و ما ان ينشغل عنها قليلا..الا و تتحين الفرصة لايقاظ شيء من الدواخل..

فتأتى حوارات يلفها الشجن..و تكشفها الاشواق..


و اصبر على جرحك و ان طال الالم

دى جراحنا باشواقنا بتضوى الزمان


ليهون العمر امامها..و تاتى الامنيات..بعودة الماضى الجميل..


اغفرلو يا حنين.. و جاوز لو ظلم

انا عارفو بكرة بعود و فى رعشة ندم

ننسى الحصل بيناتنا و السهر اللى كان

تصبح حياتنا نغم.. عشنا يبتسم



و تااااانى..يا سلااااام..

طرب يرفعنا الى قمة..نرى منها ان الامس آتى..



يا ود عثمان..

يا الرائع ديمة..

وااااصل..الى ما لا نهاااااية..فى عالم ذلك الرجل النغمة.