عليكم الله أعفوا لي

أبوبكر عباس · 21-04-2013, 06:51 PM

عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت:
تعرف، خالتي ست الدار، مرة مطرطشة وعنصرية من غير ما تدري.
تجينا في كوبر من السجانة وأول ما تدخل البيت وقبل ما تسلم علي تقول لي:
عليك الله، يا عمر ولدي تعفي لي
- في شنو يا خالة؟ عافي ليك، بس قولي لي أعفي ليك شنو؟
- جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي.
- لكن يا خالة، الجنوبيين ديل، ما زيينا وأخوانا.
- ما عارفة، بس اتّا أعفي لي...

فتح العليم · 21-04-2013, 06:55 PM

العفو والعافية

أبوبكر عباس · 21-04-2013, 07:06 PM

ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين.

لو طولت عليكم؛ أعفوا لي.

جاي للموضوع الاساسي

مبر محمود · 21-04-2013, 07:21 PM

اقتباس:

المشاركة الأصلية كتبت بواسطة بابكر عباس

جاي للموضوع الاساسي

لو ما جيت عافيين ليك!

لنا جعفر · 21-04-2013, 07:24 PM

اقتباس:

المشاركة الأصلية كتبت بواسطة بابكر عباس

ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة).
كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين.

لو طولت عليكم؛ أعفوا لي.

جاي للموضوع الاساسي

يادكتور مساك خير وعافية
ليه انا ما حاسة بالأطمئنان ناحية آخر جملة دي ؟؟؟
قلبي موغوشني جداً بس ربك يكضبني ....قادر ياكريم
عاين يللا لي موضوعي اول
طلب عفوك ده لو صح يبقى انا تحسبني بره الناس دي
لأنه انا اليفترض اقدم ليك الطلب ده
كلامي ده بقولو رغم انطباعك بتاع نار الله الموقدة داك
بس ياااابابكر ما تكون دردقتني لانه ح اجاهد فيك لو الموضوع طلع فخ

معتصم الطاهر · 21-04-2013, 07:42 PM

[youtube]http://youtu.be/4pALuGFP41g[/youtube]

أبوبكر عباس · 21-04-2013, 08:06 PM

فتح العليم ومُبر
عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة

http://www.youtube.com/watch?v=ETYcS5h_oPs

مها عبدالمنعم · 21-04-2013, 08:09 PM

قبل اعرف شنو الموضوع الحاجه دي اتعلمتها من والدي طوالي بقوله اعفو عني والا العفو لله والرسول
بس لله والرسول
واحلي شي لمن يكون زعلان منك لاي سبب زعل ابهات تجي تقول ليه ابوي ؟يرد عاوزه شنو
لالا بس انا مارقه اعفي عني ياحليلو يقول ليك يابتي عافي منك دنيا واخره
والا ساي تلقي ماسك ليه كتاب ابوي ابوي
مالك يامها
عليك الله اعفي عني ربنا يخليه يارب ويديه الصحه والعافيه

بدور التركي · 22-04-2013, 12:06 AM

العفو والعافية

فيصل سعد · 22-04-2013, 03:50 AM

انا غايتو ما عافي ليك بتاتا و اطلاقا ..
وحاة سيدي الحسن الا ترسل ترسل تذكرة
ذهابا و ايابا و بارخص سعر

جيجي · 22-04-2013, 09:39 AM

غايتو مبدئيا كدا ممكن نسمي البوست دا انتكاسة بكة

وفي الانتظار

بله محمد الفاضل · 22-04-2013, 09:59 AM

دنيا وأخرة يا بابكو
وكان الأخرة ما معاك

أعفي لي بالله
...

فتح العليم · 22-04-2013, 10:46 AM

اقتباس:

المشاركة الأصلية كتبت بواسطة بابكر عباس

فتح العليم ومُبر
عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة

http://www.youtube.com/watch?v=ETYcS5h_oPs

سبحان الله يادكتور على عبارة اعفو لى ، انا من دوماً استعمل تلك العبارة وارتاح نفسياً عندما اودع شخص واقول له اعفو لي لذلك دخلت على تلك العبارة دخولاً حسنا.
ولك العفو مرة اخرى في الدنيا والاخرة .
مع احترامي

أبوبكر عباس · 22-04-2013, 12:53 PM

حلمت انو المثقف الكبير، الأستاذ المُبر محمود توسط لي للحصول على حساب للكتابة بسودان فور أول وقد تم ذلك. في عين النائم أحسست بالثقافة والإصطفاء والعظمة وفي نفس الوقت بالحيرة؟
الحيرة في شنو؟
واحد: وانا في عين النائم حسيت بزعل ناس سودانيات بعد مداخلتي الاولى بفور أول في شكل عرق يميني، فعلمت أنني حرقت مراكب العودة (في اللحظة دي كان شبح حافظ الحاج بتحاوم حولي مع طيور الحمام البيضاء).
إتنين: في مداخلتي الأولى كتبت نقد لنجاة محمد علي محتجا على إزدواجية المعايير لديها وبديتها ب: وحات سيدي الحسن تحنني يا نجاة، وزيلت مداخلتي ب: لو كلامي دا، ما صاح عليك الله تعفي لي؛ عينك ما تشوف إلا النور، قالت لي: يا أُستاذ بابكر، لو دي، ياها أدوات كتابتك؛ أقترح عليك الكتابة في منتديات العوام، نحن منتدى محترم، الكلام من شاكلة "أعفوا لي" ووحات سيدي الحسن" و"حننتني" مليانة لغة هلامية تتنافى مع رسالة العمل العام في منتدانا.
في نومتي ديك، خفت خوف شديد، موش من مداخلة نجاة بس، لكن قلت في سري: دي المرة كدا، لو جاني الخطير داك، أمشي وين؟
في عين النائم داك، قلت: "من ساب دارو قل مقدارو"، لكن كيف أطلب العفو من ناس سودانيات؟ حمدت الله انو علاقتي مع لنا جعفر في المستوى المحافظ وبذلك ضمنت ردة فعل اليسار المحافظ جدا هذه الأيام.
وقلت: العود أحمد

Sahar · 22-04-2013, 01:13 PM

بابكر عباس

تبدي لي مؤخراً، بعد قراءاتٍ مُتانيةٍ، بانكَ كاتبًٌ جيدٌ.

واكتشفت، ان شاء الله كده اكتشافي ده يعني ما يكون متأخر، انو القراية ليك مُمتعة

21-04-2013, 06:51 PM	#[1]
أبوبكر عباس :: كــاتب نشــط::	عليكم الله أعفوا لي عمر بانقا زميلي بسكن عزابة الشارقة، طويل، نحيف وأسود كالأبنوس، قال لي ونحن قاعدين تحت نخلة البيت: تعرف، خالتي ست الدار، مرة مطرطشة وعنصرية من غير ما تدري. تجينا في كوبر من السجانة وأول ما تدخل البيت وقبل ما تسلم علي تقول لي: عليك الله، يا عمر ولدي تعفي لي - في شنو يا خالة؟ عافي ليك، بس قولي لي أعفي ليك شنو؟ - جيت بالسوق الأفرنجي، لقيت لي ولد ضربتو في ضهرو، قايلاهو انت، لكن لمان إلتفت عليّ لقيتو جنوبي، عليك الله يا عمر تعفي لي. - لكن يا خالة، الجنوبيين ديل، ما زيينا وأخوانا. - ما عارفة، بس اتّا أعفي لي...
أبوبكر عباس :: كــاتب نشــط::

21-04-2013, 06:55 PM	#[2]
فتح العليم :: كــاتب نشــط::	العفو والعافية
فتح العليم :: كــاتب نشــط::

21-04-2013, 07:06 PM	#[3]
أبوبكر عباس :: كــاتب نشــط::	ما داير أناقش في البوست دا، عنصرية الوعي واللا وعي المستترة داخل مجتمعنا، لكن داير أقول انو أنا إلتقطت جملة "أعفوا لي" منذ إتناشر سنة وصرت أستعملها لتبريد جلافتي في الحوارات وصنع نوع من الود مع الطرف الآخر وقولها في نهاية أقوالي بتفتح لي مخرج (مراقة). كانت هذه الجملة مراقة الإشتباكات داخل بيت العزابة، مثلا لو زغت من غسيل العدة في يومك وجيت راجع من السينما لقيت شانين عليك حملة، طوالي تقول ليهم: عليكم الله تعفوا لي، وحات سيدي الحسن، نسيت، الاسبوع الجاي بغسلها مرتين. لو طولت عليكم؛ أعفوا لي. جاي للموضوع الاساسي
أبوبكر عباس :: كــاتب نشــط::

21-04-2013, 07:42 PM	#[6]
معتصم الطاهر :: كــاتب نشــط::	[youtube]http://youtu.be/4pALuGFP41g[/youtube]
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي

21-04-2013, 08:06 PM	#[7]
أبوبكر عباس :: كــاتب نشــط::	فتح العليم ومُبر عشان العفو والعافية الطمجتوني بيها دي؛ أهدي ليكم أغنية لعافية حسن وربنا يدوم العفو والعافية يا حنينين وعافي ليكم غلاط سنة http://www.youtube.com/watch?v=ETYcS5h_oPs
أبوبكر عباس :: كــاتب نشــط::

21-04-2013, 08:09 PM	#[8]
مها عبدالمنعم :: كــاتب نشــط::	قبل اعرف شنو الموضوع الحاجه دي اتعلمتها من والدي طوالي بقوله اعفو عني والا العفو لله والرسول بس لله والرسول واحلي شي لمن يكون زعلان منك لاي سبب زعل ابهات تجي تقول ليه ابوي ؟يرد عاوزه شنو لالا بس انا مارقه اعفي عني ياحليلو يقول ليك يابتي عافي منك دنيا واخره والا ساي تلقي ماسك ليه كتاب ابوي ابوي مالك يامها عليك الله اعفي عني ربنا يخليه يارب ويديه الصحه والعافيه
مها عبدالمنعم :: كــاتب نشــط::

22-04-2013, 12:06 AM	#[9]
بدور التركي :: كــاتب نشــط::	العفو والعافية
بدور التركي :: كــاتب نشــط::

22-04-2013, 03:50 AM	#[10]
فيصل سعد :: كــاتب نشــط::	انا غايتو ما عافي ليك بتاتا و اطلاقا .. وحاة سيدي الحسن الا ترسل ترسل تذكرة ذهابا و ايابا و بارخص سعر
فيصل سعد :: كــاتب نشــط::	التوقيع: اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة

22-04-2013, 09:39 AM	#[11]
جيجي :: كــاتب نشــط::	غايتو مبدئيا كدا ممكن نسمي البوست دا انتكاسة بكة وفي الانتظار
جيجي :: كــاتب نشــط::	التوقيع: http://m.youtube.com/watch?v=uIbZxhLEUyE

22-04-2013, 09:59 AM	#[12]
بله محمد الفاضل :: كــاتب نشــط::	دنيا وأخرة يا بابكو وكان الأخرة ما معاك أعفي لي بالله ...
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

22-04-2013, 12:53 PM	#[14]
أبوبكر عباس :: كــاتب نشــط::	حلمت انو المثقف الكبير، الأستاذ المُبر محمود توسط لي للحصول على حساب للكتابة بسودان فور أول وقد تم ذلك. في عين النائم أحسست بالثقافة والإصطفاء والعظمة وفي نفس الوقت بالحيرة؟ الحيرة في شنو؟ واحد: وانا في عين النائم حسيت بزعل ناس سودانيات بعد مداخلتي الاولى بفور أول في شكل عرق يميني، فعلمت أنني حرقت مراكب العودة (في اللحظة دي كان شبح حافظ الحاج بتحاوم حولي مع طيور الحمام البيضاء). إتنين: في مداخلتي الأولى كتبت نقد لنجاة محمد علي محتجا على إزدواجية المعايير لديها وبديتها ب: وحات سيدي الحسن تحنني يا نجاة، وزيلت مداخلتي ب: لو كلامي دا، ما صاح عليك الله تعفي لي؛ عينك ما تشوف إلا النور، قالت لي: يا أُستاذ بابكر، لو دي، ياها أدوات كتابتك؛ أقترح عليك الكتابة في منتديات العوام، نحن منتدى محترم، الكلام من شاكلة "أعفوا لي" ووحات سيدي الحسن" و"حننتني" مليانة لغة هلامية تتنافى مع رسالة العمل العام في منتدانا. في نومتي ديك، خفت خوف شديد، موش من مداخلة نجاة بس، لكن قلت في سري: دي المرة كدا، لو جاني الخطير داك، أمشي وين؟ في عين النائم داك، قلت: "من ساب دارو قل مقدارو"، لكن كيف أطلب العفو من ناس سودانيات؟ حمدت الله انو علاقتي مع لنا جعفر في المستوى المحافظ وبذلك ضمنت ردة فعل اليسار المحافظ جدا هذه الأيام. وقلت: العود أحمد
أبوبكر عباس :: كــاتب نشــط::

22-04-2013, 01:13 PM	#[15]
Sahar :: كــاتب نشــط::	بابكر عباس تبدي لي مؤخراً، بعد قراءاتٍ مُتانيةٍ، بانكَ كاتبًٌ جيدٌ. واكتشفت، ان شاء الله كده اكتشافي ده يعني ما يكون متأخر، انو القراية ليك مُمتعة
Sahar :: كــاتب نشــط::	التوقيع: الإهداء إلى ست الحبايب أُمي يامن رأيتُها تسير وكُلها إباء وكُلها إزدهاء في دربها الطويل يُحفها السناء كنجمةٍ مضئيةٍ قديمة جديدة كهذه الثُريا قريبة بعيدة تُنير ليًّ السماء