اقتباس:
المشاركة الأصلية كتبت بواسطة جيجي
شكرا للجميع لمداخلاتهم القيمة
وان كنت انا اتحدث عن الديمقراطية كمبدأ وليس الديمقراطية العددية واللائحية
ولكل ما يراه
فقط توضيح لامال
وتذكيرها بمهام الامين العام وان اللوائح وان اتت منتسبي سودانيات من البعد او الذين اختاروا المشاركة خلف النوافذ حق التصويت الا ان مهمة الامين العام تخص الذين هم وسط العراك الحقيقي للمنتدى لانه الممثل الحقيقي لهذه المجموعة عبر تكليفهم له بالقيام بمهمته التنفيذية في الغالب
وهذه ياسيدتي مهمة الامين العام حسب اللائحة
3.5 الأمين العام
أ / : يتم إختياره بواسطة العضوية، في إنتخابات منفصلة، بالإنتخاب الحرالمباشر.
ب / : يكون مسئولاً عن تنفيذ اللائحة والميثاق وقرارات الإدارة ويكون مديرا تنفيذيا للمنتديات.
ج / له الحق في حذف أو تعديل أو نقل أيّ مداخلة / عبارة لا تتقيد بشروط الكتابة المنصوص عليها بالمادة(7) من هذه اللائحة على أن يتم إخطار العضو المعني خطياً عبر الرسائل الداخلية بالإجراء الذي تم.
د / : يعتبر مسئولاً عن المشرفين ويدير التنسيق بينهم.
هـ / : من واجبه الرقابة والتدقيق في المشاركات المطروحة في المنتدي بحيث تكون موائمة لميثاق ولوائح المنتدي.
و / : يقوم بالفصل في شكاوي الأعضاء.
ز / :عليه رفع تقاريرالأداء لمجلس الإدارة فى كل إجتماع دورى.
ولكم المودة من قبل ومن بعد
|
شكرا جيجوش ان خصيتيني بالتوضيح
كدا انا طالباك توضيح
ليه اتهمتي مهند تحديدا بالتهمة دي
وليه اخترتي تخاطبيه هنا وانتي بتخاطبيه بحق الصحبة وباسم الصداقة
ودا اشد قسوة من البخاطب ساااي او العدو حتي
الاهم
النص الجبتيه من اللائحة مابحدد الامين العام بخدم منو
ولا بقول يصوتو ليه عضوية فاعلة او خاملة
يعني ما عند علاقة اصلا بمخاطبتك لمهند
اكتر من كدا استقطاب العضوية الغير نشطة
واحدة من اولويات عمل الامين العام
بتقصوا الناس ليه بدل ترحبوا بيهم وتفتحوا ليهم الابواب
ليه بتحرموهم حق منحتوا ليهم اللائحة
زول استقطع من وقتو وجهدو وجا شارك معانا
نسود المنبر وننوح ونقبق مهند بس عشان نال اعلي اصوات حتي الان
ولسة ما معروف التصويت ماشي لوين!!!
يابديري اصحابك ديل بس ناقصم باسويرد
يسجلو وحبابم الف دا حقهم مافي زول بقدر يمنعهم
نبراس والرشيد شكرا لتوضيحاتكم