ضيف على مائدة سودانيات ...! - 20 - بابكر عباس

[زول الله]

الاديب الاريب بابكرعباس
جاييك بي اسئلة جادة المرة دي
انتظر شوية





اقول قولي هذا واستغفر الله لي....................

[أبوبكر عباس]

المشاركة الأصلية كتبت بواسطة خال فاطنة

- بابكر عباس كثيف التواجد في البوستات ذات الطابع الصراعي (من صراع) و قليل أو نادر التواجد في البوستات الهادئة، لماذا؟
- فجأة كدى و من غير مقدمات تحول بابكر عباس لعالم لغة، يرصد الأخطاء اللغوية و النحوية و علامات الترقيم..ما هي خلفيات هذا الإهتمام المفاجئ؟ هل قرأ بابكر عباس حديثا كتاب في قواعد اللغة و شال بسطونتو و جاء على المنبر، أم هو هم و إهتمام قديم؟

- لم أتعود أن أخفي رايي ولمان يكون هناك إختلاف قاعد أشوف من واجبي إبداء الراي بكل حيادية. مرات لمان تكون هناك مشكلة ولم أبد رايي فيها، قاعد أشوف نفسي متخاذل ومتناقض. عموما أطمح أن أكون عادل مع نفسي.
هناك بعض البوستات إنتقمت فوقها لنفسي، مثال: الإشتباكات مع عبد المنعم الطيب، معظم السجال أخذ طابع شخصي، أعتذر عليهو.
زمان لمان كنت قاعد مع أمي واخواتي، ما كانوا بقطعوا في زول غائب قدامي ولو حصل؛ بستجدوني عشان ما أكلمو وغالبا قاعد أكلمو قدامن.
عدم تواجدي في البوستات الهادئة وأقراءها بوستات الأدب، والنصيحة كدا، ما فيها شئ جديد يأخذ بتلابيبك ويستفزك.
- بالنسبة لموضوع اللغة، أنا ضعيف جدا بقواعد اللغة وإهتمامي منصب لعلامات الترقيم وأحاول تعلمها، ودي، حاجة مختلفة، أنا شايف انها بتخلي الكلام (حتى الدارجي) مفهوم وبتقدر تعرف مقصد الكاتب. ما حصل صححت زول في المنتدى، إلا شبارقة وقيس والرشيد كنوع من المداعبة وهم يفعلون ذلك معي كنوع من المكاواة، مرات قاعد أرسل رسائل داخلية لمان أشك في وجود خطأ كبير من قبل كاتب المداخلة، لكن بشكل عام، أنا ضد تنبيه الكاتب للخطأ الإملائي والنحوي داخل البوست.
يا أخي، أنا زول حساس!

مداخلتك أرهقتني!

[أبوبكر عباس]

عليكم الله، واحد يسألني:
حلم لم يتحقق؟

[مواهب عبد العزيز نقد الله]

لك التحايا والشكر على بخات المرح الذكى التى تعطر بها أجواء هذا المكان .................................


حلم لم يتحقق؟ ..................


كثيراً ما تكون الحقيقة الواقعية غير متطابقة مع الإنطباع الذى تتركه الكتابة فى الأسافير عن قضية معينة ,وعليه ,بى رغبة حقيقية للوقوف عند المرأة وبابكر عباس ..........رأى تفصيلى حقيقى عن نظرتك للنساء..... وفى رواية (النياق) فى عالمك ...........

[خال فاطنة]

أهم محطة بتاعت فرح و محطة بتاعت ندم في مشوار بابكر عباس؟

[أسعد]

المشاركة الأصلية كتبت بواسطة بابكر عباس

زمان لمان كنت قاعد مع أمي واخواتي، ما كانوا بقطعوا في زول غائب قدامي ولو حصل

تسلط ذكوري مقيت وفيه استقصاد بائن لنصفنا الاخرة (المرأة)
عليه اتوجه بشكوى للامانة واخص بالشكوى رئيس المجلس لاتخاذ ما يلزم جراء هذا التعدي السافر ^_^

[اشرف السر]

المشاركة الأصلية كتبت بواسطة بابكر عباس

نسيت، أمي إسمها آمنة بت أبقناية (أبقناية بالقديم)، مولودة برفاعة وتربت بمدني بالدباغة وما زالت توانس الناس وتودهم وتحمل همومهم.

الحمد لله انك ما نسيت الجزئية دي..
طبعا اخوك عامل فيها بعرف كل ناس مدني.. بعد ما جبت سيرة أبقنايه (يلحقنا ويفزعنا)...
خلاص طلعت حقنا تب

[أبوبكر عباس]

المشاركة الأصلية كتبت بواسطة مواهب عبد العزيز نقد الله

لك التحايا والشكر على بخات المرح الذكى التى تعطر بها أجواء هذا المكان .................................


حلم لم يتحقق؟ ..................


كثيراً ما تكون الحقيقة الواقعية غير متطابقة مع الإنطباع الذى تتركه الكتابة فى الأسافير عن قضية معينة ,وعليه ,بى رغبة حقيقية للوقوف عند المرأة وبابكر عباس ..........رأى تفصيلى حقيقى عن نظرتك للنساء..... وفى رواية (النياق) فى عالمك ...........

سلام يا مواهب،
حلم لم يتحقق ولن يتحقق، هو: محافظ مشروع الجزيرة، أو وزير زراعة بالجزيرة (مشروع الجزيرة لا يخضع لوزير الزراعة الولائي).
المرأة:
أخواتي كانن وما زالن نقطة ضعفي.
النساء في السودان حاليا كلهن مناضلات.
مفتاح نجاج علاقتي الإنسانية بالمرأة الصديقة هو إحساسي بعدم بخلها وضروري يكون معدل غيرتها النسائية أقل من ستين في المية، بعد داك لو طلبت روحي بديها ليها.

التربية والتنافس بينهن في السودان قاعد يطلع نسبة كبيرة من النسوان المشوهات جماليا (أقصد الجمال الداخلي).
بشكل عام: ان تكون إمرأة عايشة بالسودان؛ تستحق التعاطف.

[أبوبكر عباس]

المشاركة الأصلية كتبت بواسطة أسعد

تسلط ذكوري مقيت وفيه استقصاد بائن لنصفنا الاخرة (المرأة)

والله، يا أسعد، فعلا تسلط ذكوري، بعد زمن إكتشفت انو أنا كنت ظالم معاهن؟!لانو لو ما قطعن، يسون شنو؟

[أبوبكر عباس]

المشاركة الأصلية كتبت بواسطة اشرف السر

الحمد لله انك ما نسيت الجزئية دي..
طبعا اخوك عامل فيها بعرف كل ناس مدني.. بعد ما جبت سيرة أبقنايه (يلحقنا ويفزعنا)...
خلاص طلعت حقنا تب

أبوي من ناس الخواض ودي، من أكبر الأسر بمدني، وهم من قرية كمير العوضية المغمورة غرب شندي، هاجروا لمدني بعد قيام مشروع الجزيرة، وكلهم كانو ختمية. شيخ الطيب أبو قناية، أستاذ التربية الإسلامية بمعاهد مدني وصاحب مكتبة بالسوق (من زمان نحن رسل وعي، يوجد فصل بمدرسة السني الثانوية إسمو الطيب) هو زعيم الطريقة التجانية وأصلا من قرية الجوير الملاصقة لكمير العوضية. بالرغم من انو تجاني إلا أن آل الخواض التجار الختمية كانوا يحبونه جدا ويزورونه بالدباغة بإستمرار، ومن هنا جا النسب.

[أميرى]

علاقة بكور قلقة مع الدين ( وتقرأ مع الله) ، حسب تعليق قديم للراوي نفسه ( هيك و لا مو هيك)
السؤال:
متي بدأ بالضبط سؤالك الوجودي
في أي عمر و شنو كانت الكريتكل بوينت الأدارت جواك التساؤلات؟

[حجة امنة]

بابكر

الأخبار و الأخلاق؟!
بعد التحية و السلام

بتصلي؟!

[فيصل سعد]

الاخ الفاضل بابكر عباس لك وافر التحايا
و كثيف الود و عارم المحبة ; و اسئلتنا لك ثلاثة :

اولا :

لماذا يكره بابكر عباس امدرمان و يسخر منها على الدوام بيد
ان معظم اهل امدر يحبون مدني ؟

ثانيا :

ماذا اضافت الغربة لك و ماذا اخذت منك ؟

و ثالثا:

ماهو تعريف المثقف و المستنير و المتعلم و الجاهل و العالم و المتواضع والمزدري و المتكبر و النرجسي و الاناني على حسب موسوعة بابكر عباس و وجهة نظره الخاصة ؟؟

و لك وافر الشكر و التقدير ..

[وهاد ابراهيم محمد]

تحياتنا للضيف (النبيل) بابكر,
وللمضيفين (ما عندها علاقة بالطيّارة)


لولا العلاقة المشبوهة التي تربط (بكة) بالبروف, كنت هيأت نفسي
لماتش من (بل) مجيّه ووجيه, إنما (آآآدي البروف, وآآدي محبته).

_________

المشاركة الأصلية كتبت بواسطة فيصل سعد

ماهو تعريف المثقف و المستنير و المتعلم و الجاهل و العالم و المتواضع والمزدري و المتكبر و النرجسي و الاناني على حسب موسوعة بابكر عباس و وجهة نظره الخاصة ؟؟

بس دي ما تكون مع الرأفة يا ود سعد؟



عرفتي يا أمونة انا ضيافتكم مابياها لشنو؟

[أبوبكر عباس]

المشاركة الأصلية كتبت بواسطة أميرى

علاقة بكور قلقة مع الدين ( وتقرأ مع الله) ، حسب تعليق قديم للراوي نفسه ( هيك و لا مو هيك)
السؤال:
متي بدأ بالضبط سؤالك الوجودي
في أي عمر و شنو كانت الكريتكل بوينت الأدارت جواك التساؤلات؟

أكثر شئ شداني في التعليم المدرسي كان علم الوراثة وقوانين مندل، وأكاد أكون تيقنت منذ ذلك الزمان أن الله لا يتدخل في إحتمالات الوجود وبحثت عن معادلة لله في هذه الإحتمالات وجدت أنه يعلم بها لكنه لا يتدخل لحدوثها.