اصالة ..
جرعة منحل العسل الكلاما دقاقا ..
ببلع ريقي حسرة وبستلذ أشواقا..
قلبي الراضيه روحو وبحترق بفراقا..
يتمطق يحنن ومافي ليهو ضواقه ..
اصيلة منسلة وحرات عزاز اعراقا ..
باهية ونور وشيها البادي فوق اشراقا..
محمودة صفات والخجلة في اطراقا..
وان بسمت يشل نور الصباح براقا..
نيران العشوق هبلت تبق حراقة..
بختو الزول وكت يتهنى بي احراقة ..
في جيدا العشم والموت مباري فراقا ..
سوت لي بهادل الخدرة عند وراقا ..
رايقة وجد فهيمة نغم غناي ماراقا ...
خوسه روحي ليها مسننة وطراقة..
لينومي الخفيف في ليل اساي سراقة..
عهد الريد بتوفي الحــاشا ما خراقا..
في الخير والجمال ليها القدم سباقة..
فايتة الجيل علم روقة وسماح ولباقة..
ماست واحدة لي كل السمح طباقة ..
ياريت حظي يوم يندسى في اطباقا..
|