الزوجة أجنبية و البعْـل سوداني : ( حلاتكم عندنا و شنات بلدكم )

[الجيلى أحمد]

المشاركة الأصلية كتبت بواسطة Osman Hamad

أوريك إنت عاوز تكتب شنو، لكن غالبك !!؟

والله دا كان أنا، كان إجدعت ليك فى الجُملة والقاتل الله والحايى الله

طيب ماتقول انتا يامجنون الحصاحيصا,





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

[فتحي مسعد حنفي]

المشاركة الأصلية كتبت بواسطة الجيلى أحمد

طيب ماتقول انتا يامجنون الحصاحيصا,





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

لووووووووول دي عايزا ليها الليلة قعدة كاربة علي حسابي في مساهرون

[أبوجهينة]

المشاركة الأصلية كتبت بواسطة جعفر بدرى

الأستاذ / ابو جهينة

متّعك الله بالصحة و العافية ...... فقد أمتعتنا باسلوب متفرد ....... و حكاوى فيها خلط
محبب ما بين الكوميديا و المأساة ..... يتأرجح ما بين تطلعات مشروعة و بسيطة و متاحة
لكل خلق الله ...... و بين واقع أليم عكسته أقاصيصك بجلاء .

تشبيهاتك الساخرة ... الواقعية .... الجميلة .... أعطت النصوص إبسيابا و سلاسة ....
أن يصير جسد البنية مثل تربيزة اللحام ...... فهذا والله .... موجع و ممتع !
نتابعك ... مع كل الود .


و على المحبة نلتقى .

أخي العزيز جعفر بدري
سلام كبير و تحية

شكرا لك على هذه المداخلة الطيبة التي أسعدتنب و بكم نواصل
دمتم

[أبوجهينة]

المشاركة الأصلية كتبت بواسطة Osman Hamad

أوريك إنت عاوز تكتب شنو، لكن غالبك !!؟

والله دا كان أنا، كان إجدعت ليك فى الجُملة والقاتل الله والحايى الله

عثمان حمد
سلام أيها الصاحب

هو ما غلبْني ... و لكن تغلبتْ علي نفس أسباب جملتك ( القاتل الله و الحي الله )
أنا ذاتي كنت داير إتجدع ... بس لعنت إبليس ال كان قاعد لي في بطن الكيبورد.

دمتم

[أبوجهينة]

المشاركة الأصلية كتبت بواسطة مرافي

العزيز ابو جهينة
كالعادة وصف ممتع ودقيق
مزيييد من الابداع...
أما البعوض فقد إختفى مرهقا بعد أن ظل طوال الليل في كر و فر حتى شبع من الدماء المغربية الذي جربه كنوع جديد لم يذوقوه من قبل في سوق دماء الكلاكلة المشبع بالتركين و البوش و أنواع الويكات ،

وانا تاريني اقول المغتربين لما يسافروا
الباعوض بيلتهم اجسادن بنهم ليييه؟؟؟

سلام مربع يا مرافي
مشكورة على المرور البهي
حتى البعوض بيحب التغيير

[أبوجهينة]

المشاركة الأصلية كتبت بواسطة Hassan Farah

-----------------------------------------------------------------
شنو يا ابوجهينة ياخى انت قايم علينا-- بعل بتاعتك دى انا قريتا بغل-- يا راجل حرام عليك -- التعميم ما صح- حتى السودانيين فى بعضهم عندهم نسبة طلاق 30 % انا والمدام متزوجين منذ 45 عام الدكتورة ليلى بنتى بكرة عيد ميلادها ال44 وبنتها الكبيرة ماجدة فى السابعة عشر - لعلمك المدام عاشت معاى فى السودان واليمن الجنوبى والجزائر لعشرات السنين- فى السودان المسكينة ضربتها الملاريا وكانت بنفسها تضرب نفسها الحقن وتعودت على اكل الويكة والكسرة والملوخية وتجيد طبخها وانا وحاتك زى زى اى زول اخر لا تميز ولا يحزنون

تحياتي الحارة أخي حسن فرح
و أدام الله لكم السعادة و أمدكم بعمر مديد
بالطبع لا تفوت على فطنتك بأن القصص التي أوْردْتها ما هي إلا بضع نقاط في بحر من النجاحات التي تحققت بين أزواج سودانيين و زوجات أجنبيات. و أنا أحد الذين نجحوا في زواج من أجنبية ..
لدرجة أنها كانت تصر على العيش في قريتي بالشمال عندما نرجع نهائي من الغربة.
دمتم

[عادل عسوم]

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد)
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanyat.org/vb/showthread.php?t=7896
مودتي

[فتحي مسعد حنفي]

المشاركة الأصلية كتبت بواسطة عادل عسوم

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد)
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanyat.org/vb/showthread.php?t=7896
مودتي

عما كباسة ياعادل انت قايل روحك عمرك عشرين سنة العم دي مسموح قولها لمن هم دون الثلاين عاما من العمر

[أبوجهينة]

المشاركة الأصلية كتبت بواسطة شبارقة

الأعمام الأعزاء أبوجهينة وفتحي ... لكما التحية والتجلة

ما حكاهو عمنا أبو جهينة هو واقع معاش (صعوبة المواصلات ووعورة الطرق - أماكن قصية - بيوت الطين والقش - الظلام التام مع غياب الكهرباء ووجود الباعوض والكتاحة والغبار والجو الحار والعقارب والدبايب ... إلخ) هذا الواقع قد نتقبله ونتحمله نحن ... ولكن غيرنا لا يستطيع ذلك .

نحن زاتنا (الغبش ديل) غلبتنا الحياة هناك وهربنا وجينا للخرتوم محل الرئيس بنوم والطيارة بتقوم

وبعدين سيبك من الأجنبيات ... هسه حنكوشاتنا ديل بيقدرن يعيشن هناك ؟ الإجابة طبعا ً لا ... ونحن زاتنا ما بنقدر

تحياتي أخي شبارقة

لا فض فوك
مداخلتك عبّرتْ عني تماما
فالمقصود ليس تعميم و لكنها نماذج معاشة
دمتم أخي

[أبوجهينة]

المشاركة الأصلية كتبت بواسطة معتصم الطاهر

الاسلوب اسلوب ابو جخينة

و الموضوعية ذانها
جميل ما تكتب ..

العملاق معتصم
تحية و تقدير
شكرا على مرورك البهي
التحية للأسرة

[أبوجهينة]

المشاركة الأصلية كتبت بواسطة الجيلى أحمد

طيب ماتقول انتا يامجنون الحصاحيصا,





كالعادة ياأبوجهينة
متعة حقيقية وتناول موفق لقضية مهمة وحساسة..
انا اعيش ذات التجربة
وسأحاول العودة وتسجيل بعض النقاط..
قبل ذلك أود ان اقول بأن حديث عمنا فتحى صحيح
والتجربة تختلف من شخص للآخر ..

لك التحية ولضيوفك الكرام

الأخ العزيز الجيلي أحمد
باقي لك مجنون الحصاحيصا ود حمد بيقدر يقولا هنا؟؟؟
بالفعل التجارب متباينة و أنا كذلك أعيش نفس التجربة منذ أكثر من 17 عاما و هي ناجحة بكل المقاييس.
في إنتظار نقاطك التي بلا شك ستثري الموضوع

دمتم

[فتحي مسعد حنفي]

المشاركة الأصلية كتبت بواسطة أبوجهينة

العملاق معتصم
تحية و تقدير
شكرا على مرورك البهي
التحية للأسرة

لا حول الله يابو جهينة!!!!
ياخ أنا ما كنت قايلك زول طيب للدرجة ديحسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ
كدي راجع نفسك ورد علي معتصم دا بما يليق به وبالموقف

[أبوجهينة]

المشاركة الأصلية كتبت بواسطة عادل عسوم

جميلة هي القراءة لك أبوجهينة
أتفق معك على التقييم الموجب لأولئك للرجل السوداني
أقول ذلك دونما تجربة شخصية لي ...ولكني تلمست ذلك من من خلال زيجات لأصدقاء واقرباء
أما (شنات البلد)
فالأمر كما يقول عمنا فتحي ليس بذاك الاجمال
وبالمناسبة ياأخ ابوجهينة مناطق البربر ديل -شوف عيني- الكلاكلة الذكرتها دي بالنسبة ليهم المعمورة عديييييل
أكرر اعجابي بالمتصفح لغة واختيارات ومرادات
اليك والأحباب هذا الرابط لمن استحلت شناة بلدنا:
http://sudanyat.org/vb/showthread.php?t=7896
مودتي

أخي و صديقي عادل عسوم
سلام كبير
شكرا للمداخلة و الرابط
مناطق البربربها مناطق ( عشوائية ) و أخرى في مرتبة المنتجعات العالمية.
دمتم أخي و أكرر الشكر

[أبوجهينة]

المشاركة الأصلية كتبت بواسطة فتحي مسعد حنفي

لا حول الله يابو جهينة!!!!
ياخ أنا ما كنت قايلك زول طيب للدرجة ديحسن النية دا بوديك التوج..انت الظاهر ما دققت في المداخلة الكوتها دي.وأنا ياسيدي حأوقعها ليك من منطلق فهمي للباش معتصم..
أولا معتصم ما قاعد يكتب باللون دا وهنا استعمل اللون دا لفتا للنظر..
ثانيا وهو الأهم خاطبك بأبي جخينة..وجخينة دي جاية من الجخ والجخ دا معناهو الكضب..انت ما سمعت بي زول بقول والله الزول دا جخاخ جنس جخ
كدي راجع نفسك ورد علي معتصم دا بما يليق به وبالموقف

تعرف يا فتحي
لو ما كنت بعرف معتصم معرفة تامة كنت صدقتَ كلامك ( و جخيت ليك ) جخ شديد
معتصم رجل حكيم دون أي مجاملة
وجوده بالمنبر هنا ميزان يرجح كفة أشياء كثيرة
له و لك القومة

[آلاء فتحي مسعد]

المشاركة الأصلية كتبت بواسطة أبوجهينة

تعرف يا فتحي
لو ما كنت بعرف معتصم معرفة تامة كنت صدقتَ كلامك ( و جخيت ليك ) جخ شديد
معتصم رجل حكيم دون أي مجاملة
وجوده بالمنبر هنا ميزان يرجح كفة أشياء كثيرة
له و لك القومة

ما هي دي المصيبة انو بقي يستغل النقطة دي ودايما يخلي نفاج يزوغ منو وقت الزنقة وهسة لو زنقتو حيقول ليك النضارة والجيم جنب الخاء مع انو الحاء بيناتم في الكي بورد...ما قلت ليك انت راجل طيب..أها واللون دا قاصد بيهو شنو..الزهور والوردي الشتلوها جوا قلبي

معليش بالغلط كتبت المداخلة باسم آلاء بدون ما أعمل ليها ساين آوت..